2006/10/31

[日劇]洗滌心靈之旅—《瑠璃の島》

這標題有點X會古兜溫泉之旅的感覺,不過故事主場景鳩海島的景色比這溫泉美多,看完真想直奔那兒體會海天一色的風景。

言歸正傳,首先又要提提竹野內豐。

地鐵阿嬸

基本上唔一定係阿嬸,不過我遇到的通常都係阿嬸而已…
  ***

2006/10/29

歡樂唔歡樂的天地…

話說某天行過樓下的甚麼樂園時見到:

永久會藉﹗ 玩樂的地方配上沉重的「永久」兩字。看著不禁想,你offer我永久會藉,但我又是否可以永久的享用這offer呢?﹗

2006/10/21

小blog更名日誌

雖然讀書有講過改brand name的壞處,不過作為一個諗到就想做,唔做會身痕的心急人,思前想後,決定趁今天小博開張八個月(其實都不是甚麼特別日子﹗哈哈)進行改名大典﹗

好像沒講過小博這個騎呢又中又英的名字來由?話說本人情迷堂本光一,自己網名借用了人家姓氏,04年在Xanga(27/1/14後按:嘩﹗這個bsp已經成為歷史了﹗)開第一個博時就想像他的名字套入名字內,於是就用上"Hikari",光也。因為本人是隻戀家的巨蟹,於是就加個"Home"字;後來手痕加埋中文名"光榮之家",本人極欣賞的Hocc舊歌。時日久了,本人開始看不過眼這又中又英又日的名,開始構思新名…

至於副題"隨著好奇心行動,到處累積經驗",其是二十五日出生的人的性格,讀後覺得形容得極貼切就偷了來用。

在鮮奶國安定下來以後,本人開始搜索一個mirror blog的落腳處,加上為在朋友竇口留言,於是無啦啦在Yblog、MSN Space、Xanga(又開過…)開A/C,無聊的本人雖然不打算在那兒開Blog,但都會身痕痕的粉飾一下,於是開一次就諗一次名;終於上個月係 Xanga開A/C諗到而家用的新名,好貼切的形容本人的處境,哈哈。

相比以前"鬼竄"的改動,今次算係最大的變動吧?哈哈。無論如何,謝過所有過來坐的Blog友們,得閒就多啲呢坐啦﹗

(暫時將舊名先放在副題位,一段時間以後換回舊題~)

另一篇:

小blog一歲誌慶

2006/10/19

勢力範圍

讀history讀到清末時各國勢力分佈時有個term叫"Sphere of influence"。現在,「勢力範圍」唔係書本上,係現實中…

 (真實的阿姐唔係咁惡既,不過都差不多啦…嗚嗚…)

老爸的書枱,媽媽的廚房,小弟的PS2,和本人「露宿者之家」般的房,是禁地,生人物近,郁親手就聽打。

像媽媽的廚房,公司的pantry就係阿姐的「勢力範圍」,拿甚麼用甚麼一定要有手尾,否則…哼哼…

2006/10/17

[日劇]好懷念的《悠長假期》

久不久就想翻煲《悠長假期》,等小南輔導瀨名之餘都輔導一下我。這天突然很有衝動翻煲,放鬆一下緊張的心神,學小南話齋:「每逢人生不如意時,就當是上天給你一個悠長假期吧﹗」放鬆啲啦香港人﹗

19/10 update: 經重溫後發現原來句放假對白係瀨名講…唔係小南講先…

2006/10/16

[日劇]為《一公升眼淚》儲定幾廿公升眼淚

本人淚線發達,劇集電影很刻意迴避悲情片,怕哭崩長城堤壩;所以不問因由,以催淚見稱的韓劇真的可免則免(不經意入戲院看的《向左愛向右愛》結局都看得我眼濕濕,都話唔可以睇架啦)((27/1/14後按:而家癲咗咁睇的時候,可幸韓劇又不是以催淚為主了…)),反正我不熱衷韓式型男,無損失。至於心愛的日劇,為免喊到變豬頭,一連幾套《在世界中心呼喚愛》、《太陽之歌》以及無記昨晚開始播的《一公升眼淚》,大熱,好想睇,但一直忍著…不幸,昨晚一出廳就忍不住坐低看,輸咗…

2006/10/15

無奈…

最近常遇到的無奈情境,如圖,四字成語乙個:
 實估得中既-「對牛彈琴」…

無聊畫作~

網上世界真偉大﹗由於懶去圖書館借書,就上網search下人家如何用photoshop畫公仔,搵到好多有心人詳列畫圖秘技,原來圖層係咁用架喎﹗

邊學邊畫,越玩越開心…哈哈,卒之停唔到手…



必勝study係第一張實驗品,個style和其他三張唔多似~

REF:CG畫圖心得分享

2006/10/13

散紙

等巴士時,見到巴士車身上的「請備輔幣」標語。輔幣,又名大餅、碎銀、硬野,本人愛稱為散紙,乃係銀包總會袋著幾個的東東;曾幾何時每天真會自備一堆傍身,但自有發達通之後,好像很久沒用過來搭巴士…

2006/10/11

有感而發之欣宜

每人觀點與角度都不同,各花入各眼 美不美,醜不醜,得唔得,應不應,一切因人而異。純粹抒發己見,各有各觀點,齊齊討論集思廣益見,謝過各方blog友回應留言,恕關掉留言功能。

娛樂事,不必太著緊,喜歡便繼續喜歡,不喜也可繼續不喜,無啱或錯,但求理性行事。

13/10/06

其實欣宜是否真的如此犯眾憎?播她的MV都要收投訴?其實唔想見到她容貌的人轉台便好了,又要邊看邊鬧,奇怪。

2006/10/10

Something About 李克勤

從blog友留言看到TC一篇講李克人,即時思潮洶湧。雖然他從未成為本人偶像之一,但本人對他歌曲的欣賞之情有如滔滔江水連綿不絕,簡直一發不可收拾。從舊文中克人歌詞出現次數之多可見一斑吧﹗

哼哼,收斂多時的貼歌詞嗜好是時候重出江湖了。

2006/10/06

中秋奇想

據說今晚11點45分睇月最清楚的時候,呢個時候思潮亦特別高漲…

2006/10/05

城大遊記

今天又身痕到九龍塘的轉車到油麻地上堂,可是大塞車之下比預計時間遲了到步,再轉車都遲到了;走到火車站時忽然有奇想,咦,我好似好耐無返過偉大的 商大啦喎(我好似無正式講過我係讀呢間野架呵?﹗)…哼哼,我的走堂因子又發作,哼哼,誰叫出席率只需七十個巴先,不好好利用好像對唔住自己。偶爾享受越軌(我指走堂而已~)任性的樂趣是本人嗜好;就一鼓作氣,衝進久違的商大…

(條天橋好多人,趕時間之下快手影完走人…手震咗…)

快樂頌

朋友仔vi整了篇「快樂是…」,看完自己都想了一想,甚麼人甚麼事才能令自己快樂??人大了,要快樂好像沒以前那麼容易。學會要求少一點,快樂又好像是回簡單的事…

 快樂是…睇blog寫blog上網無聊,看到各方blog友的留言,真係無限快慰~

 快樂是…將拖延已久的事辦妥,再幻想之後美滿結果,嘻嘻,今夜夢還暖~~~
(本人為成功脫離獅子銀行開心了一整日,被老媽戲稱為「三厘」, 呵呵,我受﹗)

 快樂是…一個朋友的來電,交換八掛情報近況,得知一切安好,帶著甜夢入睡…

 快樂是…看一回開心的電視,可以是一場好波(最近的查爾頓對阿仙奴雲佩斯兩球波真係超精彩﹗); 一場好戲(爛戲都唔拘);暢快開懷一會﹗幾好。

別人笑我太低能(或傻~哈),我笑他人看不穿。笑多啲唔好咩?

2006/10/02

考考IQ

話說某日食飯時同事間互相玩兒時至愛IQ題,嘻嘻哈哈的邊食邊估,邊個話IQ題係細路玩意,有啲估到死死吓先估到…

  1. 擺一隻雞和一隻鵝入冰箱,點解隻雞死咗隻鵝又死唔去呢?
  2. 放隻長頸鹿入雪櫃的三個步驟是?
  3. 熱咖啡立即變成凍咖啡要加啲咩?
  4. 黃太教奶皇包,陳太教蓮蓉包,咁邊個教叉燒包?
  5. 點解貝多芬唔用呢隻手指彈琴?(請配合高舉左手食指乙隻)
  6. 拿破侖正帶領士兵上陣殺敵,他大叫:殺呀﹗時為何無士兵應聲殺上前呢?
  7. 話說陳老師係個仲意打小朋友的老師,佢每次打完小朋友都叫他們不可向父母講出真相。有次他體罰了Peter, Tom, John三個小朋友,其中一個向自己的父母告發了陳老師惡行,咁究竟係邊個呢?
  8. 祖國有好多假野,有人說一百樣野入面有九十九樣係假的,咁第一百樣係真的野是甚麼呢?
估到無?估到就CLICK閱讀全文睇答案啦喎 Picture

2006/10/01

壽司店

話說屋企附近的商場開了這區第一間迴轉壽司店,一時間人人愛壽司,門前的人龍和洪七公一樣"見首不見尾"。於是開了將近一個月,本人在上星期才第一次幫襯。其實,這種連鎖壽司店間間出品都一樣,只是現在唔使搭車出外才有得食。人,果然係新屎坑三日香;香完三個星期,現在就算是晚市排不過三個字就有位 了。

出銅鑼灣食的話,坐隔離的絕大多數都係年輕男女;在我這區,屋村林立關係我食咗幾次坐隔離的都係一家大細…仲永遠有我最驚的細路…

事件1: