2006/11/09

[日劇]《太陽之歌》first impression


我有舖續煲癮(6/3/12後按:這就是後稱的「」也…),嗰期煲完某人的劇會再找其他的來煲。狂煲完竹野內豐,今次我的目標轉向澤尻繪里香,睇完 《一公升眼淚》 再嚟一套她上季劇集《太陽之歌》。看了兩集,劇情仍在舖排中未入正題,談不上有甚麼看後感;反之不停令我想起兩樣野:濱崎步和《火舞涼瓜》。




星座說本人看人看事都極重第一觀感,本人一直深深認同;若人事變得和自己第一印象不同,本人可真要費一番功夫來調節自己。認識的人如是,睇劇亦然。本人睇《一升》在先,看慣澤尻簡樸學生look(其實…我覺得她在劇中的casual look衣服幾…娘…可能係要配合屋企開豆腐店的設定掛…),一時間睇唔慣《太陽之歌》中的自彈自唱型女look--衣著型,化妝勁咗好多(其實看《一升》時本人已不停投訴邊有人病得呢塗鬼咁勁的睫毛液架…),我邊睇邊懷疑眼前呢個薫係咪之前的亞也,點解個樣唔同晒既?係佢笑時見到隻爆牙的才能確認係同一個人。當然,《一升》中她是十五歲的學生,《太陽》的角色就十九歲,切合番佢本人年紀,也許,街頭歌手係要呢啲郁,又或者呢個濃妝型女look才是澤尻自己(睇佢近期出席公開活動的造型…)。某幾個角度(例如三年前薫手術住院時的孖辮look)望埋去仲有啲似步姐(正確來說是步姐剛出道成歌手時的樣,98年個陣啦…粉絲唔好打我呀﹗),尤其是對大眼,撞鬼。

我諗我要啲時間適應,包括劇情和造型,適應得呢劇情都應該入肉架啦。

在這第一印象影響下,本人適應case還有  《summer snow》 中演耳疾二弟的小栗旬(右圖),他在劇中唔多出聲勤力讀書(所有對白都比堂本剛以機關槍形式講晒),造型總是娘娘的,到睇《我Miss係大佬》和《花樣男子》(左圖丫唔該)時,嘩,使唔使咁型呀﹗接受唔到﹗另外是高島禮子姨姨,《大奧》和《女系家族》她都是做些攻於心計陰毒女子,在《不能結婚的男人》終於有機會睇佢做番個「正常」的女子了(會社員only),正常咗我反而唔慣,要啲時間…

此劇的第二個觀感係《火舞涼瓜》。

呢套無記鉅獻最令人印象深刻係由頭到尾「黃禁禁」,而《太陽之歌》就係黑麻麻。因為女主角患的病不能直接接觸陽光,所以她的日常生活都在黑夜開始,於是日光日白的戲就比晒山田孝之,澤尻就算係屋企燈光都係暗暗的,真係好似某柔順劑廣告話齋:「好似黑夜咁黑。」睇完隻眼好支力。唔知係咪因為場景黑麻麻,所以澤尻個妝就厚啲呢突出番五官呢?﹗

最令本人驚喜的是澤尻的兩首歌《タイヨウのうた》和《stay with me》,唱得唔錯,起碼無本人最驚的雞仔聲,輕快pop-rock,加埋個靚到要殺盡天下少男的PV,唔怪得上到oricon第一啦﹗

因為男女主腳的關係,《太陽之歌》難免被拿來和《世中》和《一升》比較,不過而家只係睇咗兩集,未係時候判斷好唔好睇,再觀察吓先。睇資料說此劇改編自同名電影,而電影是翻拍(?)港片《新不了情》,除了絕症和音樂,暫時未太感受到《新不了情》…又係要再觀察…

官方網頁 / 劇集資料
電視vs電影後記: [日劇]太陽之歌VS太陽之歌

18 則留言:

  1. 太陽之歌也是在下最新KO的日劇,老實說有點差強人意,特別是「一公升」珠玉在前,還有山田孝之比起錦戶亮更「出色」的演技及討好程度。

    妳不寫在下也忘記了小栗旬有演Summer Snow,真的男大十八變...高島禮子在ENGINE也有正常的演出,反而妳提及的女人戲在下沒有看過...

    タイヨウのうた正是在下看太陽之歌的原因之一,以男性角度看,那MV並非很突出,並不是澤尻最美的一面。

    9th Nov 2006 14:45 PM

    回覆刪除
    回覆
    1. 我琴晚睇多一集,都仲ok既,睇吓我頂到幾多集啦。個人觀感:薰個樣橫睇掂睇都唔似病,除咗佢唔掂得陽光之外,真係唔似病到如劇中所說過唔到20歲喎,反而山田仲似有病,個樣又頹又灰…
      錦戶亮係一升度係亞也的守護神,角色當然討好。山田個角色嘛,我諗係我未睇到佢守護薰的戲份掛,總覺得佢係行行企企食飯幾味,唔知做咩
      我無睇ENGINE呀,有機會搵呢睇吓先~Summer Snow我睇咗幾十次,啲劇情已經識背﹗所以極睇唔慣小栗旬個型樣…
      上面mv評價出自小弟,我係覺得首歌幾好聽je~哈哈

      10th Nov 2006 09:17 AM

      刪除
  2. 「太陽之歌」的角色比較接近繪理香真人性格吧。(笑)

    明顯成熟&大個囡左好多,性格仲要coolcool地。看慣了《一升》亞也,可真要用半集時間適應。

    今次不再描寫家庭之愛,反而集中在愛情及理想,我覺得有所欠缺的是,對友誼的描寫還是不夠深入,難得是一個樂團成立的故事哦~

    9th Nov 2006 18:24 PM

    回覆刪除
    回覆
    1. 我都覺,由其是呢期係報紙見到繪理香的造型…
      我覺得「太陽」想講的太多,少了條清晰的主線,唔似「一升」開宗明義講亞也點面對個病。難怪在日本的收視…唉

      10th Nov 2006 09:20 A

      刪除
  3. 我都係覺得亞也個純樣靚0的, 依家有好多雜誌POST佢以前水著個樣出黎好唔慣..

    9th Nov 2006 23:11 PM

    回覆刪除
    回覆
    1. 先入為主,亞也個樣順眼好多。
      哈哈,唔慣佢水著look我諗係因為我地唔係少男,好少留意呢啲美少女動態嘛~~
      我身痕到youtube search吓澤尻個名,佢有演出過好多遊戲節目,有啲仲係水著上陣,典型日本二三線女星路線,唔紅就拍吓性感相見吓報

      10th Nov 2006 09:24 AM

      刪除
  4. 很不喜歡日劇。

    10th Nov 2006 09:27 AM

    回覆刪除
    回覆
    1. 鹹魚青菜各有喜好,無所謂啦~~而家無記ONLY都有好多中外劇集睇,總有一款啱你既

      10th Nov 2006 09:42 AM

      刪除
  5. 太陽之歌收視仆直的原因,是由於那時正爆出山田孝之搞大女生個肚又不認的新聞。

    太陽之歌在下反而覺得主題很清晰,就是講戀愛,而不是一公升的努力生存,不過不夠討好。

    Summer Snow妳是喜歡當中的什麼?堂本剛?在下認為Summer Snow中的廣末涼子是她最美的時候,她在劇中的樣子絕對打入在下最愛美少女的頭三位。不過劇本就真的欠了一些,特別是結局...

    10th Nov 2006 11:20 AM

    回覆刪除
    回覆
    1. ohhh…各花入各眼…
      山田負面新聞之後到澤尻…人紅果然負面新聞都特別多…
      睇summer snow一來因為本人係kinki粉,係唔係都會睇;另外睇forum話summer snow係小松江里子唔知咩野「青春三部曲」最後一部麻(之前兩部係「若葉時代」、「青之時代」),所以有興趣睇埋。其三部戲都係前段好睇,後尾就娘娘地唔係死人就係絕症…
      我都好欣賞廣末,演戲動靜都得。佢同堂本剛我反而仲意睇「前男友」,話晒summer snow個ending唔開心,係「前男友」終於大團圓結局﹗哈哈,不過內山粉就唔係咁講了

      10th Nov 2006 11:59 AM

      刪除
  6. 都係睇返電影版好~
    佢唔係唱得唔好, 但總係覺得佢唔夾d 歌.
    都係原唱好, 呵呵~

    10th Nov 2006 15:39 PM

    回覆刪除
    回覆
    1. 咁電影版的YUI真係唱街頭再成為歌手,比半途出家的澤尻好係應該既
      你咁講我都有興趣搵個電影版呢睇,不過好似唔太覺太陽之歌vcd?﹗

      11th Nov 2006 21:31 PM

      刪除
  7. 看看這個:

    《道凶靈》地鐵禁宣傳 澤尻繪里香擬訪港造勢

    在日本、韓國掀起話題的恐怖電影《道凶靈》即將在港上映,電影公司為替影片造勢,原本在全線地鐵範圍大肆宣傳,礙於該片內容涉及有關地鐵鬧鬼事件的敏感題材,故所有地鐵宣傳預告一律被抽起,即使電影公司多番周旋,仍然無效,淪落被禁下場。

    而憑日劇《一公升眼淚》在港人氣急升的女主角澤尻繪里香都很渴望來港宣傳自己首部恐怖電影,近日正跟經理人度期組團來港會見影迷,並為電影票房出一分力。


    10th Nov 2006 16:37 PM

    回覆刪除
    回覆
    1. 我驚我係報紙見到澤尻又唔認得佢,佢啲造型成日變既…

      11th Nov 2006 21:32 PM

      刪除
  8. 恭喜妳這文章被Admin精選,在下也要再努力多一些。

    山田孝之的負面新聞大部分人都認為是真的他自己「o羅黎衰」,比他紅的大有人在,為什麼偏偏是他,總有原因的。就算不計那新聞,太陽之歌的收視都是「半仆」的。

    是時候開始寫「太陽之歌」的劇評了...

    10th Nov 2006 16:47 PM

    回覆刪除
    回覆
    1. 謝謝~~~也期待你的專業劇評~~~
      啲新聞而家都無晒聲氣,個個都掛住追中村獅童和竹內結子…
      而家睇到第六集,如果唔硬係拎呢和「一升」比,純以愛情劇來看其實都ok,係畫面真係黑麻麻…睇到眼花花

      11th Nov 2006 21:37 PM

      刪除
  9. 已經寫完劇評,不日推出,不過今次差不多是由頭彈到尾...

    畫面黑麻麻的確是很大的問題,在下Cap圖時要花很多時間作後期加工,否則讀者會看不到...

    反而在下對於YUI主演的「太陽之歌」電影版很有興趣,今晚會看,看完後再寫再討論。

    15th Nov 2006 16:20 PM

    回覆刪除
    回覆
    1. 我最想彈的係個結局,吓?咁就完架啦?唔係呀話?hea咗啲喎…
      枉我咁神心狂煲晒想睇moon child出唔出到道架嘛
      期待的你劇評,話實睇完電視版我都想睇電影版,高中生版會唔會一樣黑麻麻呢?﹗

      16th Nov 2006 09:13 AM

      刪除

要講幾句嗎?﹗XD