我最喜歡的女演員(電視版)

頭位係蓉兒丫，唔該﹗

翁美玲

說來真的很奇怪，翁美玲最紅時我尚小，到我睇番佢既劇時她已經過身差不多十年，一路看雜誌報導說《射鵰》有幾經典，一睇﹗啊﹗真的聞名不如一煲啊﹗(仲煲到考試都要睇埋先去溫書添﹗)中晒招那隻。其他的劇我只看過《楚留香》、《天師執位》和《生鏽橋王》，又竟然全部都和三哥合作的…(欣賞之情詳見舊文，此處不重覆了﹗)

鄧萃雯

如妃有乜理由會輸比講對白抖晒大氣的玉螢小主？輸比爾淳都無咁嬲囉﹗

唔知呢，後生細女年代的如妃我麻麻地，直到《再見艷陽天》(很少會在吾博出現的亞記劇啊﹗鬼咩，我娘由頭煲到尾架﹗)的文鳳，敢愛敢恨的好有型(當然，我娘係buy秀巧的…)，但這套本來走《阿信》路線的劇，拍拍吓變咗《真情》，不停加人(加到無啦啦有邵美琪…)，不停拖長情節，不停死咗又翻生，失憶又記番，可觀性係…呃…

過番無記之後的如妃劇我好捧場套套都有睇架﹗係爭《根葛》未睇…睇完《豬肝》補番呀吓﹗係想講，四奶奶個頭幾肉酸吓的…(我見過如妃真人，佢係勁nice呀﹗仲同我地影相和簽名呀﹗再加一萬分﹗yeah﹗~)

周海媚

又係我最鐘意的《今生無悔》和淺水灣酒店呀﹗哈哈…

我有幾欣賞可見舊文：我們的周海媚… 這兒不重覆了。

只是有點可惜呢，海味的近作如《小鳳仙》和《學警》 我硬係就唔到時間睇…《學警》芯姐點解無啦啦會死咗架﹗點解呀﹗

梁小冰

(又係古裝人呢…)

真係唔搵相都唔記得，我仲未睇完套《圓月彎刀》呀陰公﹗青青的彎刀是青青的﹗梁小冰就係演青青啦﹗印象中佢成日演古裝美人，多數都係溫婉的一類，如《天子屠龍》的冰月/水月(之但係我很喜歡看這套…)，但，這套清裝片的清裝是完全不合格的，啲女角個頭好似就咁整張黑色卡紙喺個頭度，十分hea…

umum，關於梁小冰，我還有一個疑問，傳說亞記播過一套外購劇《少年梁祝》 …er…梁係那個梁？祝係那個祝吧？佢二人死時都唔係好老啫，有中年過咩？又有老年過嗎？點少年呀？﹗不如拍多套《童年梁祝》？

蔡少芬

《豬肝補氣》停不了﹗想話喺呢套劇入面，蔡少芬係應驗了萬子的有錢就gel頭無錢就唔gel頭的formula架﹗(但小妹抖大氣講對白不下於佢個二家姐…)

《風之刀》(呢部無計啦，因為個男主角，幾爛都要睇﹗哈) 、《天倫》時我不大喜歡看她的…總覺得她眉眼間很寸貢貢(同時我buy梁小冰個type嘛…都不關蔡當時的花邊新聞事既…)…一眨眼去到《天地豪情》的貪錢Diana和《洛神》的甄宓，脫胎換骨咗，演技進步咗好多，個人行出嚟係裡裡外外都襯合番個角色的說。…突然，我buy咗(都仲有《少手仁心》和《黑夜彩虹》，都係程至美醫生…)

講開又講，《天地豪情》入面家雄(陳錦鴻)的Diana的癡情，都幾似《豬肝》入面的泰禾(王喜)的說…

蘇玉華

我超喜歡的古版《神鵰》呀﹗唔知點解小的很留意演公孫小姐的蘇玉華(雖然，當時我係比較buy郭芙和郭襄的…)我想話佢個造型真係幾靚架﹗之但係轉個頭就喺《真情》、《親恩情未了》度演c9了…囧﹗

另，當年第一輯《刑事偵輯檔案》的Gigi又是一個亮點，終於唔係c9啦，而且攪攪地笑的…傻吓傻吓的很可愛，佢同義仔真係好襯架…點解要佢死呀…嗚…我不依呀…(真係物是人非啦，兩個男角無晒影，Jessie唔同晒樣，就只有蘇玉華仲係咁吧？﹗)

張可頤

我又貼古版《神鵰》啦﹗不過張小姐演的程英講對白好似太快，個tempo怪怪的，好似唔太match古裝片feel…(會有人留意嗎？)

也是一個出道初期我不太喜歡看的(94年的港姐我最buy譚小環呀﹗小環呀﹗)又是一個時光飛逝，去到《烈火雄心2》，佢演的阿怡專同紀德鬥氣，但又互相幫助，加上阿怡又錫瑤瑤，一家三口不是很好嘛…紀德做乜要死呀？﹗(我又認真了…)

呀，想說其實張小姐拎視后的《九五至尊》真係好好笑﹗(《難兄難弟》佢扮寶珠姐又相當維肖為妙的，拍得住郭少芸扮仙姐﹗﹗﹗)同埋，《金枝》的安茜都令小的印象很深…因為…最後佢升格做安貴人後個妝厚到白茫茫(像死人化妝)，可說是眾多貴人主子入面最可怕的一個﹗(其實佢演得很好就是了…哈，我愛《金枝》﹗戚其義yeah﹗~)((13/12/11後按：我真有taste…哈哈))

陳慧珊

我試著搵陳慧珊有無拍過古裝片…um，應該係無既？﹗如果民初的《騎呢大狀》唔計的話…古裝人list終於斷了…

話說她真係專業人士的代言人，看《皇庭5》和《妙手仁心》時就諗如果我做到咁有型的律師就好了…，看《烈火2》就想如果我做到咁有型的PR人就好了…(我是很有自知之明唔會恨做消防員的﹗哈)，至於其他唔係點做專業人士的(如好悶的《吾係差人》、《美味情緣》)…無印象…唔記得了…

楊怡

比起惡型惡相(奸得很浮誇，我知楊怡做得很努力，係劇本問題﹗我話既﹗)的金鈴，我更喜歡爽朗的勝雪，外型問題吧，睇親啲劇佢都係演啲tough同爽直的女生，呢款…我buy﹗呵

不過佢拎獎啲《智勇新警界》(男人心一字馬﹗)和《家好月圓》我都無睇，咁計落去，《宮心計》我都無追落去…喂，可能得喎﹗(雖然我想四奶奶拎多啲﹗哈)

btw，乜佢有演過《真情》咁驚？﹗

(2/7/14後按：有無執過個樣就先按下不表，楊視后呢幾年的無敵濃妝有點太可怕啦﹗好幾套劇都讓我看不下去…如《名媛望族》啦…)

鍾嘉欣

(我個list不似會出現Linda妹的吧？﹗哈)鍾小姐大概是繼蛇視后之後另一個一開始演出超嚇人，有神奇的令人轉台功效。但佢真係進步咗好多喎，唔單止係一貫的乖乖女(加喊苦喊忽)的常在心(《溏心風暴》)，又可無啦啦轉channel去《豬肝補氣》的刁蠻小姐，刁蠻到真係想一巴二巴扯埋去…(據說後段係會乖番既﹗)…喂，ok喎真係…

第十號人選諗咗好耐，如果係前幾年的話可能會選胡囧，但近年佢和鄭視帝雙雙成為令我即時轉台的孖寶(萬試萬靈…連本來好正常的《烈火》都不幸成為轉台系列之一…)，CK妹都係進步咗好多，但睇完《銀樓金粉》都係覺得佢浮誇咗少少(唔通係同家燕媽媽一齊既原因？) …好啦，既然我咁欣賞Elise，就俾Linda妹啦﹗

好期待《囧探》…Linda妹演0靚模﹗好驚…哈。

******************************************************

數完，以上。

我最喜歡的--本地版：

我最喜歡的10大綠葉

我最喜歡的綠葉(下集)

我最喜歡的男演員

另一篇：[雜談]我最「難忘」的電視劇角色…@TBB