紅廚~客家私房菜

客家菜應該有乜菜呢？唔知喎，總之人家說好吃我咪跟埋去食囉…(隻鴨好強大﹗)

前陣子去過一次元朗紅磚屋，以為佢 只係一個市集，點知原來其中一檔日間賣麵食，夜晚會變身私房菜…而我地…就係坐喺人家標價三千八百蚊既木椅上開餐…勁有特色﹗加埋前晚天寒地凍，冷風一吓 吹入紅磚屋(aka鐵皮屋)…凍到人都癲﹗一吹…在場幾張枱的人就大叫「呼…」…好有新年睇煙花一齊「嘩嘩嘩」既feel﹗~

唔知乜乜菇同乜乜菇煲埋的湯，落足料味道濃郁又甘香。話說，因為只有大廚吳師傅一個人開爐(serve幾枱人…)，於是菜與菜中間等既時間係有點點長的 說。在我吹風(當晚有三枱人坐店外，有兩枱坐店內…即係呢，紅磚紅本身係間大鐵皮屋，入面再間啲小舖仔咁…)吹到人都癲時有煲熱呼呼的湯暖胃實在係人間妙事呀﹗

冷盤-花膠和青瓜。友人說麻油味好像爭咗少少…個人覺得ok丫，花膠很爽口的，咁樣食法感覺幾新鮮。(但我需要熱盤暖胃呀﹗)

據友人說本來menu係蝦嚟既啫，後來轉了龍蝦(加咗50蚊)，配上個蜜糖香草甚麼甚麼的汁，啲汁可以用嚟撈飯囉﹗比起平時成日食的芝士伊麵底龍蝦又是一個新鮮感。同埋，隻龍蝦啖啖肉的﹗

東江豆腐，內裡有豬肉餡，炸得好香好脆，其功效在於熱呼呼的，很暖胃。

開首那隻肥鴨其實係八寶鴨，切開就係糯米飯、蛋黃、粟子和一舊疑似蘿白既野，切開肥鴨時香味四溢，糯米、粟子都吸了鴨肉的(油)香，超可口的說﹗(不過係幾油…加埋蛋黃…)…啲鴨肉很嫩滑，超讚﹗據阿姐說呢個係攞獎名菜喎﹗(之前食龍蝦時咪話想要飯嚟撈汁既？阿姐就話你食完個鴨都仲有胃口撈飯既話我就俾你 食﹗﹗﹗…囧…確實呢隻肥鴨是極度飽的說…)

無傳說中名物蝴蝶腩，據友人說因而菜單轉完又轉(私房菜特色吧﹗)，轉吓轉吓轉咗呢個炒桂花翅出嚟，有蔥，少食少食。

酥炸生蠔。雖然我唔知同客家菜有何關係，但總之好味就得啦。

酸蘿蔔蒸馬友。阿姐說啲蘿蔔係師傅親自醃的，但本人不吃蘿蔔糕以外的蘿蔔嘛…嘻嘻。啲酸味撲鼻而來…，初頭我仲以為係薯條…

琵琶蟹，據說係將隻蟹拆肉再釀番埋一齊拎去炸，有肉又有羔，幾香口咁。

菜膽。阿姐話係用番頭先煮肥鴨的汁…咁一向唔係呢款菜的我就夾一點來食啦，俾面個汁架咋﹗

紅棗糕，呢個真係大推﹗超好味，有點像海綿蛋糕+馬拉糕，鬆軟口感夾雜紅棗甘香，超讚呀﹗端上枱時熱呼呼的，食完好回味…有得翻兜就好啦﹗

果盤係購自店家隔離的生果店，賣既都係有機生果，係咁易(店家如是說)收番少少刀工錢。個哈蜜瓜超甜的，呢個時候好想加幾片巴馬火腿…

如是者飲飲食食三個幾鐘，索價每人250蚊，都ok吧﹗食物真係幾唔錯，唯獨是大廚得一人，所以上菜難免會慢一點，同埋點的菜會last minute轉來又轉去，好在招呼我們的哥哥姐姐都熱情好客，有乜都會講定聲你知，大家有商有量，咪幾好囉﹗

 

係咪好有情調﹗~

唯，元朗好遠，當晚好凍，凍到我腳板底都快要硬了…囧﹗

紅廚@開飯