2015/12/28

聖誕台北快閃~3(完)~雜碎

其實本次出門是為咗呢個袋…愛死故宮博物院的幽默感…

其他的地方都是走馬看花,兜個圈就閃這樣子,沒怎樣食吓野就真既…

2015/12/27

聖誕台北快閃~2~蛋黃哥懶得展



蛋黃哥真係巧打耳啊﹗~~~

搭紅30巴士可以一次過去晒故宮博物院和士林科教館,不去白不去…梗係去探吓蛋黃哥囉~

聖誕台北快閃~1~旅樂序3館

基於是失驚無神"戚"起條筋而去的,於是看很多酒店都滿了,搵吓搵吓發現這家店,一睇…雖然價錢都幾貴(對比我之前住過的兩家),但佢係全座(之前住的兩家都係building裡的一兩層),然後裝潢很美,內裡的設備好似滿有風格,抱著一試無妨心理就卜了…

然後,我覺得三天兩夜很不夠呢…嗚…

2015/12/24

長洲快閃


我可以說這個角度很有湘南海岸feel嗎?

是咁的,如果想來個特區小旅遊,長洲是小的首選,有得搭吓船又有野睇有野食,幾爽皮的…

很好彩的是這次星期日去唔太多人(聖誕前一個星期),then去和回都撞正時間有船埋岸唔使等,正呀~~~

2015/12/23

全走吖唔該


我承認,我是個揀飲擇食的壞小孩,綠色食物唔食醬唔食呢樣唔食那樣唔食,縱然我已盡量在點餐時講明唔食乜,但店家人員可能慣了手勢還是會加…我都好想逆來順受,但你明嘛…啲味就係我受唔到先唔食嘛,咁落咗就有味…就係唔好食囉﹗嗚…

呀,這次店家人員加咗…我請他們筆走…之後還是有幾條剩低…可以讓我扁一吓咀嗎?

2015/12/22

五虎情意結之…很懷念我們在TVB屬於我們的時候

話說今朝睇到唔唱k呢篇野,雖然佢那句「很懷念我們在TVB屬於我們的時候」堅係唔通順,但又好似明明地佢那份懷念之情(因為我都在懷舊自high中…哈),想問傳說中瘋傳兼攪鬼奧運六星舞步就是這首嗎?堅係攪笑喎﹗點解跳到好似中學sports day啲社際表演咁?﹗(aka:好業餘﹗)

真係要突然懷舊一番…

2015/12/19

[日劇]《最後から二番目の恋》

因為呢,睇好多旅遊書講到鎌倉都提到呢套劇(之前《海街日記》已經挑起好想再去睇海的衝動),加之於個卡士有本人敬愛的小泉姨姨,咁就睇啦﹗

現下煲到第一輯第七集,印象最深的是…雖然步姐震音好難受,我竟然覺得呢首片尾曲《How Beautiful You Are》好好聽,雖然震音真係好難受,但簡單寧靜的編曲好配合鎌倉的感覺…再睇維基,第二輯主題曲都係步姐唱的(《Hello new me》),然後ending係小泉姨和中井貴一叔叔的《T字路》﹗

07/01/2016後按:終於開始睇續篇啦~~~~

2015/12/17

2.6.0.3.2.0.1.6~namie amuro LIVEGENIC 2015-2016

(唔知有無人去搶票)…買到啦﹗未出發先興奮中…

唔同上次(一轉眼3年…經過那些年~~~((我有新歌唱了)))20周年所以喪唱舊歌,今次主打係新碟《_GENIC》既歌,一睇歌單﹗嘩﹗有首97年的《Close your eyes, close to you》﹗

睇97年個《Concentration 20 Live in Tokyo Dome》呢首係第一首,喺個T台好似model行catwalk咁走來走去(完全看不出是160未到的嬌小身型﹗),好深印象的說…雖然比起《Sweet 19 Blues》(《專心長大》呢個live我最喜歡白色suit住嚟唱《Don't Wanna Cry》~),我不太喜歡《20歲專心長大》的電子曲風,(<--台灣譯名…個人覺得好攞膽)((除了呢首《合埋眼,親近你》之外,個人仲好熱愛《B w/z You》,從此上堂寫notes with我都寫w/z的…哈哈))但因為今次演唱會唱,咁我又重溫吓…ok喎不太outdated呀﹗(同時我諗起劉太呢首力作,明明係新曲但娘到一個點)

2015/12/15

[港劇]20年自high系列~《緝私群英》


又到好想重溫的時候…我個list好多呢啲我自覺好好睇但無乜人提起的自覺鉅著…哈哈。

無睇咁耐再睇番,long time no see既皇冠和綠色制服…同埋啲主角好瘦…哈哈哈…

如果有得買番正版碟可否告知小的?我好想買番餅嚟珍藏…哈

2015/12/14

2015年萬千星輝頒獎典禮

其實,啲入圍劇集無一套我完整睇過晒既,然後有好多係播過都唔知(唔記得既或者比較多)。咁據說係大熱門的《梟雄》有望過吓,《張保仔》因為太騎呢而望多過兩吓,《鬼同你OT》和《華麗轉身》因為係食飯時間播所以望得比較多,印象OK同幾好笑的說。另外無乜出現過拎獎的…《衝線》囉…之後…仲有唔知點解段鳳三會變咗段素四(我娘補充係個個演員都會一人分飾兩角的說)既《無雙譜》…無啦。

但我又唔知點解好有興趣睇頒獎典禮,可能無記見我忽然神心所以送啲笑料俾我笑…人家Oscar食pizza…佢地食雞記…啲花旦小生著到令一令食雞…堅係笑咗…(點解無鄭視帝出嚟架﹗有無人call過佢﹗)

另,17哥終於拎到個視帝的邊皮了…

2015/12/10

讀書報告2015#6~寫小說

村上桑的小說呢…我…um…其實…

我比較喜歡看他的散文,原因不明,粉別打我。

any肥,想說的,其實是日文堂的功課…就是…寫小說…囧﹗

2015/12/09

原來已經廿年的95年

話說,因為丁太年頭一個《Let's Begin》,劉太年尾一個《Let's Celebrate》演唱會,let's (get wet?哈哈哈)了一大輪後驚覺係喎,除了V團,佢兩個都係出道廿年呢﹗(雖然,丁太係96年發片的…)…跟住,我又忍不住去回顧一吓當年的新人剩番幾多個…

well,trigger到我想回顧吓既原因呢…咪就係首《Let's Celebrate》

2015/12/08

搵食…啫…

是咁的,琴日fb洗版項目是黃家強跟特首笑晒口合照,又一齊合唱《喜歡你》(見呢度),街坊反應就是驚訝嚇親O咀…

我不是Beyond粉絲,但我明作為粉的時候見到呢張相的震撼…then看到上面link的文也解釋了合唱和合照背後一點關聯…然後,我腦中飄起的是黃子華的一句「搵食啫」…

2015/11/29

[日劇]10年自high系列~《たったひとつの恋》

其實我之前已經極速翻煲咗《龍櫻》(then在《朝5晚9》((朝定晚呀?))見到山p和紗榮子又是一個莫明感概),當年我們說的新生代已經奔三了…嗚…

Any肥,重溫這部就是因為…呢水太多關於KT團的東東,忽然好想睇番…

然後,我發現演菜緒的爸爸…竟然係唱《同一屋簷下》主題曲的財津和夫﹗好驚喎﹗

2015/11/24

田口脫退

話說,2000、1年仲要去信和用特別的方法睇《Pop Jam》(上圖是我好神心搵番當年的特別方法出嚟cap架…幾有誠意﹗)的時候,光王例有的solo表演環節從來都係一堆jr仔跳來跳去,某日出了一團叫Kat-Tun的人,貢當時無乜留意既,到06年佢地出道時,先係發現《Real Face》好好聽喎﹗然後那水開始翻煲番日劇,《極道鮮師》、《野豬大改造》、《Anego》、《有閒俱樂部》(<--呢部除了橫山裕其實好難睇)一部一部的看,不得不提看到想笑的龜版《金田一》和確立龜梨收視毒藥但我覺得好好睇的《唯愛》,翻轉頭才知萬年至愛(也是收視很低﹗)的《沒有天使的街角》係有田中聖﹗…呀…我想話原來我暗粉咗佢地咁多年…

其實,我好shock…

2015/11/23

讀書報告2015#5~突然懷舊之小泉今日子姨姨篇

事情緣於click吓click吓amazon見到右邊本書,好奇就想睇吓小泉姨姨睇乜書,then又發現左邊那本…又好好奇就買埋,雖然說書名是為甚麼小泉姨姨一路都無勾池到,但某程度都係佢演藝歷程傳記。

呃,咁我係睇《虎與龍》後一條龍煲埋《曼克頓愛的故事》而認識的士界的偶像,除了因為睇《FNS歌謠祭》而知姨姨有唱過歌(但我以為係90年代),其實係唔知佢80年代已經係當紅偶像,仲要同中森明菜姨姨同一水出道…

2015/11/17

[港劇]TVB邁步向前節目巡禮2016

其實除了食飯之外我唔會特別坐低睇TBB的了,然後要諗對上一套真係由頭睇到尾的…呃…我諗起的…是…四年前的《洪武三十二》和《真相》了…囧(其實《天與地》我都無完整睇晒…)any肥,每年睇節目巡禮都係一個樂趣…

睇吓有幾精彩嘛﹗哈

2015/11/12

讀書報告2015#4~為了做迷妹而看的書

我覺得呢本《ピンクとグレー》(粉紅與灰)絕對係呢水睇過既書入面最驚喜的一本…估唔到地…係可以用「引人入勝」來形容…忍不住要狂揭睇到個結局為止﹗

當然…看點不是平城跳的中島…也不是作者NEWS原作者加藤シゲアキ(而我一路不知有這樣一個成員﹗)…係…某dd啦當然﹗XDDDD

2015/11/01

各式各樣的麥旋風…(4)

我相信我可能係最忠實的麥旋風觀察員,有新味我都會去試架~最近很愛這個柯華田(我係要寫柯先開心的…XDDD)

原來都儲落一堆圖…又貼一貼…

2015/10/31

2015/10/30

韓燒@韓珍 & 糸木宅 的前世今生

原來我儲落好多韓食相(之前潮興食炸雞嘛…)…不過我鐘意燒野食多啲…XD…

想話…韓珍呢個海鮮拼盤真係好癲(仲有個再癲啲既)

2015/10/29

蒸餾火鍋@皇朝私房火鍋

是咁的,一開始我唔知係蒸餾火鍋,以為只係普通打邊邊。去到之後好期待啦,雖然店家安排位置的方法是有點微妙(等了又等~~~),但望住門口生猛到不能的海鮮時…口水已流到一地都係…

2015/10/25

[港劇]《張保仔》…真係台慶劇嗎?

終於都做完了…我想話自從《真相》後我好似無一套17哥(或曰11哥?)的劇係完整煲得完的…話說星期六出街食飯,今日就喺屋企食飯,就唔覺意睇咗呢套劇的結結篇…之前我係無睇過的,啲笑位只係睇FB的些圖…我想問…做乜呀…張保仔就乜會變咗十一個兄弟…架?

2015/10/23

《囍帖街》IU

我想話真係誠意滿分﹗完成度極高的廣東話咬字唱足全程,聽到毛管都篤埋,即係呢,好多時啲外國歌手要打華語市場都唱國語啦﹗當係為演唱會準備在地人熟悉的歌啦,練廣東話難度高過日文國語英文幾多呀﹗本身已經like IU呢個小妹妹,而家再like多幾分﹗

(雖然,佢個詭異床照事件真係好詭異)
((然後,怎麼大會反而打錯了廣東話歌詞﹗))

2015/10/21

熱煲系列7~新.一條龍.菅田DD~電視篇

看完《民王》有新的一條龍目標…嘩哈哈哈哈﹗

一看維基原來DD都演過好多戲/劇…

再看…原來佢私底下係傻架…諗起…一臉正經的圓面偶像都係short short地的(PG癡呀佢)…這是大阪人特徵了?(﹗﹗﹗﹗﹗)

2015/10/19

[日劇]秋季新番

自從《獻給阿爾吉儂的花束》後,山p哥一展露佢魁梧既身型時…我就想笑…

《5→9~私に恋したイケメンすぎるお坊さん~》(朝五晚九)呢,漫畫沒看過(我不看的嘛…)…貢作為一部《流星花園》式的少女(?)愛情輕鬆劇來講…第一集係ok既…

2015/10/17

樹妖自白

話說,自從開始咗大學生生涯後一路面對的問題就係成房書和紙,執唔嚟掉不到,一地/琴/枱都係野,本來亂到一個點就會忍不住執野的本人都舉手投降,如是者五個月了。

2015/10/06

[雜碎]《海街日記》、《暗殺教室》、《只在這裡發光》、《死神君》

其實這戲沒有影太多旅遊景點,很生活的(如…次次都想落車行的極樂寺站),但見到江電行過湘南海岸(最景點架啦)…唉…我又好想去鎌倉睇海啦﹗

2015/09/28

颱風台北行~下

雖然酒店有早餐,但見永和豆漿就喺附近,梗係幫襯吓…

2015/09/26

颱風台北行~上

是咁的,因為轉工於是本來預咗成行的日本行去不了,因為新舊工之間有個中秋long weekend,咁諗住去轉台北遊吓飛機河都好丫,就係一心去玩成就了呢個史上最多災多難的遠行…真係唔去好過去囉…囧﹗

2015/09/23

《海月姬》

我覺得我真係好癲,翻睇《民王》之餘仲可以搵咁多野睇…

話說睇《民王》時好多彈幕都說蘇打女子力乜乜乜盛盛盛,初初我以為係角色本身柔弱所以先咁講,原來係佢小哥之前喺《海月姬》有大量女裝造型…咁梗係要睇吓啦…

作為一套宅女的成長純真得來又有啲熱血既故仔,係睇得好開心既…

然後容我講多次…菅田DD…你對腳真係好幼囉﹗(吼﹗)

2015/09/20

[日劇]《民王》

竟然,這季我on檔追了三套劇,而三套都追到尾。

竟然,覺得最好睇既係本身無諗住睇但因友人大推而睇的《民王》…

竟然,呢套劇的原著小說我係喺兩年前買咗(《半澤直樹》hit嘛那時)

竟然,池井戶潤的作品我以為係正經既經濟政治野…點知會笑到甩肺﹗

2015/09/18

[日劇]《陰陽師》

 實在是美cry了~

光王今年做咩了?竟然來了兩套SP(仲有單曲+Album、solo con再加不停的《Endless Shock》)…佢係咪嫌自己唔夠忙了…囧﹗any肥,《陰陽師》是成日聽但其實我除了錦戶小亮的《萬事占卜陰陽屋》之外好似無乜睇過關於《陰陽師》的東東…

晴明神社倒是有去了一轉…

2015/09/15

偶像的重要

題目是偷健吾的這篇,因為看完實在太有感觸(不只共鳴了⋯XD)。雖然小的入V團坑只有一年⋯但我感受到聽到《MUSIC FOR THE PEOPLE》INTRO時的興奮呀﹗到底情懷是會令人忘記EUROBEAT而家聽有多土的了⋯我沒有《MFTP》咁前,第一首讓我覺得好聽既係《FEEL YOUR BREEZE》,2002年的了,但之後沒有落坑(同期KK團的《F ALBUM》是個人覺得最難聽的一隻)⋯直到去年《軍師官兵衛》⋯有幾癲,唔使講啦﹗哈哈

就因為小的去年才落坑,一嚟眾人已經係大叔⋯但跳舞依然賣力,看2013年的演唱會時開首的《FAKE》和《FLASHBACK》已經暈了⋯點解咁勁咁好UN⋯小的對勁歌熱舞無抵抗力架﹗(希望上面貼的LINK不要被斬啦,《FLASHBACK》真係好好聽架﹗)

2015/08/28

點先算識日文…

是咁的,前幾天要見幾位日本來的客人,只有一位會講中文可以做翻譯,在呢位朋友到達前我試著跟先到的幾位客人溝通,對方梗係大喜然後bilibala地講(梗係啦…唔使講英文喎﹗我講咗「よろしく」佢地個樣已經十級如釋重負)…之後就到我想自插大脾…跟.唔.到.囉…如是者listening咗兩個幾鐘…

2015/08/21

[日劇]懷古之…《源氏物語》(1991年版﹗)--中

<--越睇越奇妙,我開始感受到光源氏是拐子佬多過貴公子囉﹗

呢段我覺得同《第二次戀愛》既今天不用手一段有得揮…


2015/08/19

蛋黃哥狂熱

佢真係巧打耳呀~~~~

不過我唔太鐘意港譯梳乎蛋…即係呢,我覺得佢係因為懶先至唔想郁…而唔係想為梳乎而唔郁喎…囧

2015/08/18

[日劇]懷古之…《源氏物語》(1991年版﹗)--上

是咁的,小的好喜歡斗真版既《源氏物語千年之謎》嘛(雖然仍然對啲平安人係咪都擒埋去人地度覺得好奇妙…)…貢呢,當年有份參演的東山叔呢,見到報導講過佢n年前演過光源氏,咁呢水小的係咁睇佢老人家的劇嘛,就一條龍埋呢個版本…(有無人覺得左圖的男子似梁家輝?)

即係呢,despite本人都好懷古,6、70年代的戲/電視劇都睇得一大餐既時候…估唔到呢套野會衝擊到本人…好shock呀﹗~~~~~

2015/08/16

食記~白木屋

一出lift見到這個直覺就係行到盡頭就係餐廳入口吧…估佢唔到係一間轉入去先係入口…盡頭…是…廁所…囧

2015/08/12

食記~海鮮站

我儲埋好耐…貼一貼呃文囉…(雖然…有人在看嗎?XD)

2015/08/03

[日劇]《預告犯-THE PAIN-》、《OO妻》、《危機之神》



我竟然在喪睇東山大叔﹗哈哈哈…我怕我好快就會搵番N年前的《The Chef》(連個譯名和內容都唔記得…)和佢老哥套大河劇出嚟睇…

2015/07/31

食記~吃在新文華中心


就說因為最近喺隧大返學,於是就不時出沒尖東,搵飯食既野真係同學海一樣無涯,但天口慶唔想周圍行,於是經常圍繞隧大天橋付近的新文華中心…

估你唔到之…我係喺嗰度試了一件紅隧.真三文治,touchwood,無事。

2015/06/27

名古屋快閃~城之二~金澤城

大家都說要去兼六園嘛,但因為天氣陰晴不定,一直心大心細,行過JR個客戶中心時見到有特價飛…就鐵道迷上身…遊吓(好貴的)車河吧﹗

2015/06/26

名古屋快閃~城之一~名古屋城

<--告訴你,這是我的生日蛋糕。

是咁的,生日請假去玩是常識啦,貢本身剩係請了一天,之後有朋友說不如去泡菜國行個圈,心諗都好喎…就請多一天前後四天,四日乜都夠啦…反正我已經唔愛泡菜國了(但愛佢既野食…XD)…點知六月頭時因為有中東與綜問題,好在這次諗住儲里數而喺俾多啲坐國X,then因為我訂的機票是特價飛所以唔可以改地點只可以cancel或改時間,咁都唔想去了…就cancel啦。難得有個假期又唔想浪費,就search吓邊度去…貢…發現…去名古屋的機票錢剛好係退回來的那舊錢可以cover,反正又沒去過,就出發了…

2015/06/24

[港劇]《風雲天地》…um

嘩,《賭場/酒店風雲》和《天地男兒/豪情》的混合體?定係《歲月風雲》的朋友?(唔睇番舊文都唔記得有套咁既劇)…個名同舊時常用劇名勁似,跟住劇情又熟口熟面(第一集的例行公事是有件好勁既危機顯出主角的霸氣架嘛﹗)…

不過我最大疑問都係點解1987年(劇中說是廿年前)…李詩韻和黎視帝個郁咁六十年代既?大佬夜晚播的《他來自江湖》係1989年的產物,劇中人都唔係呢啲郁架喎﹗﹗﹗﹗

2015/06/08

[日劇]《アルジャーノンに花束を》( 獻給阿爾吉儂的花束) 1-7

其實本身無諗住睇既(上年的《Summer Nude》實在悶得太恐怖,跟住我對野島伸司叔叔的劇有點陰影(雖然上年的《柏拉圖式》是成功睇完,但一見野島監修跟住主角是弱智少年…不禁諗起《未成年》和《聖者之行進》)…呃…咁…well…

不過在老師(係…係老師…XD)…大推之下小的又走咗去睇…因為…偶然在FB見到莫明的笑點…

2015/06/03

讀書報告2015#3~学年ビリのギャルが1年で偏差値を40上げて慶應大学に現役合格した話

書名好長,簡單到好似中文咁叫「墊底辣妹」又好似無咗個風味…um…話說睇開《海女》時見到有村架純會演這部小說改篇的電影,咁又忍唔住掃咗本書嚟睇,最衰的係…轉個頭出文庫版…

2015/05/30

泡星的演唱會的十萬個為甚麼?

是咁的,前陣子Big Bang演唱會開售,有友人問我去唔去睇…然後直覺輸出大腦的反應是:唔係fa…(下刪十萬字),好了,我不喜歡了。any肥,過去幾年看過好幾次的泡星演唱會,我是有一點疑問和悶點既…

2015/05/24

隧道大學上課初體驗

我好像不下數億萬次說我的真愛是隧道大吧?而我也講了上萬次說想再做番大學生,終於拖了好幾年喺目標科目轉了幾十萬次之後確定了。課也開了(很快吧﹗),um,上完頭三天的課,感覺有點複雜…

2015/05/03

V團《Timesless》

作為一個長期K團飯,見到V團的單曲除了有DVD(PV)送,仲會有特別影片,又會有360度甚麼event攪作,返轉頭會覺得K團啲碟出得有點例行公事啦…

2015/04/26

《蜩ノ記》、《近距離戀愛》

上年十月公開的電影,其實呢,睇小說是爛尾的(閃)…但戲係都要睇既,等了半年,終於忍唔住喺日遜訂碟…竟然就係呢個時候特別的觀看方法…呃…

好啦,其實no matter what作為粉都要買隻碟來儲既,仲要有特典嘛﹗(自我安慰中…)

2015/04/16

讀書報告2015#2~『オリーブ』の罠

雖然我從懂得迷日星開始就有買吓雜誌,初初追安室時買CanCam、Non-no、JJ一類,之後有duet、winkup等J系的,但真係無買過olive(オリーブ)喎﹗但原來,呢本雜誌係2003先停刊的…那時我已經會買日雜啦…

any肥,睇順子姐呢本書後我好似好熟呢本其實我一期都沒有看過的雜誌,整個青春年代有一本伴住自己成長的雜誌都幾幸福呀﹗雖然最後停咗,但一個年代總有終結既…

然後我在想…咁我既話…係邊本呢…yes一本便利…定東touch呀﹗囧﹗可能係香港電視、金電視…哈哈哈﹗

2015/04/09

復活節煲劇總結

由於臥病,於是不停攤喺度,咁攤喺度唔係睇書就係睇片要不就係瞓覺啦…天口太熱…雖然都有出吓街…但都係在家千日好呢﹗

就由呢套睇到我笑到停唔到口的第二春…呀…《Second Love》開始吧…

2015/03/23

V6~20周年演唱會曲目投選

係咪逢廿周年(或者周年啦吓)都要攪個投選呢?想當年安室廿周年時我錯過了…今回我極速去咗投票啦…但好多我鐘意的都無得選耶﹗

唔…自從唔覺意成了V團歌迷,唔,我極速狂睇了過去十個演唱會…發現同我追開的KK和安室好唔同…前兩者通常主力唱新碟既歌,經典係唔一定出現,debut歌就更甚啦(安室唔使旨意架啦,KK的《玻璃之少年》都可能喺medley時坐吓車仔掉吓波咁唱既…)。而V團,好多時都會唱單曲/唱片的side-cut,唔背熟啲歌都幾係野,狂跳完一輪之後一定嚟粉絲福利,就係狂喺觀眾席度跑跑唱唱(好眼福呀﹗勁近﹗),then唱既九成九都係經典舊歌…跟住先插番幾首新碟既歌…就算你未背熟新碟歌曲都一定有舊歌一大堆全場大合唱…噢…

2015/03/22

京阪神周圍遊~8(完)~二条城 & 回家

<--又係假髮偶像…XDDDD

是咁的,因為去到唔想郁竟然想到玩搭車遊戲(我喺香港成日玩…XD),本來想搭湖西線JR睇吓湖光山色(拎住關西Pass真好),但搭的列車可知何解到米原就終站了,落車後唔知去邊好的時候見到有車埋站就上啦…如是者…我去咗大阪…

如是者…我去了行街又掃咗啲野咁…

2015/03/20

京阪神周圍遊~6~京都市內觀光

朝早當然係要有井之原爸爸的《あさイチ》陪我食早餐囉~

這天不郊遊,終於都市內觀光了…

北野天滿宮-->哲學之道-->銀閣寺-->鴨川三角州-->一乘寺

2015/03/19

京阪神周圍遊~5~嵐山小火車、金閣寺

前幾天都係毛毛雨,今日終於都落出密密的,終於都整到成腳水…我又要去買對鞋﹗囧﹗

本身最期待就係去搭這個嵐山小火車架嘛﹗

2015/03/18

京阪神周圍遊~4~番外~東京行

話說呢,某晚唔覺意喺微博度見到有官兵衛戲服展喎,其實都估緊應該唔係好大型,但又抵唔住頸好想睇,反正仲有幾天喺京都嘛…跟住就浮起不如試吓搭新幹線去關東的念頭,好似好好玩喎﹗