2006/11/05

不許人間見白頭

剛煲完《一公升眼淚》,一如所料喊到收唔到聲,不過這戲也不光止催淚,看著病中的亞也不放棄的堅強態度,行得走得的咱們實在很幸福,很多事不是理所當然,就努力珍惜,活好每一天吧。

劇中最搶鏡應該是女主腳澤尻繪理香,但我最留意的反而是演阿媽的藥師丸博子。看著兩代玉女同場演戲,我邊喊邊想著之前看的《穿扒地的惡魔》,又是那一句薑越老越辣,她這個聰慧媽媽總是搶著本人注意力。

最近日本有電視台重拍她二十幾年前主演的《水手服與機關槍》,當年她是穿水手服的少女,今天她就演四名子女的媽媽,歲月不饒人;她當年大紅時我還未哈日, 《一升》才是第一次看她演出,所以我沒接受不到當年玉女今天做媽媽的感覺。她一雙大眼睛有種慧黠的感覺,明察秋毫,蠻配合劇中在職母親的角色,如果做個全職婦女就不夠入型入格,總覺得另一個姨姨黑木瞳較適合。

見《一升》片尾出end roll時第一個是澤尻,第二個就是藥師丸博子,可見她雖然演媽媽,卻是劇集重要卡士之一。反觀香港,從少女做到阿媽都有不少case,不過她們就沒藥師丸的福氣,除了少數如阿姐仍當女主腳,其他一到四字就要做主角阿媽,即係甘草,戲份不外乎在屋企煮飯和飲茶霸位,唔睇主角係邊個的話基本上係估唔到邊套打邊套戲的。最得人驚的是四十幾可能有個二十幾甚至三字頭的仔女,個個都變做《十四才の母親》,好驚;但同時三十幾到尾的女演員仍演黃花閏女,角色甚至設定到二十幾歲,當家花旦就如小花被保護著,免受歲月侵擾,個個盡變不老的傳說。可能搵個十幾歲的童星麻煩吧(當然都有戲仔女係呢個年紀),於是一來就是個二十幾歲的做仔女。

女生對年齡較在意,總覺得演員從少女轉型到中年女子角色需要的勇氣比男演員更大,尤其是一做阿媽就有個二十幾歲的仔女。極記得幾年前無記的《帝女花》,郭羨妮竟然做邵美琪的女兒,再耐啲的有《師奶強人》中李克勤竟然係陳秀珠的仔,唔係呀話?嚇死我咩,完全接受唔到囉。

反觀日本或外地,縱然人到中年(甚至是老年)卻可以是主角,無記嘛,留來做甘草吧,睇吓用呢配邊個叔叔做邊個的阿媽。

80年代的女演員現在都四字前後了,陸續開始演阿媽的角色。忽發奇想,本人最欣賞的80年代花旦翁美玲現在如果還在演戲的話,會否像藥師丸一樣演到媽媽的角色呢?仲要係智慧型嗰隻唔係師奶喎,哈哈。但通常只有英年早逝/急流勇退的明星才成就legend,讓人永遠懷念,他們不會老,最好的印象永存人們心中。成了甘草,反而不馨香了。

人總要接受自己成長,看見有啲幾十歲的姨姨仍一副少女打扮,真係好驚。做回自己年齡的角色才最順眼吧。

TBB版:我最喜歡的女演員

16 則留言:

  1. 係啦,外地劇集或電影,人到中年甚至老年仍然可以擔戲,但香港唔知點解d主角硬係要設定為十八廿二....其實中老年既故事一樣可以好好睇架o者~

    5th Nov 2006 02:15 AM

    回覆刪除
    回覆
    1. 我發現呢期最多戲最HIT的演員唔係邊個小生花旦,係KING SIR﹗套套戲都見到佢,KEEP住起碼兩套喎
      有時真係頂唔順成三十幾四十歲的男女主腳仲做廿幾歲花靚,電視台又唔係無廿幾歲的演員(可能他們演技還未到家),有啲難頂

      6th Nov 2006 09:10 AM

      刪除
  2. 近年中年女士做到無記花旦係得兩個,汪明荃同鄧萃雯...

    不過蘇玉華都開始多了


    5th Nov 2006 02:31 AM

    回覆刪除
    回覆
    1. 我印象中第一套睇蘇玉華的劇「親恩情未了」(鄭秀文嗰套)佢已經係做人老婆阿媽的角色(套野都成十年前,佢嗰時未到C9的年齡吧),真係女仔啲的角色我係記得神鵰中的公孫姑娘;其餘的劇集唔係做人大嫂就係後母,好明顯係無記唔識用人,呢幾年她的角色才算發揮多了。加上她拿下美女廚神後人氣升了,睇呢機會更多﹗(好野﹗)

      6th Nov 2006 09:14 AM

      刪除
  3. 沒有辦法啦,香港得個一個電視台.可以講是沒有競爭,是不會有進步的.

    5th Nov 2006 05:44 AM

    回覆刪除
    回覆
    1. 亞記係唔爭氣既…無記固步自封,唯有移情別總睇第二度的劇集啦

      6th Nov 2006 09:15 AM

      刪除
  4. 大陸朋友22/5/12 12:00

    HI,大家好 我系深圳朋友,捂系咩憤青,你地中意日本劇定韓劇啊,韓風系近几年既事,我就對日本劇有興趣

    5th Nov 2006 11:27 AM

    回覆刪除
    回覆
    1. 你好﹗謝謝留言啊~
      我自少就愛看日劇,小時和媽媽一起看「阿信的故事」看得津津有味,加上近年港劇不濟,唯有移投其他地方出品啦
      韓劇我就不大有興趣,其實我沒看過,感覺上(哈,沒看過嘛)總是兄妹戀,要不就是絕症,要生要死的,所以一直沒看~
      我是死忠日劇粉絲,另一至愛是古裝劇,尤其歷史的,兩岸三地出品一律不拘~哈哈

      6th Nov 2006 09:19 AM

      刪除
  5. 媽媽真係幾靚架, 不過0的身材真係肥左好多囉, 睇番佢以前個樣, 其實冇咩點變喎..

    5th Nov 2006 20:35 PM

    回覆刪除
    回覆
    1. 有福氣呀嘛,同埋佢瘦過個女都幾恐怖…

      6th Nov 2006 09:23 AM

      刪除
  6. 哈哈,香港都有中年演員做主角既,但不外乎「花樣中年」果d咁既戲law~我而家已幾乎罷看港劇,其實同日本無得比既,始終人地係一個國家,香港以一個小城市的力量的確難做d既~

    6th Nov 2006 08:32 AM

    回覆刪除
    回覆
    1. 想是如CARSON所說問題是無競爭,七八十年代無記和麗的、佳視鬥過你死我活,加埋幕前幕後人才濟濟,出品想唔精彩都唔得
      而家得無記獨大,觀眾群種類又少咗(起碼無咗我呢啲而家掛住上網睇日劇的電視精),口味獨沽一味都可以高收視,點會有進步…

      6th Nov 2006 09:55 AM

      刪除
  7. 藥師丸博子,以前的青春偶像,現在要演媽媽哪?

    她的1988舊片給我印象很深:Downtown Heroes(原本的日文片名用片假名拼出這兩個字,中譯為「希望與苦痛),她演女學生,好看! http://www.imdb.com/title/tt0123789/


    6th Nov 2006 09:28 AM

    回覆刪除
    回覆
    1. 歲月不饒人,她確係演媽媽啦,不過係個智慧型的非師奶類媽媽~。我們的俏黃蓉米雪都要做吳卓A媽媽
      留意吓先,不過真係好少見她的舊片vcd發售~
      以前第一次聽藥師丸的名字我以為我黃藥師有咩關係…哈哈…

      7th Nov 2006 09:31 AM

      刪除
  8. 始終兩地的文化不同, 敬老是日本的社會文化中強調的一項價值, 以紅白為例, 日本讓演歌歌手壓軸演出的傳統延續至今, 在香港, 我們很難想像陳奕迅唱完後退到旁邊排排企, 為龍劍笙做活布景的罢

    7th Nov 2006 19:32 PM

    回覆刪除
    回覆
    1. 歌星賀台慶最高資歷咪劉華呂方阿b嗰啲,我諗如果羅文係度的話都會有呢個後輩排排企聽佢唱歌既,不過有咁既份量的歌手已買少見少…
      中國文化都敬老既,係無記重後生輕甘草JE,鐘景輝咁好戲係高朋滿座以外的戲咪又係做番主角阿爸,真係浪費…

      8th Nov 2006 09:12 AM

      刪除

要講幾句嗎?﹗XD