馬吊四方城

話說睇新片情報，見到又有關於打麻雀的電影--上映中的《雀聖唔知第幾集》和快上映的《嚦咕嚦咕咩咩咩》，心想：又來﹗第幾套呀？﹗另外就想起農曆新年快來了(打牌黃金季節﹗)，手，有點痕…

我唔係玩野架，打馬吊於我確係一項運動，手腦並用的運動啊﹗小時候熱愛游水的本人，自接觸了這項偉大的運動後，從此移情別戀，全心練習游乾水﹗哈哈

老爸那邊家人不好圍攻四方城，新年的節目主打是閒話家常。反倒是媽媽那邊，可以說是一家上下都是馬吊粉絲，當中更有不少是馬吊高手，自問思考速度都算快，都被他們戲謔為「站長」…可惡…。小時候新年頭幾日待在香港拜年拜年和拜年，之後就過大海去拜訪親戚家﹗新年流流很多店舖不到年初五、六都不開市，悶在親友家中動彈不得(始終唔係自己屋企，當年又無電腦玩…嗚嗚…)，幾個細路坐著無聊…可恨想搵副大富翁/mastermind/飛行棋/啤牌/uno(其實要買都唔係唔得既…不過唔想咁樣浪費得來不易的利是錢…)也沒有… 於是…學起大人來…打牌﹗當年我們一班細路還只是小學生…

這就是上樑不正下樑歪啊﹗

都說小學生學習能力強，加上當中幾個小鬼早就學曉馬吊之道，未曉得不消幾天亦學成下山。於是，小鬼們有機唔打，有雜誌唔睇不停打牌，新年的假期就是忙著攻打四方城，返家後不禁失落--去邊度搵腳呀？﹗小時的新年回憶，就是拜年和打牌。

說實在，當幾個人無無聊聊，想找些有趣又能吹水談心的玩意，打牌確是一流選擇。無聊年青人如本人興趣廣泛(嘔…)，打牌以外當然都熱愛唱k打波食飯，但，總覺在麻雀枱上才最夠暢所欲言，八得最多流言八掛。好在，熱愛馬吊的不止本人，大學生涯遇上一堆牌精，出來做事又識到一堆牌怪，睇波？記住要有牌打；去camp？記住帶副牌去打﹗嘩哈哈，香港年青人的質素確是…

除了吹水以外，在麻雀枱上還是有很多得著。首先你邊打邊思考， 如何才能做出副好牌？邊做自己的牌時又要看著人家打甚麼牌，還要keep track人家做甚麼牌，最老土是四家都著同一條褲(我確試過﹗四家做萬子﹗)。手上拿著最後兩隻牌，還要做痛苦的抉擇--打邊隻？﹗造物弄人的上年往往在打出之後就會令你摸多隻，令你不禁痛心疾首﹗出沖又可以看牌品，究竟某某不會因為出沖而自己食唔出而發皮四推牌？﹗誠如《嚦咕嚦咕新年財》中劉華所說，人品好牌品好，真架﹗我未試過推牌的說﹗嘻嘻…

最重要是練一心二用，一向心水清的本人就算邊打牌邊看電視都無話打到小相公。世界盃期間因為邊睇波邊打牌，掛住望意粉隊個攻勢(其實對烏克蘭唔使太緊張…)，摸完花開完貢唔記得摸多隻牌…攪到小相公…嗚嗚…

不過現在不及往時了，往時打通宵都no problem，現在十二點幾已被周公急召…都係得閒打吓衛生麻雀過過手癮就好了。

他日老了，保持數口繼續精，朋友繼續有來往，頭腦繼續清醒，牌一定要照打﹗