09年10首飛佛之選

如果係我選的話，個list就會如下：

這是我的佛飛中既飛佛~張敬軒《披星戴月》

首先很喜歡Christopher Chak的曲子，流暢得有如行雲流水~(不論係邊個唱…係佢作既我都buy…)，夕爺的詞提著我們別掛住忙而忽略身邊人和事，曲和詞都很搭配又窩心的，雖然敬hins這張大碟號稱找來多位80年代重量級人物為佢出手，但我最愛的卻是這位新進作曲人的曲子。哈

《搜神記》容祖兒

我本以為這首歌和電視劇《搜神記》有關係架本來﹗初聽時覺得很一貫容天后的k歌(第一印象覺得頗似《華麗邂逅》)，啲詞幾有意思的，曲子又華麗…(係咪覺得我重覆緊上一首歌啲讚美？)，又係Christopher Chak作曲和林夕填詞嘛﹗

《沙龍》陳奕迅

啲詞又係好窩心，影相就係為留住各個moment嘛﹗一剎那光輝就此永恆啦﹗不過，或者…我真正喜歡的…應該係…小克筆下…虫奕迅先生的《沙虫》…囧

《如果我是陳奕迅》Mr.

這邊廂Mr.主音被人話把聲似陳醫生，就有一首玩味甚重的《如果我是陳奕迅》，那邊廂Rubberband也有成員被說和林海峰餅印一樣(確係勁似…)，也有一首《夾硬泥》…不過…高下立見囉﹗

《阿波羅》Rubberband

金記上下，會令我有意欲去聽(而不是全心去掃雷)大概只有RB啦(很強大的說法﹗)，也許…hardrock野太嘈唔啱我，我鐘意RB呢啲soft啲既…《阿波羅》聽完會lum到暈架~~~(忽然少女了…唔好意思…)

《妮歌》何韻詩

睇演唱會時第一次聽就已經超喜歡。不用多說。

《LetIt Go》Swing

如果我說喜歡這首係因為它和《半張飛》一樣很有跑馬地陣除看倌們明唔明呢？(最衰原裝個mv blocked咗唔貼得，玩轉《射鵰》真係超好笑的﹗)

《向前走》藍奕邦

其實成隻碟我都好喜歡的。做人最緊要有正能量…(雖然講得出未必做得到…唉…我都知既…唉)

《叮叮車》薛凱琪

聽著很relax的，如上一首一樣…也是很跑馬地的感覺…大家又明我講乜嗎？總之…費公主幕後的揀歌功臣真係不賴…

《月亮說》王菀之

很喜歡大碟第一首《她扔了根火柴》後就有一段像時光機的聲音，一轉頭就去咗《月亮說》，就好似睇緊戲咁望住個主角被留聲機攝咗入《月亮說》既世界入面咁。btw，《低科技之歌》一開始那幾吓zip zip聲係我成日喺fb玩的遊戲，好鬼有親切感的說﹗

同場加映：

《Starstruck》ROBBIE WILLIAMS

我好少聽洋樂架嘛，某晚聽收音機聽到此曲，就被它一開始的豎琴和女高音的聲音吸引住，雖聽唔清Robbie哥唱乜(誰說懂英文就唔使睇歌書呀﹗)，跟住中間段小提琴transit和intro一樣華麗又迷幻，好正﹗雖然…我仲諗緊好唔好為一首歌而買一隻碟…

****************************************************
寫完飛佛十大，好唔好寫爛歌之選呢？﹗哈哈哈哈…