曲：江港生 詞：張美賢 編：Terry Chan 男： 傷感的眼淚 從來未屬我 像往昔一樣 我每天好好的過
女： 分手這結果 真的有痛心過 伴我走只得我 原來亦沒不可
女： 是逝去那些經歷 改變著我 男： 並沒有那一方 是對跟錯
女： 你眼睛溫柔過 男： 夢與想再飄過 飛出天空唱我的歌（女： 欣賞再次自在一個）
合： 其實我記得 曾被愛的感覺 相擁親吻路上唱和
你我亦那麼傻 而其實我記得
男： 曾承諾過這麼多 （女： 當初的許多經過）
合： 當天都也認真過 沒有誰能像我們清楚 曾這麼珍惜過
（沒有誰能像你諒解我） （讓過程留在我們心窩）
男： 當天的故地 無言又路過 與友好今夜 談話中可講起我
女： 心底的痛楚 光陰再擦洗過 你會否想起我 仍懷念著當初
的士司機 楊千嬅 (楊千嬅@電光幻影 2004...我生日0個日出0架喎~~~~)作曲 / 編曲 / 監製： 蔡德才 @ 人山人海 作詞 ： 林夕
月黑 風高 雨低 你突然 講起 身世
共你一起很久那位 剛生了男孩 竟將你漏低
你說已對這裡失望 更慨嘆你儲錢無方
給你 再次結婚有望 亦未必快樂 我說別再講
是場遊戲 為何勞氣 做人認眞只會苦了自己
別談自己 就談論大市今天算合理
是場遊戲 盡人事但到底都靠運氣 兒嬉有道理 嚴肅可致死 何必要 動真氣
共我 深交 那位 漂亮幸福兼尊貴 沒有東西不可放低 怎想到突然 抑鬱到自毀
你說你我都太苦悶 我答我沒有空狂歡 工作 吃喝再找個伴 又或者我們 已厭倦這般
你在播這歌 突然提示我 背後作歌的
用短束的一生給這世間 開心太多 不要問我 志願是甚麼
是場遊戲 就如共你 莫名地交心到解構自己 但是自己 在明日大概再記不起你
別談道理 地球上與你這的士司機 曾相處幾里 陌生的知己 很高興 認識你
-----------------------------------------------------------------------------
琴日過大海拜年/賀壽/蒲頭/hae一日遊…媽媽家族tradition keep得很好…入到去個xx廳(無留意個名)…你會覺得時空好似freeze咗…除咗歲月係大家面上都加咗啲SKIII都搽唔走嘅風霜…其他野都無變到…每年都到同一間飯店開餐(那間野數吓手指到食咗起碼五、六年啦)…入到去一定係打牌(仲要一定開得一張only…第二張麻雀枱一定係吉嘅)…又一定有個姐姐整杯怪味茶你飲(個味真係好怪)…然後一定有幾個表弟妹在唱啲唔會係我mp3 list度出現嘅歌……我feel到…個gen gap好大呀…唱了幾廿首天后嘅歌…難怪我打牌手氣咁差啦……
其實我懷疑緊…最小的兩個表弟妹…除咗知我係佢地表姐外…知唔知我叫咩名…
今日我好舊野…唔識欣賞家陣啲歌手…覺得人家bad taste…不過諗諗吓…我細路時都係咁啫…偶像梗係最IN最潮那個啦(難怪當年我老豆會狂踩當年剛掹到車邊成為天王的阿王)(當年我有迫自己聽王菲…which我覺得咁先型)…歌梗係要有幾K要幾K啦…唔係點係K房晒呀…哈
首先…家陣我已成為打工仔一個….每個錢都咬開有血有汗…買碟無以前咁豪咁癲…再者….要求高了…唱好…曲要好…詞都要好…個歌手都要好(I mean個腦/attitude…唔好被我feel到佢蠢…我同Wyman一樣…都好憎比蠢人賺到我錢…多謝有線娛樂mud人台…一睇藝人答問題就見真章…CD本書仔整幾多百頁寫真…送幾多贈品都係假)…某日聽《晨光》曾志華講過句名言話搵朋友要搵啲叻過自己嘅…我覺得呢個theory同時可apply在睇書睇戲聽歌度…比我覺得你蠢…已經係一個唔買嘅絕對reason…因為我都好憎自己做蠢野…
當年飢不擇食買落好多垃圾碟… 不過唔賭唔知運氣好…搏到一隻愛不釋手嘅碟個滿足感係久久不散…尤如當年因為《時代曲》而買嘅陳醫生debut大碟…煲足十年仍然酒味醇美…最大發現係當年同千fa嘅合唱(對我呢講…認識千fa嘅第一首絕對係呢隻而唔係《三分鐘戀愛熱度》…哈哈)…今日睇人家嘅blog先知後來千fa嘅《友誼萬歲》中間有醫生和音(不過我聽唔出啊)…唔知佢地幾時再來一個crossover呢……
(某年頒獎典禮千fa說頒獎典禮只係一場遊戲…...無須太認真…..無耐呢句就成為《的士司機》嘅詞(又係喺人家的blog度得悉嘅)…再對照蔡子強嘅《新君王論》…好幾個篇幅都講到政治家的EQ…如何冷靜面對逆境…咁又係…做野要認真…但吓吓唔冷靜…吓吓動真氣…掛住發老脾又點解決到件事呢…知易行難…做人道理從來都係咁…尤其而家日日返工都對住班低能仔…)
延伸閱讀：
只談風月不談新歌@千fa《Meridian》 20/07/07 (我的千FA 10大﹗)
罵人的藝術 30/7/06 (我偶像邱吉爾的文采真係一流的說﹗)
沒有留言:
張貼留言
要講幾句嗎？﹗XD