我最喜歡的男演員(電視版)

終於有一個collection係埋到尾啦﹗哈哈…

好了，頭位丫唔該﹗

苗僑偉

對不起…我是很膚淺的…我是純粹地覺得三哥的楊康亦正亦邪(雖然是邪多一點…)很迷人…，加上小的一早已很迷《神鵰》的問題少年阿過兒，愛子及父…實在…我係無視咗靖哥哥的…哈哈。(即是說…我buy靚仔囉﹗哈哈，其實三哥做戲有時係無乜表情架…)

射鵰馬拉松
[港劇]射鵰英雄傳(83翁美玲+黃日華版)

劉松仁

原來松哥英文名叫Damian﹗松哥最經典的《陸小鳳》、《大時代》那些其實…我都無看過的﹗最記得是《京華春夢》的金七少，和阿姐演的燕秋很合襯的說﹗(但原來松哥比阿姐還要小上兩歲…)

近年沒時間看電視，他的近作如《小鳳仙》和《原來愛上賊》都沒看…對上一部全集看過晒的…都係《西關大少》，那部又是是傳奇，他和趙雅芝都keep得勁好的﹗再數上去…和米雪演張無忌父母的驚嚇版《倚天屠龍記》了﹗程至美醫生呀﹗(無疑那部劇係一個世紀災難…)真係危險速逃…

[港劇]最喜愛的回顧~4~民初劇類

關禮傑

古裝片癮又發了…《蜀山奇俠》警我師兄啊﹗不過講嚟講去我只係有印象睇過《蜀山》…(《新紮師兄》係零記憶喎﹗)，再數落去就係近年的《追魂交易》和《珠光寶氣》了，咁啱，都有喜爺份喎﹗

(見到這張相真係囧了…我小學的頭號偶像郭先生喺呢部片既造型…真係…弱咗啲…拍埋警我師兄度係無得比耶﹗)

最喜愛的回顧~2~古裝片(武俠片類)

歐陽震華

(終於有個唔係狂讚佢靚仔了…異性相吸嘛…)um，鐘意睇歐陽波比應該係《皇庭》情意結，實在佢年輕時都幾英偉的，點知攪攪吓有潛質去演笑面佛…囧。睇番十幾年前的《緝私群英》，佢同喜爺都仲好slim吓的，轉眼去到《爸爸閉翳》…佢地二人一齊逼爆電視機…呀，人到中年呢啲野…

上天係公平既，外型輸蝕咪比番演技和觀眾緣你囉。波比哥哥攪笑又得嚴肅又得，好受我一家歡迎的說。

林保怡

《皇庭》印象中佢好似係演奸鬼？(whereas程至美醫生係差人？)，《妙手仁心》睇佢同程至美醫生一友仔互寸好過癮的。呢水睇《珠光》佢演高長勝擺明爛仔，死纏住賀哲男玩無賴好過癮的，舒服過睇《火舞黃瓜》冤口冤面囉~

不過啲劇點經典，都唔夠那句「男人心一字馬」經典…究竟男人心點一字馬呢？﹗我係咪應該睇睇《智勇新警界》呢？﹗(btw，這幅圖係我喺公司個位度無啦啦搵出嚟的TBB周刊﹗2006年啊﹗超驚﹗《CIB情報科》上封面…呢套劇都幾好睇的說…原來…我很buy戚其義的劇…啊…)

梁榮忠

雖然車震事件係扣咗好多印象分(但…呢又關我乜事呢？)，但我唔會忘記《唐伯虎點秋香》佢同小強合演的一幕係幾咁驚天地泣鬼神﹗仲有《叻人新世紀》和《刑事偵緝檔案》(又重覆番女演員一文蘇玉華一段，睇番《刑偵》兩男兩女主角，除了玉華姐之外，另外三人都令人不勝唏噓呢…特別係兩個男的…)…umum…又真係又細睇到大喎。同埋…晚晚聽佢做節目…佢講野有point架喎…(好明顯佢做電台洗底係成功過上肉酸峰啦﹗)

張家輝

作為忠實無記粉…張生喺亞記啲劇我係一套都無睇過…第一套有印象已經講到《天地豪情》，甘量宏既「家咩姐啫，我姓甘架嘛」﹗嘩﹗幾有型﹗但我最buy的係《外父唔怕做》(會有人記得這部劇嗎？)幾鬼sweet架喎呢套野…

唔知佢仲會唔會拍無記劇呢？還是主打拍吓戲咁呢？﹗

古天樂

我有幾欣賞古先生(左邊那個，話說回頭，右邊那個係令我唏噓多啲…)不用說了吧？看舊文啦：熱煲系列3~：古天樂先生

王喜

我的欣賞之情也不用說了吧﹗都係睇舊文啦：熱煲系列5~：王喜篇

22/12/2015後按：久不久拎出嚟欣賞吓都滿有趣的：[港劇]20年自high系列~《緝私群英》

陳鍵鋒/馬國明

又係想留個位俾新一輩的…想了一想，前幾年奧運6子好似捧到無晒聲氣？﹗(唉，90年代的新五虎咪又係有頭威無尾陣…)，umum…咁喺陳小鋒和馬某明度二選一啦…哈…

22/12/2015後按：五虎情意結之…很懷念我們在TVB屬於我們的時候
*******************************************************
異性相吸呢…十個有七個我都係讚人地靚仔的…哈。

另外呢，睇番日劇演員那兩篇的人選較港劇的人選後生多了…其實…港劇的人腳真係幾青黃不接的，喺個list度相對叫做後生啲既…其實都唔多後生的了…囧﹗

我最喜歡的--本地版：

我最喜歡的10大綠葉

我最喜歡的綠葉(下集)

我最喜歡的女演員

另一篇：[雜談]我最「難忘」的電視劇角色…@TBB