我的熱唱金曲

睇完Blue《勁歌熱舞古天樂》，突然令我回憶起當年(即係好些年前)未有youtube時，想睇mv只得到卡拉ok去，不似現在望著個電腦芒都可以發癲唱一餐…

當年熱唱的金曲，好懷念啊﹗

萬人大合唱類--兩個人唱K就唔好點，一堆人狂嗌發癲先好玩架﹗

郭富城、許志安、梁漢文、鄭秀文 火熱動感 La La La

作為萬X路Red hot hits頭炮，其經典、重要和流行度都是後來的《熱力節拍》、《愛情傻戀》甚至《打開天空》望塵莫及。作為郭粉的本人耐不耐就會逼人睇這mv，而在場又總會有人陪本人發癲的說﹗

講開又講，《打開天空》有陳慧琳、陳曉東和陳健穎(好似改咗名做陳紀匡…)外，還有個叫邱穎欣的，她的《風微涼》、《有你以後》和《艷陽天》本人覺得極不俗，可惜她沒再出唱片了… (這個帶我好像回了很多次﹗哈哈…)

張國榮 H2O Medley(H20,少女心事,第一次/不羈的風) @《熱．情演唱會》

可惡，竟然搵唔到mv，呢個演唱會中哥哥一頭長髮頭fing fing的唱出一堆hit歌，平時坐係度唱歌的人(如本人)都忍唔住要企起身fing埋一份﹗長髮哥哥，正呀﹗

EO2+SiSi+E-Kids 魅力移動

唔知有無人記得呢首歌，因為識人參演mv，所以我們唱親k一定點呢隻歌﹗而本人最仲意扮Sisi一句「將魅力左右右左移動!!!!~~~」，係一堆男聲中大嗌，個感覺極似《火熱動感》中的鄭秀文，都係本人鐘意扮的對像﹗~

奇怪女聲嗌歌仲有胡兵和瞿穎的《不只是朋友》，瞿後段的一句超高音「Woooo…不願做好朋友，我願做一生一世愛人」高得很爆笑的說﹗當年睇完《真情告白》後次次唱k都要點呢扮﹗

演野類--扮我唱功很好，通常係用呢獨霸咪的說…

王菲 多得他

晒skill必備金曲，點得呢首一定會有人流露出艷羨之情「嘩…咁難唱你都唱呀？﹗」，對，係唱k之前一定要係屋企練習一下，否則晒命不成走音笑死人。注意重點唔係前段，係後段的Ad-lib和英文詞，一個「Woooo」音都不漏唱出來就為之very good啦。

基本上，《多得他》係最經典，但其他王菲的sidecut都有獨霸咪的效果…

周杰倫 黑色幽默

呢首係我聽得最多人唱到走音既周董之作，真係走到我頂唔順要去死手間﹗想唔出事既可挑番《星晴》嗰啲…

張信哲、古巨基(只限《歡樂今宵》年代前後)假音歌都係難挑之類吧？﹗

斷氣類--尤如急口令的歌詞，係本人熱愛挑戰的類別

陳小春 犯賤

係本人最欣賞既小春歌曲，暫時都係得呢首…

鄧健泓 直上

可惡，又無mv？﹗以歌論歌當然係原版《Last smile》好聽，但唱梗係唱廣東版…另外鄧的《如果有神》都係熱唱，唱到「欺騙人…如果有神」記住加埋個肉緊表情先夠原汁原味喎﹗

范曉萱 我要我們在一起

曾幾何時本人的飲歌，前段急口令歌詞通常只得本人唱，副歌的「哎喲哎喲」就會有好多人加入變成萬人大合唱…

睇野類--顧名思義，唔係為唱，係為睇的…

草蜢 失樂園

得伍姑娘客串和蔡一傑落力演出，性感度在當年仍是中學生的本人和友儕睇到嘩嘩聲mv之一。

那英 征服

除了影住那英的大頭，整個mv都係影住一對幾近一絲不掛的一男一女，當年仍是中學生的本人和友儕睇到嘩嘩聲的mv之二。

鄭秀文 世界之最(你願意)

兩位僅穿tubetop和pant的性感女model演出整個mv，睇完都無見過鄭秀文出呢…肉感程度令一眾已出來做野的女生不禁嘩嘩聲…(唔明同首歌咩關係囉主打…)

其他推介：張國榮 怪你過份美麗 mv當中的舒淇，真的很妖艷…

爆笑類-主打係睇番歌手舊樣…

王馨平 寒冰

對唔住，我係唔識唱呢首歌，點係主打睇古天樂先生十幾年前個樣，唔記得係楊采妮某個mv還是這個還有他被女角兜把星再飛身撲落身後的跑車度，爆笑度十足﹗

古天樂 今期流行

只睇古先生擔入mv男角係不行的，當然要睇埋佢老人家主唱的大作﹗呢隻唔識唱唔緊要，齋睇都好夠…爆﹗

郭富城 對你愛不完

其經典度不用多說吧﹗唔只我會點架﹗(真係有人點架：我的飲歌？(附熱血填詞《走音瘋狂》))

黎明 Happy 2000

黎生的勁歌「熱舞」一向都是本人極留意的，早期的《我愛ichiban》、《我的親愛》(配洗牌手勢)堪稱我的童年陰影，迎千禧黎生不斷推出rave極的勁 歌，奇在他一向都係以企定定形式呢表演，當我已習慣了時他老人家突然在這首《Happy 2000》中粉墨登場勁歌熱舞一番，仲要以冷帽配hip hop look大跳「品神」舞，不要問，只要睇，包你笑到唱唔到﹗

鄭伊健 22098 全城效應 (MV版)

可惡﹗竟然無最重要的演唱會版，鄭生唱到「全城效應全城唱」時的火車捐山窿手勢係重點呢架﹗不過個mv都拍得好動感，至少比《今期流行》勁，可惜到演唱會live時只得鄭生行來行去睇…

基本上，所有尹光的歌曲都可歸於此類…

郭先生其他攞命推介：郭富城陳年MV特集

(呢part要感謝Blue大人《勁歌熱舞古天樂》一文，令久久沒有唱K的本人突然諗番起好多以往熱愛的爆笑mv)

正經真係熱愛金曲類-每次都要點，又會盡力唱得好好的曲目…

范曉萱 證據 (同場加映《你》)

雖然唔鐘意佢當年的look，但這兩首是本人至愛，幾乎每次都會唱…

楊千嬅 的士司機

改自千fa一句「一場遊戲唔使太認真」而成的歌曲，千fa歌曲中至愛的至愛，sidecut關係無咩人識又比我獨霸米高峰~

容祖兒 痛愛

另外《爭氣》和《未知》都係常唱，都話我只欣賞以前的她…

何韻詩 光榮之家

見我上一個blog名係用呢隻歌就知本人欣賞啦﹗

自娛類-唱到尾段本人就唔理人家感受點日文歌，都係獨霸咪既意圖…嘻嘻

中山美穗 & Wands     世界中の誰よりきっと

即係許志安《唯獨你是不可取替》原版，輕快歌詞又唔難，跟住歌詞唱絕對無難度﹗嘻嘻

宇多田光 First Love

呢首好多無學日文的女生都會唱的日文歌，難唱啲…

BoA Every Heart-ミンナノキモチ-

Avex旗下Boa和步姐都有原版mv，令安室迷本人恨之入骨，點解無安室？﹗算把啦(實在安室近年的歌好鬼難唱…)。個人麻麻地鐘意步姐，反而幾欣賞早期的Boa，如這一首《Every heart》和《Listen to my heart》。

中島美嘉 Stars, Will

慢版ballad，正﹗相比《雪之華》呢兩首易唱啲，不過個mv係核突mv…九唔搭八的畫面配首歌…身邊人就邊睇邊笑…只得我認真的唱…嗚嗚…

相關舊文：
卡拉永遠ok之我的唱k之道…
日K．唱得起
唱K納雜言