第15屆十大中文金曲得獎名單 (1992)十大中文金曲名單《暗戀你》（主唱：張學友 作曲：ShogoHamada 填詞：劉卓輝）《但願不只是朋友》（主唱：黎明 作曲：Masso Urino / Kisaburo 填詞：林振強）《長夜多浪漫》（主唱：劉德華 作曲：Kyohei Tsutsumi / Masao Urino 填詞：周禮茂）《我為何讓你走》（主唱：郭富城 作曲：倫永亮 填詞：潘源良）《瀟灑走一回》（主唱：葉蒨文 作曲：陳大力 / 陳秀男 填詞：陳樂融 / 王蕙玲）《紅茶館》（主唱：陳慧嫻 作曲：M.Aoi / K.Senke 填詞：周禮茂）《還是覺得你最好》（主唱：張學友 作曲：米米Club 填詞：劉卓輝）《我的親愛》（主唱：黎明 作曲：Noriyuki / Makihara 填詞：劉卓輝）《容易受傷的女人》（主唱：王靖雯 作曲：Miyuki Nakajima 填詞：潘源良）《真我的風采》（主唱：劉德華 作曲：斬鐵章 填詞：潘源良）最佳中文（流行）歌曲獎 《我說過要你快樂》（倫永亮）<-吳國敬首歌咁耐架啦原來…最佳中文（流行）歌詞獎 《真真假假》（潘偉源）<-是林志穎那首？﹗全年銷量冠軍大獎 《真情流露》（張學友）優秀國語歌曲獎 《瀟灑走一回》（葉蒨文） 《明明白白我的心》（成龍 / 陳淑樺）金針獎 鄭國江
十首都是令人聽出耳牛又令人懷念的歌曲啊﹗
劉uncle的《長夜多~~~~~浪漫》不消說，我都唔知點解我由細就識唱，《真我的風采》更是劉腔標準練習作(我像在踩他嗎？不，我是很欣賞劉華的說﹗)…張天王的《還是覺得你最好》是當年大熱作，當年在學校常改作《還是覺得你最嘔/臭》 ，《暗戀你》則是聽姨姨們自dub精選聽番呢，我都唔記得我何時識這首歌了。黎明嘛，《但願不只是朋友》都正常啲，點解《我的親愛》都入選？﹗不過呢首點都正常過《我愛ichiban》既。郭先生的《我為何讓你走》，最記得當年老爸狠批「從來沒有飲品只有酒」一句歌詞教壞細路(即係我？﹗)酒唔係飲品咩？另外就是小學生改歌詞練習作：我為何像隻狗~~~
第14屆十大中文金曲得獎名單 (1991) (不知何解92年資料少了新人獎﹗)
最有前途新人獎 金獎︰郭富城 銀獎︰劉錫明 銅獎︰黎明詩 優異獎︰袁鳳瑛、李美鳳、李國祥睇得92年順手睇埋前幾年的賽果，記得當年新人獎係陳慧嫻頒俾郭先生的說﹗ 令人唏噓的是，當年的新人…應該只有郭先生還在唱，李國祥上年好似浮過出水面…但又唔見人了…
最佳唱片封套設計獎 Lonely (朱祖兒)
原來當年有唱片封套設計…但現在的封套成日用大頭相…又何來設計？﹗
勁呀﹗中文廣告歌曲獎﹗雖然我唔記得三首得獎歌/音樂是甚麼樣了…另，原來當年曾頒過最受歡迎卡拉OK歌曲獎﹗《無言的結局》，都現在在我家族飯局中的卡拉OK時間仍然很受歡迎…第13屆十大中文金曲得獎名單 (1990)最佳中文廣告歌曲獎金獎︰色彩嘉年華—佐丹奴 (倫永亮、林振強)銀獎︰馬爾代夫團—新華旅行社 (陸崑崙、梁國標)銅獎︰更醇更自由—萬事發 (林慕德、區焯申)最受歡迎卡拉ok歌曲獎 (？﹗) 《無言的結局》 (李茂山/林淑蓉)
再望一望今年個名單…時代進步了…但樂壇…當年仲係小學仔的我聽歌途徑只有收音機和姨姨的錄音帶，又無錢買CD；現在有(少少)能力買唱片卻沒有太多合心水的選擇，唉…第29屆十大中文金曲得獎名單 (2006)十大中文金曲名單《華麗邂逅》（主唱：容祖兒 作曲：Eric Kwok 填詞：黃偉文）<-睇完頒獎禮先知點唱…《愛得太遲》（主唱：古巨基 作曲：楊鎮邦@宇宙大爆炸 填詞：林夕）<-個人喜歡《花灑》多啲…《紅綠燈》（主唱：鄭融 作曲：張家誠 填詞：陳少琪）<-紅的程度極有當年《一人有一個夢想》的感覺…《情歌》（主唱：側田 作曲：雷頌德 填詞：林夕）<-??????《感應》（主唱：泳兒 作曲：淩偉文 填詞：游思行）<-真係有十大咁勁？
《最佳損友》（主唱：陳奕迅作曲：Eric Kwok 填詞：黃偉文）<-我阿媽話點解唔係《富士山下》？但個人較熱愛《富》前一CUT《黑澤明》…《幼稚園》（主唱：Twins 作曲：陳光榮 填詞：黃偉文）<-《天水.圍城》（主唱：李克勤作曲：Edmond Tsang 填詞：林夕）<-仲急口令過《球迷奇遇記》…《心亂如麻》（主唱：衛蘭 作曲：雷頌德 填詞：林夕）<-我熟吳倩蓮嗰首「心亂如麻…心事難下」多啲《累鬥累》（主唱：劉德華作曲：徐繼宗填詞：劉德華）<-唔唔…呢首都識既…優秀流行歌手大獎：古巨基，周杰倫，側田，李克勤，陳奕迅，劉德華，何韻詩，容祖兒，衛蘭，楊千嬅2006年度全年最佳進步獎：張敬軒最有前途新人獎 金獎：泳兒 銀獎：衛詩 銅獎：關楚耀 優異獎：Sun Boyz， Zarhan，飛輪海優秀流行國語歌曲獎：《約定》 光良真係溫柔到殺死人…啲歌聲
CASH 全球華語歌曲最佳新進作曲,作詞人獎：王菀之《詩情》正呀﹗
全國最受歡迎男歌手獎：劉德華 (呢個全國最歡迎SERIES獎係咪應該加番個「香港(特)區歌手」會比較好呢？)全國最受歡迎女歌手獎：容祖兒全國最受歡迎組合獎：Twins全國最受歡迎中文歌曲獎：千里之外 周杰倫 / 費玉清全球華人至尊金曲獎：愛得太遲 古巨基全年最高銷量歌手大獎 男歌手：李克勤 女歌手：容祖兒 (我鐘意因為OVERRUN而迫他們合唱…又咁橋佢地真係有首合唱《刻不容援》…)最優秀流行男歌手：陳奕迅最優秀流行女歌手：容祖兒金針獎：鄭少秋四台聯頒音樂大獎 傳媒大獎 歌 手：古巨基 作詞人：林夕 作曲人：楊鎮邦
另一篇：蝦里波特之消失的新人們
講開今年中文金曲真係火呀, 坐左成晚都冇hocc出場, 早知早d訓好過啦
回覆刪除02年...王菲仲係王靖雯喎, 當年個英文名係叫shirley的說
"真真假假"原曲係林志穎首"不是每個戀曲都有美好回憶". 佢都係紅左一陣, 就冇左啦...果陣仲話郭生可以做佢爸爸, 俾人鬧
"我愛上了英雄"直頭係抄"瀟灑走一回"啦, 除左一首廣東一首國語, 都似到十足
講起劉鍚明都係慘架啦...嘩李美鳳我最記得"熱愛can't let you go". 果期d性感女星好似好鍾意出唱片喎
係喎葉玉卿邊年新人呢?
30th Jan 2007 14:25 PM
hocc係一出場的十優歌手有行過出呢一野…呢個賽果好明顯係親某唱片公司疏何詩詩啦，佢自己賽後訪問都話可能佢既歌唔啱某電台的口味…
刪除係喎﹗真真假假係張衛健的說﹗林志穎係繼黎明(當年我一直覺得佢最有條件成四包尾天王…讓出阿三給我的郭先生~呵)之後最恨之入骨的歌手，夠膽咁樣講野？﹗找死﹗話說回頭，佢當年的「戲夢」、「野菊花」和「真真假假」原曲都係不俗的說…佢後來同蘇有朋套「絕代雙驕」我仲晚晚追…
係嘛？我一直覺得「我愛上了英雄」和「瀟洒走一回」極似，當然，莎莉的一首好聽好多，歌詞又有意思得多。松松姐姐還是唱番「天涯歌女」和「月兒彎彎照九州」好了…
劉錫明的遭遇和佢首歌一樣--是緣是債是場夢…(話時話，呢首野係改編郭先生舊歌的說…)，其實我覺得佢唔錯，唱歌唔錯，做戲又唔錯(尤愛「大家族」入面個小叔，後來心臟病瓜咗)…還有那首「moshi moshi moshi怎麼不說話…」，話實佢都係一個集體回憶…
30th Jan 2007 16:20 PM
劉鍚明係有睇過yes的人o既集體回憶, 用黎回憶點解當年俾大作家個仔咁老點都信囉. 其實講人地咁多期咪又係一個爭女的故事...不過劉生都結左婚啦, 希望佢幸福啦
刪除我唔知囉, 某些歌手都有獎拎, hocc都冇, 冇計啦, 個個show都有遊戲規則, 咪當個game唔o岩佢玩啦唯有.
我覺得最有趣就係最有前途新人獎. 呢個獎完全係反映娛樂圈"變幻才是永恒"呢個特質
你睇下90年個名單
金獎︰曾航生
銀獎︰黎明
銅獎︰蔡濟文、庾澄慶
優異獎︰吳婉芳、鄭秀文、Face to Face
金獎唔知去左邊, 第二果個做左天王, 而家係黎老闆
sammi姐上左神檯, 壓住佢o既金獎同其中一個銅獎都唔知去左邊啦
30th Jan 2007 16:35 PM
就係你這個留言引發我寫今日的文LOR~
刪除我覺得玩頒獎禮既野嬴要唔驕傲，輸又要有風度，高難度動作呢架，又其是人到獎少既時候，好好的處理又係加分的時候~
新人獎既野，完全係見證娛樂圈既殘忍，每年得獎的可能無幾多個留得低…被頒「最有前途」金的又未必係最希前途…真係好難講…
曾航生我記得佢首「再見亦是朋友」，同埋好騎呢的有份做「蜀山奇俠之仙侶奇緣」，其他嘛…真係唔多記得…
31st Jan 2007 14:22 PM
睇黎我地互相影響得好緊要o番
刪除頒獎禮呢個遊戲, 呢幾年某天后鑊鑊都出事, 真係要再培訓啦.
其實拎到什麼新人獎不用咁高興. 娛樂圈係一個鬥長命o既地方, 蔡楓華有句說話好o岩, 剎那光輝不代表永恒, 果種大起大跌, real jungle也
你睇如妃娘娘都知啦, 佢後生果陣不過係一個花旦仔, 有一排因為同冒牌劉華事件搞到好似死得咁, 邊個估到佢行返個中年運, 仲有能力做收視保證, 三色台的賬都可以不賣?
31st Jan 2007 15:54 PM
互相影響…umum…或者係互相刺激思維…哈哈
刪除某天后都係唔好再講野，完全係講多錯多，培訓既野都唔知幫唔幫到佢…
年年都好多新人獎得主第二年就唔知去咗邊，拎咗獎真係唔代表啲咩…你睇幾多當家女星當年選美都唔係冠軍，有啲甚至落選﹗世事既野真係好難料…
如妃後生時我麻麻鐘意睇佢，我覺得佢靚但又唔係好特別嗰種，當年我熱愛海味和黎美嫻多啲。佢人越大反而越有味道，可能同佢成日演啲剛強女子有關，硬係覺得佢好型~當年睇「再見艷陽天」，唔係如妃我真係唔會邊鬧邊睇呀~
p.s.我曾經同如妃合照和拎咗佢親筆簽名架﹗呵呵呵
1st Feb 2007 11:22 AM
我又俾你影響左啦, 今日我寫新人獎
刪除2nd Feb 2007 12:26 PM
哈，來吧﹗我絕互相影響完全唔驚無野寫lor…你文中所說的穿屎…又令我諗到啲野…
刪除2nd Feb 2007 12:39 PM
寫吧!
刪除講開穿屎一直都覺得阿sa冇左阿嬌冇咩問題, 但係阿嬌冇左阿sa就好大問題
2nd Feb 2007 12:52 PM
係架wor
刪除阿sa咁世界女
阿嬌唔夠佢黎啦
無左sa..佢可能好難捱啦..
4th Feb 2007 01:52 AM
仲有阿sa做戲係ok o既, 坊間都有人欣賞佢演技. 如果佢向呢方面發展應該不俗
刪除唱歌方面, 兩個都唔掂, 但係阿嬌係五十步果個囉.
所以2位姐姐如果要單飛, 邊個有得做邊個唔得有眼睇
4th Feb 2007 11:18 AM
re：blue
刪除在我思考(偷懶)了兩天後終於完成了﹗
5th Feb 2007 10:07 AM
re：夜貓子
刪除所以當年個拆夥傳聞咪話阿嬌會專注拍戲，公司又特登幫佢開條打女路線…
5th Feb 2007 10:08 AM
re：blue
刪除單飛後兩個又爭唔到女歌手，唱片公司又少咗個組合獎可以爭，唯有係電影方面可能保持到成績，三輸局面呀﹗
5th Feb 2007 10:10 AM
打乜鬼, 兩位姐姐連練歌都冇事間喎
刪除做打女咁辛苦, 你話o勒...
5th Feb 2007 10:26 AM
所以咪話佢地出碟咪鬼出得咁密，反正唱片又唔搵得多，不如留番啲時間搵啲有特色既曲詞又就得到佢地唱功既先啦，咪阻住佢地平時啲時間去搵真銀嘛﹗
刪除嬌姐唔做打女做公主都ok既，公主復仇記幾好睇…哈哈
5th Feb 2007 10:45 AM
佢個樣做公主都OK架, 靚嘛
刪除我係佢就快點搵條水魚嫁左佢算. 佢都差唔多啦, 最大鑊果下係"不思進取"
不過佢而家仲搵到錢, 羊生肯放人先算
5th Feb 2007 11:01 AM
佢地一簽就十幾年約…話走就走咩…
刪除主打我覺得呢個組合可以玩幾耐係睇阿sa想唔想單飛…
5th Feb 2007 11:18 AM
我都係咁話, 我留意佢地只係想知佢地真係拆左會發生咩事
刪除以前都傳聞boy屎拆係斌哥佢見史提芬太細路仔掛住玩, 佢老哥年紀都唔細, 事業心強, 唔想成日湊仔囉. 係的話我幾欣賞佢喎. 可能有人覺得佢冇義氣, 講真, 我地呢d老餅先明, 青春有限o既人冇咩條件冇義氣陪人歲月搓陀囉
5th Feb 2007 11:30 AM
斌哥仔官仔骨骨，外型確係做偶像的材料，但係把聲…只要聽一次「再見惠美」…真係…我明佢好努力…但真係…嘩…
刪除「眼紅館」正常好多囉﹗(死lor…我連boyz的歌都聽…taste真太濫)
6th Feb 2007 09:42 AM
「紅茶館」係一首女仔講到出口正在暗戀男孩的歌. 作為男仔, 發夢好想有個女仔會對自己唱呢首歌訴說心底話; 作為女仔的妳, 冇乜留意及印象就好正常lu.
回覆刪除30th Jan 2007 14:26 PM
我極熱愛佢80年代的靚妹仔快歌，佢留學期中的歌曲，我較有印象是「飄雪」，和後期的「今天的愛人是誰」，之後就數到「我不寂寞」入面一首「從今直到永恆」
刪除就係無咩聽「紅茶館」…不得不承認我係怪taste的說…
30th Jan 2007 16:22 PM
我0個日睇中文金曲見到光良, 簡直嗌左出黎, 我同晶佬都好鐘意佢, 佢傻乎乎個樣好得意啦, 0的歌又好聽...
回覆刪除以前0的歌擰得獎真係勁架, 依家就真係差0的啦, 所以劉華咪講囉, 依家頒獎禮冇公平同唔公平, 只有規矩定冇規矩0既姐...變晒質啦...
30th Jan 2007 15:05 PM
除咗光良，阿超女周筆暢都唱得好勁呀﹗人家過江龍幾勁，真唔係我們的地頭虫可以比的啊﹗
刪除92年三大天王各自包辦咗兩首歌，得獎歌手少，但又覺啲歌實至名歸喎…而家人人有獎分反而感覺太公分豬肉，獎的意義早已今非昔比了﹗
30th Jan 2007 16:25 PM
點解歷年重溫冇2005 年0既? 睇番咁多年, 真係個得奬名單越黎越長, 越黎越多花臣, 但係印象就越黎越模糊, 我覺得反而得十首歌, 最佳男/女歌手, 新人奬, 最多有埋咩進步奬俾中間個批, 同埋作曲作詞編曲就夠晒數.
回覆刪除我覺得泳兒個首唔係好hit 咋喎. 佢有反而hocc 冇我覺得講唔通喎. (blue 一定同意我咁講. ^^)
而twins 我覺得我不是好情人好聽過幼稚園. 而jancice 就離家出走好聽過心亂如麻.
劉德華個首, 無聽過添... 陳奕迅我反而最鍾意係落花流水.
30th Jan 2007 15:41 PM
上年唔夠耐所以無得重溫？﹗哈
刪除泳兒和穿屎入十大真係令人滴汗，有陰謀論說係補番穿屎拎唔到十優歌手…
janice首「離家出走」我識喎，「心亂如麻」真係唔識，睇呢都係要唱番吳倩蓮個version~「你不是好情人」hit過「幼稚園」少少，不過…我會寧願係謝安琪首「愁人節」，或fiona隻「小峽谷1234」，甚至係kary首「杏人亦要花氣力」囉…(我的口味都幾叱吒架喎…)
「落花流水」其實有無plug過？我係聽碟後愛上至狂煲的…呢期至愛就係「黑澤明」，一定要連住「富士山下」個intro呢聽﹗正呀﹗(我開始離棄巨基添…)
30th Jan 2007 16:30 PM
心亂如麻係對上一隻架啦. 下次你同我唱k 你唱吳倩蓮個個version 喎. 哈! 你揀個d 簡直就係叱吒啦. 你不是好情人岩我唱, 所以我都鍾意. ^^ 愁人節都唱到. 但杏仁亦要花氣力就咪搞我啦.
刪除落花流水第二台我就唔知. 叱吒有plug 但都唔夠其他陳奕迅的唱咁有聲勢就真0既. 陳奕迅我呢隻唔係好聽, 我都係鍾鍾意佢上一隻多d.
30th Jan 2007 17:13 PM
都係嗰句啦，JANICE有靚聲又有歌藝，但唱埋晒啲悶歌真係好浪費…(同側田)
刪除我個叱吒LIST數漏咗HOCC的「光明會」啊﹗總之我覺得那幾首會唔流行得過入圍的那兩首金曲LOR…唉…算把啦都係…
「落花流水」的歌詞正~嗰一期我成將之和上一隻U87入面首「葡萄成熟時」一齊聽，哈。呢期鐘意跟住「黑澤明」一齊喃喃自語：XXX死XXXX死XXXX死XXX未(未記熟歌詞…只記得好多句個尾唔係死字就係未字~)
31st Jan 2007 14:26 PM
啊...92年的, 幾乎我全都愛呢~~雖然很多年前的事了, 可是還能哼出幾句呢~
回覆刪除陸運會表演曲目??要怎樣用呢….
30th Jan 2007 15:58 PM
個人至愛首推劉華的兩首，長夜多~~~~~浪漫~~~正~
刪除well sports day係我童年陰影，話說f.1仔會被威迫參加啦啦隊，除了要食風又嗌足一日，仲要飯後時間作表演，當年極有taste的中六姐姐就選上松松這隻歌，配上極嘔心的歌詞(不外乎讚自己社點勁啦咁)，我等f.1仔就要在跑道上揮動啦啦球，邊唱邊跳的「為社爭光」…
所以…跟住以後的六年陸運會我咩比賽、啦啦隊都唔做，只做觀眾在看台上野餐﹗哼…
30th Jan 2007 16:34 PM
陳慧嫻, 好可惜呀.
回覆刪除o個日一聽佢唱歌，差d 轉台.
30th Jan 2007 17:59 PM
可惜？指她的事業？
刪除我諗讀大學對她來說真的很重要，否則不會暫停事業去追求學業…
31st Jan 2007 14:27 PM
港台archive，有日搵郭小霖料寫野都睇過，原來佢曾經係新人獎得主！
回覆刪除仲有係倫永亮作品得獎率高得很。
不過，總覺得港台個結果係最無厘頭一個。十首選出，有8首原來係聽都未聽過嘅（大佬，我叫聽歌架喇喎……）
30th Jan 2007 20:50 PM
係？呢個無印象呀~我知道有郭小霖呢個人時已經「迷網」那一期了…
刪除倫永亮主理梅姐、憶蓮(後期還有郭富城…)的歌曲好聽(哈…呢個我話的﹗)又流行，中獎率高都唔期既…
話時話，我06年都叫聽多咗本地歌壇的歌，反而叱吒十首我都識(叱吒口味出名與別不同架嘛…)，港台的…真係估佢唔到…
31st Jan 2007 14:30 PM
我當年都鍾意郭小霖.很憂鬱很有意境,而佢把帶滄桑的聲線,同首歌好夾,就算而家聽返,一樣覺得好有味道.
刪除都幾hit,因為當年是G2000既廣告歌,真我個性盡流露,呢句好得!
點解會咁記得佢?因為佢有單整容新聞.佢第一隻大碟個封面,個樣幾頹廢下.之後佢話去整容.第二隻大碟封面,佢個樣就醒神好多,真係俊左d.
當時睇佢咁,以為佢會在香港大展拳腳,點知冇耐佢去左台灣發展.
如果我無記錯,張國榮是郭小霖作曲?
12th Feb 2007 12:21 PM
我當年都鍾意郭小霖.從不知很憂鬱很有意境,而佢把帶滄桑的聲線,同首歌好夾,就算而家聽返,一樣覺得好有味道.
刪除迷惘都幾hit,因為當年是G2000既廣告歌,真我個性盡流露,呢句好得!
點解會咁記得佢?因為佢有單整容新聞.佢第一隻大碟個封面,個樣幾頹廢下.之後佢話去整容.第二隻大碟封面,佢個樣就醒神好多,真係俊左d. 當時睇佢咁,以為佢會在香港大展拳腳,點知冇耐佢去左台灣發展.
如果我無記錯,張國榮是郭小霖作曲?
12th Feb 2007 16:23 PM
re：迷
刪除如果我無記錯的話郭小霖作曲既應該係無心睡眠，大部份哥哥快歌都係改編的說﹗
我最記得的郭小霖歌係「從不知」、「迷惘」和「愛情蝙蝠俠」，主打都係好hit的，side cut因為當年無屋企人聽關係唔太識…個整容傳聞都無聽過喎…不過佢啲封面相係影得佢幾「四正」的說…
其實我都想知點解佢無啦啦消失咗…
佢呢期出咗新碟，仲有啲舊歌翻唱，你又有無買呢聽？﹗
6th Feb 2007 12:04 P
92年十大中文金曲其實D歌都好嘛嘛bor，《我的親愛》都能入十大，真系不能理解今年的《情歌》可以入選。
回覆刪除其實《幼稚園》都吾錯，曲靚（直接講系夠K）、詞好，比《你不是好情人》好不知幾多倍。
30th Jan 2007 21:20 PM
呢個我都諗咗好耐點解，嗰一水王傑、憶蓮、BEYOND唔係好多HIT歌架咩？﹗最後我估係BALANCE OF POWER，三大天王人人兩首，皆大歡喜~嗰一期個個傳媒都落力谷四大天王架嘛…
刪除「情歌」我完全唔知係咩，係佢表演時聽落先有少少印象，係咁多。
其實，「幼」和「你」我都唔覺值得入十大…不過…算啦…
31st Jan 2007 14:33 PM
今年好多首都幾騎呢...
回覆刪除醫神唔係富士山下已經奇,雖然我喜歡落花流水...串時果隻重神妙...我連歌名都唔記得...衛蘭有一首唔奇,果首係心亂如麻又幾奇...
30th Jan 2007 22:16 PM
我都估唔到，反而勁歌/叱吒個十首名單上我識的歌會比港台多，唏，攪咩呀大佬？﹗
刪除JANICE我真係唔明唔係「離家出走」HIT啲咩？﹗
31st Jan 2007 14:35 PM
資料好齊全喎！多謝分享！^^
回覆刪除30th Jan 2007 22:57 PM
慚愧…其實係CRTL+C & CRTL+V的說…不過看完很感觸…忍不住轉了一轉…
刪除31st Jan 2007 14:36 PM
看現在的所謂十大金曲，看完後只有一個感覺──吓，乜咁既歌都可以算做十大金曲呀？
回覆刪除31st Jan 2007 00:14 AM
所以不少BLOGGER都來選自己的十首金曲，傳媒的十首，是和他們最FR的唱片公司旗下十個最乖的仔女吧…
刪除31st Jan 2007 14:37 PM
第一次留言^^
回覆刪除92年十大中文金曲我未有印象
不過當年十大入面超過一半我都識唱~hehe
反觀06十大...識唱2,3首ge嘅幾句已經係我極限
現況令人無限唏噓~~
31st Jan 2007 01:04 AM
不能否認，92年的歌係包埋當年記憶和感情分，如果硬將當年經典和時下新歌比較好好像說不過去…
刪除好啦唔比較，只看今年的名單…又真係極無眼睇…真係「金」嘛啲入選歌？﹗OH NO…
31st Jan 2007 14:39 PM
果晚睇十大中文金曲，真係有D歌係「下？乜有過首咁既歌咩？」，結果全晚十大我淨係識《最佳損友》、《紅綠燈》同《天水圍城》，跟住就係《約定》、《刻不容緩》，同埋……《傻女》……
回覆刪除睇返以前D歌，好多都仲記得點唱。
可能因為以前冇咁多聽歌的途徑，又冇咁多K，變相D歌聽耐左，入腦左，到而家就覺得襟聽左……
31st Jan 2007 01:32 AM
《刻不容緩》和《傻女》仲要唔係06年的歌…
刪除全晚我最開心係王菀之唱「詩情」，呢隻歌聽極都係咁令人開心~
其實我06年聽廣東歌多咗架啦，不過啱我口味的歌都無緣成為金曲…
31st Jan 2007 14:41 PM
我為何像隻狗我當年好喜歡在學校唱的~~.
回覆刪除紅茶館我好喜歡中間的獨白~
《真情流露》（張學友）當年賣到50萬隻,現在都沒有人破到的...
31st Jan 2007 02:58 AM
當年衰衰的同學知本人郭先生係本人偶像，朝早見到本人第一句唔係講早晨，係唱一次「我為何像隻狗…」…傻架﹗
刪除扮開「紅茶館」的獨白，記住要扮埋「萬千寵愛在一身」中周玉女的獨白~
「真情流露」我後來買咗二手碟，小時候無特別鐘意學友…
而家啲歌手賣到萬都偷笑啦﹗何況係破前輩歌手的紀錄，我諗夾埋成個亞太區SALES都好難破到…
31st Jan 2007 14:44 PM
我o岩o岩link左你篇文去我個blog,希望你唔好介意 ^^
回覆刪除31st Jan 2007 03:17 AM
頭先唔記得講…
刪除歡迎光臨啊~
還有，多謝你睇得起細妹的胡言亂語~
31st Jan 2007 14:45 PM
潘san (潘源良) 唔算好出色的講波佬, 但佢作詞真係幾好o架 :D
回覆刪除話時話, 果個年代o的作詞人多好多, 唔似得而家咁少. 不過而家o的作詞人如果講波, 唔知會唔會零晨二三點大嗌, 搞到差o的訓著o既人俾佢嚇醒 xd haha
31st Jan 2007 13:27 PM
自從知道佢同珍妹單野之後, 我最記得佢o既就係呢件事了
刪除31st Jan 2007 13:31 PM
re：t-cup
刪除我諗好多人都係貪最主打的兩個詞人名牌效應，寧願收佢地的爛詞都唔肯多比機會啲人…
我好少留意潘SAN講波既風格…我都係比較熱愛黃興桂﹗嘩哈哈
31st Jan 2007 14:53 PM
re：blue
刪除呢單野我係雜誌度睇過…
31st Jan 2007 14:54 PM |
其實聽得多, 咪又係咁. 有點歌詞真係寫得唔錯, 但十首可能得三首我覺得 ok. 大部份都有少少粗製濫造.
刪除你提起貴神, 令我好想回顧o下佢o的金句. (已改)
好歌不妨一聽再聽
我地唔好在香港樂壇 "傷口上加鹽"
聽林夕,有今生,冇來世...
歌哩樣o野, 一係聽, 一係唔聽
填詞人哩o的, 做吾成英雄,就做罪魁
真係玩 blog 哩個玩意, 真係庶渣的價錢, 玩出燒鵝o既味道呀!!!
31st Jan 2007 22:32 PM
基本上，寫比大牌歌手的質素會較好，寫比新星的嘛…真係要有心理準備﹗
刪除ohhhhh…親愛的桂神~
咁…歌手最好的朋友係咪mmo？
最鐘意你呢句：真係玩 blog 哩個玩意, 真係庶渣的價錢, 玩出燒鵝o既味道呀!!!
1st Feb 2007 11:26 AM
桂神金句, 一路都 keep o左個 file 在 harddisk 度, 有咩事都囉出黎睇, 大笑一餐 XDDD
刪除1st Feb 2007 21:33 PM
我都有keep住喺email呀，得閒無事睇一睇有助舒活筋骨~
刪除2nd Feb 2007 09:28 AM
真係一睇歌名就唱到出黎呀！
回覆刪除有冇留意當年係四大天王玩哂咁滯，差唔多每人都有兩首，但係都真係叫有水準。今年d歌可以記得係邊個唱都已經好另喇…
31st Jan 2007 20:08 PM
92年嘛…當年傳媒有那個不落力吹捧四大天王，攪到其他男歌手(如王傑﹗嗚嗚)完全無"訂"企，女歌手都係得三分一席位咋﹗
刪除06年的歌，我自問都聽多咗廣東歌…但有啲真係一點印象都無…要聽落先知係邊隻…唉…
1st Feb 2007 11:24 AM
唔..究竟..係咪我地呢批7字尾8字頭既人同現代年輕人有代溝....定係真係d歌唔hit?
回覆刪除係唔係我地太老餅渣? 我見d小學生..兩個對唱twins既歌..我真係一句都搭唔上..
係咪應該問返d..家陣10-20頭果渣會公正d?
(雖然, 我都唔樂觀! keke)
[引用] | 作者 | 31st Jan 2007 23:01 PM
唔唔…雖然我懷舊…其實我啲taste都好濫…十幾歲johnny仔啲歌我都聽得一餐…我盡量令自己taste年青啲架啦﹗嗚嗚…
刪除話實呢，穿屎06年的主打歌真係…唔好同佢地既經典「戀愛大過天」、「眼紅紅」嗰啲比，同後期啲既「風箏與風」、「下一站天后」都比唔上，以佢地「出色」的唱功，揀了首悶歌就悶上加悶，個人覺得「幼」和「你」都比唔上佢地之前作品的質素…
雖然我成日話佢兩個唱歌唔掂…但我成日聽佢啲歌…哈…
1st Feb 2007 11:31 AM
哇哇哇~好懷念呢~
回覆刪除以前十大真係好好睇,d歌又好好聽~而家...唉~
不過笑忘書真係無理由唔攞獎,真係好好聽~
*不過Leon同劉華每人2個獎又好似過份左d....
1st Feb 2007 15:59 PM
所以當我一見到個得獎明單不能自己要轉一轉~
刪除以前獎少歌手少，出得唱片的都真係有一定實力(92年…都仲係既…係本人偶像某天王開始以偶像派型式衝擊樂壇)，就算就得爛首歌都一定有咁上下質素(如某走音天王)…
黎的「我」入選我都覺好騎呢，只能說當年大會有意做造三大天王囉，一人兩首人人開心嘛…劉華的兩首就正常啲，當年我好鐘意「長夜多~~~~(配震音)浪漫」~~
hins有進步獎都算係咁，分咗呢個獎比佢自然無quota再比金曲獎啦，「笑忘書」無疑係正~熱愛程度甚至超越了「愛得太遲」(有聽到嘔的感覺，同埋同碟我較愛「花灑」)，幾個台都係咁…希望佢今年繼續唱多啲好歌，繼續進步啦~
2nd Feb 2007 09:27 AM
希望而家既香港歌曲多 d 特色，好似 vincy 唱既「黛玉笑了」同埋 stephy 既「七夕」比較富有中國小調色彩，總好過成日都係電子曲目……
回覆刪除19th Mar 2007 19:31 PM
我極喜歡上年方大同作比fiona的「糖不甩」，不過給「小峽谷」搶了風頭，可惜
刪除期望一眾音樂人可以作多啲好歌啦，上年樂壇，頗悶
20th Mar 2007 09:36 AM