步姐

步姐剛完成在港演唱會，之前promote出街時有朋友問我有沒有撲飛看…喂…佢好明顯唔知我係邊個女歌手的粉絲喎？﹗

雖則本人不是步姐粉，甚至不曾欣賞過…但總是心思思去聽她的歌…

<--大碟《I am》封面，竟然係去台灣時其中一項戰利品…我竟然去台灣買台灣版？

本人是步姐同門師姐粉，看著她在師姐產子休息時被公司力催，終於過埋頭，說實在不好受。但同時本人又頗熱愛步姐好幾首曲目，總之又要聽又要覺唔好意思，心情總是好複雜(好像對唔住自己偶像咁…哈哈)


大碟《Rainbow》，買了日本版，終極罪疚感之入手…因為呢隻碟和Kinki《F Album》同一週出街，仲打敗Kinki成為冠軍，就咁打斷了KinKi出道以來所有大碟都成Oricon冠軍的紀錄…我…我係幫兇呀﹗話實碟內的《Real Me》幾好聽的說。而《F Album》係本人眼中最爛而且最唔鐘意又聽得最少的KinKi大碟…

好，講完私人(其實…唔係私人既…我扮熟啫…)恩怨，入正題。P.S.偏見上面講晒，下為本人觀察，步姐粉唔好打我呀…

要研究如何成功塑造一個偶像，步姐可能係最精彩的例子，從她身上體現了何謂完美的marketing。

大紅之前的步姐是水著模特兒，拍過電視劇(《未成年》﹗塊面包到呢…)、電影亦出過唱片，但不太為人熟悉。經Avex包裝過後，初出道的步姐是個留bob頭，面圓圓眼大大的美少女，直至首張Avex大碟《A Song for XX》唱片封面和PV造型都清清純純，加上歌詞都出自她手筆，一副文藝少女的樣子(這招令人想起史塔肥…會寫詞這才藝都會令人加分吧？﹗)。外型，比以前討好多，反應，ok而已。那時期的步姐不算精彩，不過最為本人欣賞，若以本人的眼光捧人，死得﹗

精彩故事從99年尾同日推出大碟《LOVEppears》和單曲《appears》開始，歌曲相對不重要(《appears》我覺得唔錯架其實…)，重點是那一黑一白的半裸封面，在日本牽起話題不在話下，連香港這邊也成電台熱播(我就是聽電台識這個人這首歌和這封面…少不了是雜誌推波助瀾)，奇異在本人竟在圖書館(公共嗰隻﹗)借到《LOVEppears》和《A Song for XX》大碟﹗(聽的同時係覺得自己在背叛偶像中的說…)

本人對步姐印象是從《LOVEppears》開始，感覺她是要同時聽和睇的歌手。歌藝老實說還有rooms for improvement，不過碟內歌曲旋律簡單易記，又有易讓人共鳴的歌詞(這是quote雜誌既…無中譯本係手我都唔知步姐寫/唱咩)，加上令人昡目的造型(從性感到狂野總之咩都有…)，人氣急升也是理所當然。當時，本人的偶像復出後氣勢大不如前，和步姐爭一時長短的是宇多田光，不過二人路線不盡相同(雖然不時有人拿她們來比較)，其實各有各做吧。

之後是將《Love》大碟成功方程式發揚光大，單曲大碟封面全都是令人驚艷(訝)的造型(當中以remix大碟為甚﹗)；單曲除了主打歌外還收錄多首混音版本，單曲價大碟量，聽唔聽係一回事，起碼覺得抵先；之後有三首單曲串成故事，《vogue》、《Far away》、《Seasons》從封面(下一張係上一張既放大版…)、PV到歌詞都是一個故事，尤記得本人有位朋友熱愛《Seasons》關係每次唱K都要睇這PV，但由於是三首歌連埋唔飛得，於是前兩首就成了食野和廁所位了…嗚…；終極一招是短時間內(二至三個星期)推出新單曲，打破一般歌手(就算當紅…)幾個月才出一張單曲的造法，又又又又再牽起話題，終於個個星期行入唱片舖都見到步姐。說實在，服咗佢﹗(身邊有位步粉，張張單曲都儲，儲到頂唔順…？﹗終於決定只買大碟…)

其實未完，之後再將早期單曲重新推出，重整個扮LV的monogram，粉絲又要儲﹗仲未數PV集、Tour等周邊…背後出橋的人真係能人所不能。就算唔追歌，偶然睇到PV或望到封面都夠娛樂性，還記得那個豹皮女造型的《Duty》大碟封面嘛？(但封面造型和歌曲內容係無關架喎，呢個都係專訪講既)

簡單而言，就是不停的打破常規，不停的出其不意，就係咁，得咗，得到今時今日。

當年覺創意十足，現在看A記捧倖田，招式居然一模一樣(親自填詞、十二單曲連發和故事性PV三首等)，雖然一樣work，但慳水慳力咗啲囉…

近年的她造型沒前期咁「誇」，通常都係華麗型，但唔代表就無殺著既，還有抵食夾大件的全碟曲目DVD和大大本photo book送，引到本人無啦啦又入咗隻《My Story》(不過係買港版而己…)

講咗咁耐加多句，某港產男歌手看人家演唱會說步姐三份一時間咪咀，首先，我覺得佢唔明白日人對咪咀的看法，第二，究竟佢知唔知步姐的定位？﹗會唔會有啲錯咗呢個expectation？佢當年都揀學友捨城城架喎…

最後post吓本人最欣賞既步姐曲目係好早期的《LOVE～Destiny～》(1999)，當年既步姐真係有幾分似英龍華妹妹(尤其係對大眼)，不過當年佢既唱功就…尾段一句「生きて行く証にすればいい」個「いい」高音位完全上唔到囉…不過都無損我對呢首歌既欣賞既…

<--呢個咪就係reissue既monogram封面…
19/6/12後按：幾年之後堅叔喺佢既《ken's bar》度翻唱了呢首歌…嘩﹗實在是好聽太多了…

LOVE ～Destiny～
words:ayumi hamasaki

music:Tsunku

arrangement:Shingo Kobayashi,Yasuaki Maejima

ねえ　ほんとは　永遠なんてないこと 私はいつから　気付いていたんだろう

ねえ　それでも　ふたりで過ごした日々は ウソじゃなかったこと　誰より誇れる

生きてきた　時間の長さは少しだけ違うけれども

ただ出会えたことに　ただ愛したことに 想い合えなくても　La La La La... 忘れない

ねえ　どうして　こんなにも苦しいのに あなたじゃなきゃだめで　そばにいたいんだろう

ねえ　それでも　ほんのささやかな事を 幸せに思える　自分になれた

ありふれた言葉でも　ふたりで交わすなら意味を持つから

ただ出会えたことで　ただ愛したことで 想い合えたことで　これからも...

真実と現実の全てから目を反らさずに　生きて行く証にすればいい

ただ出会えたことを　ただ愛したことを 2度と会えなくても　La La La La...　忘れない

****************************************
official website