其實我不喜歡sanrio2~聖誕禮物篇

相信係喺我屋企入面歷史最悠久的舊物…1988年囉撞鬼…21年囉﹗如果我無記錯的話應該真係姨姨送的聖誕禮物…囧﹗

佢既正面。粉紅變桃紅，感覺都係…errrrr(sorry，最近的人和事令我更不喜歡呢公仔…)，相信當年年紀小小的我都有同感(所謂三歲定八十嘛﹗)，所以貼咗個kerokerokeropi貼紙喺度抗衡吓…

我記得右邊個三角型鎖匙扣要27蚊架﹗仲要係儲咗好多日零用錢偷偷地去買，買完俾人發現咗仲鬧咗好耐呀﹗另外那兩個甩晒色的鎖個人覺得真係幾靚﹗92年擺到而家甩晒色都無計啦。記得幾年之後仲有用緊…用嚟鎖學校locker…不過一"giu"就爛的了…囧﹗

雖然我真係好唔鐘意呢隻野…但佢出啲product又真係好鬼得意的。上圖兩個好似都係一盒盒啲糖那種(96、97年出品呢…)。最攪鬼係攪拌器真係攪到(但唔見咗個蓋)，個櫃桶又真係彈得出架喎﹗

左邊那個萬字夾留住原因不明…呵。右邊的好似係90年代尾突然出現過一輪的sanrio餐廳送的小物，雖然我很不喜歡sanrio(我重申﹗)，但那家店的食物真係幾好食的…(errrrr)，件衫仔和對拖鞋都係99年的…印象中家店好似捱唔到2000年…應該…。

  94年既…唔見到都唔記得曾經有個咁既公仔…

係咁話我唔鐘意乜唔鐘意物…其實我係鐘意呢隻xo的，不過圖中兩件野應該係老翻來的，但真的十分精美喎﹗
 
同場加映不知不覺已經開始了。呢兩部野唔記得係生日、新年定聖誕禮物啦…。不過佢地陪我走過好多返學搭車的時光。壞咗都唔捨得掉…(卒之今日一狠心掉晒了…)

今年送給自己的禮物。不過我有排都未學得識的…其實…哈哈。睇吓我幾時學得識彈啦。(5/12/11後按：今日都仲未得啊﹗)










之前和友人去買手作料時見到字母珠仔…諗起呢條手繩…喺太古uny串的…串咗…成舊水﹗(正確來說是99蚊…)…

橫睇掂睇都唔覺值成舊水囉…都唔知點解當年我咁好閒情和咁神心捨得俾…囧﹗

另，第一篇《其實我不喜歡sanrio》文中說想搵的東東…今日我卒之搵到啦﹗囧﹗


我的舊物珍藏：
2nd Little Life - 店舖+又一堆恐怖舊物…
我在床下底搵到張餅卡…
一堆舊物
購物後的價錢牌和紙袋…
其實我不喜歡sanrio