2016/12/24

2016聖誕台北快閃:杯緣子展


杯緣子已經侵佔晒我書枱和公司枱面,即係呢,望住佢擺出各種可愛表情和奇怪動作總覺得很治癒,自己去旅行買,朋友又買回來做手信,於是堆了一枱都係…哈哈。

事先係諗住完sem出走一吓,點知出發前一日碌飛卜時見到有杯緣子展﹗噢耶﹗梗係去啦﹗

2016/12/23

《死亡筆記: 照亮新世紀》…是笑片來的嗎?

(完sem的我又浮上水出嚟吐嘈了…哈哈哈)

話說,我係完全唔記得10年前電影版的劇情(連兩套碟都唔知塞咗去邊)((要睇番自己博文先知我當年覺得好睇的)),然後我一度記錯奇拿和流克個名…記憶就是藤原龍也、戶田和松ken。

就說我無睇漫畫,其實6本和1本我都唔知有乜分別,就本著有菅田dd卡士的旗號去睇…但話實,dd呀,點解你自《民王》之後做親啲劇/戲唔係零存在感,就係奇妙至極?(好似係《校閱女孩》比較正常,睇到第3集)((《情歌》直頭係難睇))(((《瀨戶內海》我唔多識欣賞)))((((咁我仲應唔應該睇《弱水小刀》?))))

2016/12/22

[日劇]真完結.《真田丸》

因為我有一份功課拎了真田信繁做主題,於是極速狂睇大量佢既資料…嗚…雖然明知結局係咁但都不免異常悲傷,始終《官兵兵》官兵兵係喺屋企老婆喺身邊安詳咁過身,真田田就遇著一堆豬隊友,只能奮身一戰力挽狂瀾,每秒都覺得好心up…

又說,三谷叔叔好勁地由頭到尾都保持幽默跳脫格局,就信繁抱住乜野心態返大坂城問題上,訪問中佢就說是抱著要嬴。當然豐臣家出手叫佢都有啲關係,不過我覺得唔係全部,也許佢望住阿爸壯志未酬未瓜咗,眼前又有機會,就想放手一搏吧。

um,是的,心存信念,一定有路行。(provided that無豬隊友連環攪屎棍)

2016/12/04

[日劇]歷女是這樣煉成的:《風林火山》(2007)

話說,有啲字詞我係永遠會調轉次序,「風林火山」這四個字我大概只記得風係第一粒,之後的我成日調轉…係風火山林…風林山火…定風山林火…(笑)…

本身睇完《天地人》諗住收工,但就因為我要做一份關於上杉謙信的功課嘛,咁睇完你管的上杉cut之後好好奇,點解Gackt咁美形的謙信會勁有人氣,有到會上埋紅白呢?

同埋,其實信玄和謙信的事績係Pre-官兵兵年代我唔係好熟,但睇完《民王》對「風林火山」四隻字有印象(泰山成日講的嘛),就看一看是甚麼吧。(《民王》的狩屋孝司(カリヤン)和小秘書都有份演這套啊﹗哈哈哈)

再提多句,這套是近十年的負皮三寶其中之一(另外是《天地人》和《江》,我係咪應該睇埋《江》?﹗哈哈哈哈)

2016/12/03

[日劇]歷女是這樣煉成的:《天地人》(2009)


是咁的,追呢套呢,原因有三:
1. 友人說這套有真田幸村出現,而且引起熱潮說要為幸村獨立開一部劇
2. 妻夫木聰、阿部寬和北村一輝都是我喜歡的演員啊
3. 從前很喜歡小松江里子寫的劇,特別係KinKi主演的《若葉年代》、《青之年代》和萬年至愛之一《To Heart》,覺得佢寫年輕人情誼和愛情都很到位,咁變成歷史劇會點…

(暗黑理由:這部、《風林火山》和《江~戰國的公主們》號稱近十年的負皮三寶,我咁鐘意掃雷梗係要追一追,的確,很雷,雷到一個點)

2016/09/19

[日劇]《有喜歡的人》


(圖片盜自豆瓣和網上search的)

話說,三個男角個名我是知曉…但完全唔認得…哈哈哈

um…夏天的湘南鎌倉真係好令呀~~~夏天呀~~~
(雖然我一點都不喜歡夏天)

um,想說的是,看這套比《毫不保留的愛》好太多了,一樣的花火大會,一樣的燒烤(而家是日劇常見場面了?),一樣男主直呼女主其名攪到女主心如鹿撞,但這邊是有種替女主高興又有感動的感覺,那邊嘛…睇到我覺得我都智商下降了…

2016/09/18

迷你食玩之請你滾﹗滾起佢﹗


其實我未扭齊成套,仲爭個電磁爐同雞煲的…不過算啦,我已經有三兜菜(同埋烏冬)和兩盤調味料(加埋碟豆腐)…最後卒之俾我抽到個gas爐,總算可以開飯了~~

就說迷你食玩(或者迷你版的玩具)很毒。

為了顯出我對呢套食玩的尊重,特登搵番安安佳佳演唱《滾》呢一版嚟做構圖的一部份…

請你滾﹗滾起佢﹗

2016/09/11

[日劇]《賢者の愛》

繼《柏拉圖式》之後中山姨姨又來了,復出後的作品總是大膽破格(破=佢以往的清秀形象),然後總是要埋身肉搏,um,是因為大家對《情書》那些太入腦了?囧

2016/09/09

鄉郊求學日誌~1~ 廝殺火車

Info day是一月尾最凍的一天,去到鄉郊站落車時凍到0雪0雪聲…

Orientation時就落大雨(好似唔係打風既…)啲雨大到呢,車同月台個gap已經大到無朋友,然後啲雨好似摑人咁左一巴右一巴…勁囧

每次去都有好新鮮既體驗~~~

2016/08/31

[日劇]《毫不保留的愛》第4-5集


其實呢,25歲社會人,情感可以咁小學雞(有無比智障更精準的形容詞?),明知對方係有婦之夫仲要踩隻腳埋去(佢係諗住對方唔會醒定死咗佢就算?﹗),然後人家家姐出手就扁晒咀,我越來越想看這部表不倫裡少女的漫畫原著究竟係乜野一回事…

不如改名做《毫不大人的愛》~我愛小學雞。

2016/08/17

[日影]20年自high系列~《Love Letter》(ラヴレター)

昨天看fb時讀到一篇講這部戲的文,思緒即刻被牽扯出來…如果說要選最喜歡的日影,這部一定是最快飄出來的。在我神作排行榜(咦…我幾時有個咁既榜?)裡,神聖地位跟《長假》不相上下的說。但翻看維基原來係95年出品,嚴格來說是21年了…嗚…

anyway,我應該都是96年上下看的,因為呢部戲喺香港都應該好hit,好快就喺VCD小店見到有,我就花百多元(係…當年的VCD好貴架﹗正版喎﹗)買了回家對住電腦(係牛龜腦,無VCD機嘛…)喺度睇,真的好…好…好…

令仔呀﹗我講柏原崇…(哈)

2016/08/15

夜空ノムコウ

即係呢,如果是KT團又是S團粉,今年(或許是上年11月開始)長期處於心情低落中…

2016/08/13

[日劇]《毫不保留的愛》第2集


上集就送鞋,呢集小明就收走女主的感冒…到底有無人覺得呢啲係浪漫?定係我太唔了解漫畫既世界…我係咪要睇一睇套書(連載咗兩年咋喎)…

然後,呢套劇一定係一開始小明拒絕了女主的熱情,之後回到工作上二人輪住出錯,之後二人出盡百寶將功補過,過程中互相了解,女主又再次喺結尾向小明送秋波,然後小明就喺第二集拒絕佢…

Formula已經完成了。

2016/08/07

[日劇]《阿淺來了》(完成)

半年的劇集,我由7月3日(上一篇)開始煲,差不多一個月終於喺今日(8月7日)完成了…嗚…

我估唔到,明明個女主性格係樂天積極,男主又傻萌的,短短地15分鐘一集諗住快快樂樂地睇,竟然會哭個半死…點解呀~~~煲完,可以回歸其他劇了。

2016/08/03

[日劇]《毫不保留的愛》第1集


呢套劇係浪漫不倫theme架呵?點解我覺得笑點處處…

忍不住,係忍不住,喺空氣結他的帶領下展開愉快的cap圖日記。

你是我的目標﹗

歌詞與時代

話說某天搭巴士時身旁幾個十來歲(看樣子是未到高中但又要扮潮的準潮童)少男少女在討論樂曲,討論的竟然是我熟悉的陳醫生喎,內容是…「《富士山下》那些老歌…」…

囧﹗這是老歌﹗咁《時代曲》、《黃金時代》係咩呀?我沒有…我沒有沒有啦真係…

well,唔記得睇書定上網睇到,新世代欣賞宇多田光出道作《Automatic》(1998)時…有幾樣要注釋:
  • 「7回目のベル」 (鈴聲響第七次)→ ベルってなに?(鈴聲是啥~~~)
  • 「受話器」(聽筒) → 受話器ってなに?(聽筒是啥?)((btw…聽筒是我家的叫法,我細個成日攪亂醫生用的和電話的聽筒))
  • 「名前を言わなくても声ですぐ分かってくれる」(無講名但聽聲都知係乜水) →いやいや、知り合いなら通知されるだろ?(唔係喎,係識既來電都有show出嚟啦)
我深深地震攝了。(歌詞全文)

2016/08/02

[韓劇]《W-兩個世界》(1-4)


um,一路覺得鐘碩dd選劇本的野心幾大(雖然《易香人》和《匹諾曹》我係爛尾),劇集不乏俊男美女式愛情線,但主線總落在殺人呀追兇既而騎住愛情位,aka唔係純愛劇…

我可以表白一吓我欣賞佢呢個揀劇本路線嗎?(對比某人)

2016/07/27

往外闖

不是我,我闖過,上年回到舊司了。

我是想分享身邊兩位新舊同同的故事啫。

2016/07/26

讀書報告2016#6~自暴自棄手冊

圖抓自網上。(雖然我買咗實物…但我懶影相…)哈哈

去了書展,成功同腦細影相同合照…死啦…一路我好miu咀做既野…我做晒…唔型…囧。但我好enjoy…high到爆…哈哈。

去既目的係買《The 山 of music》同《今生要做日本人》…但turn out我睇得最過癮的是這本。特別是講airbnb的一篇。

去旅行,我最在乎的是酒店。真的…(將要帶我去玩的朋友不要扔低我呀~~~)

2016/07/24

沒有網上的日子之一~聽歌篇

是咁的,突然好想回味吓以前沒有/初初上網的日子,年紀輕的小朋友會唔會覺得我講緊鬼故?﹗哈哈

有幾耐無聽過CD盒帶現已上市?﹗呀﹗

2016/07/19

薔薇と太陽

看著這首新曲的「獨特」演出,腦海突然飄出幾個念頭…

1. 只知誰是堂本剛的人
    啊,剛的結他很酷啊﹗隔離伴舞(伴得很用力)的大叔怎麼有這麼多特寫?他是誰?
2. 只知誰是堂本光一的人
     啊,光一的舞跳很酷啊﹗隔離伴奏(伴得很用力)的大叔怎麼有這麼多特寫?他是誰?
3. 知道KinKi Kids兩位成員是誰的人
    這是將兩段片放在一起了?那段是那時的?
4. 知道KinKi Kids有兩位成員但不知道兩位成員是誰的人
    成員在哪?在哪?在哪?
5. 不知道世上有這麼一個組合的人
    噢。看完了。呃,組合成員在哪?在哪?在哪?

難怪有網友說這是當平安神宮遇上帝國劇場…兩樣放在一起…好微妙…

2016/07/18

讀書報告2016#5~菅田dd出演作品相關原作…

就說日本出版業同影視界合作無間,有人氣的作者新作或得獎作品,不論漫畫定小說通常九秒九就會改成電視劇或電影。就算係原創,好快都會有小說出番。原著先出的話就會喺書腰出番個影視作品既相…令人好想儲番…

但…內裡係無改過野的﹗

咁小的又有舖睇番原著/文字版對照內容既癮,某dd真係「老是常出現」中堅會員,硬係不停見到佢出現(但佢未挑戰到帝王級的濱田岳或綾野剛)…數數吓…勁多書堆了在屋企…囧。

2016/07/17

愛國

一直到某年在教科書內見到洋紫荊logo,說到1997年7月1日起回歸,我才知道這個一直都是新年才經澳門到外公老家的地方,會重新成為香港宗主國。

2016/07/13

讀書報告2016#4~我為甚麼不去日本工作

一口氣看了這兩本,真心覺得我在香港返工真的很不錯(要link番一吓呢番絕爆cap圖)。

(圖片轉載自網路,出處:/)

知道小的學日文既人,會問既問題大概是:

  1. 你學完日文未呀?」(咁你學完中文未丫?)
  2. 「你會唔會去working holiday?」(不要再說了. jpg)
  3. 「點解你唔做日本公司?」

2016/07/10

純粹貼圖~Hokahoka


這家位於尖東好時中心,一入去…嘩﹗金色子彈lift﹗嘩﹗內心小劇場即刻響起《你是八十年代》~全球被你轟動~

然後去洗手間時要落兩層,中間見到桌球室…嘩﹗又再八十年代啲囉…(雖然06年睇《唯愛》係有一幕弘人去了桌球室,《學校2013》都有幾場喺桌球室打交…但香港我好耐無睇戲/劇見過人篤波啦)…呃…我之前喪煲黎老闆的舊劇嘛﹗哈哈哈…對呢啲八十年代野有種微妙的感覺…

2016/07/09

各式各樣的麥旋風…(5)


對唔住,喺講麥旋風之前容我讚美吓最新一水既菠蘿蝦堡既包裝紙…真係令到dup一聲…因為我走菜和走醬,張紙係吸咗個包既少少油啫,所以仲好ok吓…就俾我好環保地令番公司欣賞…XDDDDD

2016/07/08

名校

9月小的會重拾學生身份(有咩?一路都係呀)。是咁的,一直腦交戰(其實也沒有太多)心儀(x年)的隧道大和遠到媽媽都唔認得的郊大之間,郊大收咗而隧道大一直無回音。但去完兩家學校的information seminar(當年A-Level我好勇地一個都無去的時候現在我乖豬地去聽吓了)後,多年情意結還是敵不過眼前穩重可靠的programme leader(加上佢那句「咱們係同類course學費最抵的),收到offer,很自然就register。當年,是呢頭收offer嗰頭就去reg再被踢入o camp和入英文班,今回相隔了四五個月…好漫長啊…

um,其實對於郊大除了遠我無乜特別感覺,但我的親戚一個二個的反應是「好勁啊﹗」囧咗。呀,係喎,那家是郊大…我…入咗間名校?

2016/07/04

[日劇]《阿淺來了》(至第15集)


是咁的,趁假期跑了轉台北,咁我梗係鎖定緯來日本台架啦,然後夜晚怒播那套甚麼《黒崎くんの言いなりになんてならない》…嘩…啲演技上乘到呢(粉不要打我)((而我是第一次睇中島健人))(((小松奈菜讓我想起睇/瞓到流口水的《近距離戀愛》)))

總之,我是很專注地打機無望過電視。令我留意,是《阿淺來了》既宣傳片…怎麼千秋王子一時月代頭一時時裝頭…阿淺(波瑠)又一時和服晒一時時裝樣?我好好奇,同埋我需要睇番啲正常人以正常演技演出的正常劇。

2016/06/30

讀書報告2016#3~《流》、《怒》、《火花》


其實我個人喜歡看散文多點,小說通常都是因為電影/劇集或喜歡的作家才看…這一回一口氣看了好幾本…完全唔關影視作品事的說﹗

再來我最鐘意的排名分先後次序。

2016/06/29

讀書報告2016#2+[日影]~《殘穢》

其實我很怕恐怖/鬼/驚嚇片的,如不是因為目標人物要一條龍(如…這套)的話都是敬謝不敏。我最有印象的恐怖片是跟同學入戲院看《貞子》,事後回想劇情覺得超攪笑…怎麼爬出來你就會驚呢?但身處漆黑一片的戲院…伸手不見五指嘛…少少一點音響效果已足夠嚇個半死(而我真係好易自己嚇自己的…)

sorry,都不是在講這部戲,讓我順道說一吓題外話吧﹗哈

2016/06/18

弘~極上海鮮二段丼


話說有一晚行過天樂里的這家店時見佢試業優惠(才發現豚兵衛已不在﹗)就入去試吓…當時覺得是ok丫,可以翻兜…後來友人約食飯才發現原來這家店有這個呃like之霸﹗﹗

呢個,係唔應該喺食之前四個鐘內食過野…而我…係朝早食了個老m早餐,一點幾就食呢個…囧

2016/06/17

[日劇]《世界一難しい恋》~世界最純情的戀愛

利打個樣…呢個一定係最好笑的crossover…同埋好鐘意阿社長個名言"Target, Full Speed, Two Months"之後多咗個"With Love"…笑死我啦﹗

呢套呢,係愛既驗證,唔鐘意既(aka覺得鮫島零治智障)應該會一路唔鐘意,vice versa覺得佢可愛的應該只會一路沉淪落去…

真係純過蒸餾水喎﹗

2016/06/14

[港劇]黎老闆劇集自high系列~《回到未嫁時》


繼續一條龍黎老闆,今次開喺我極少翻煲(雖然我成日喺文度提呢部…哈哈)的《回到未嫁時》…一開就有開心大發現…

1. 呢個didi係咪子洋呀﹗子洋﹗文意姐姐嚟架呢個,你後母呀﹗咪送佢番過去呀﹗(我講緊《今生無悔》哈哈)

2.我成日以為《回》係80年代既劇,原來係90年,仲要同《人在邊緣》同一年﹗呢頭做完天然呆(這是多麼的近代形容詞啊﹗)浩然(不是二少黃浩然),轉頭就做漿湖大佬龍哥,好正呀﹗

2016/06/09

[港劇]黎老闆劇集自high系列~《原振俠》(完)

而家我一見堺雅人就起《真田田》op,很多年來我一見黎老闆內心小劇場係起《願你今夜別離去》…但…其實在我的翻煲龍虎榜中《原振俠》係無翻煲過,反倒是《人在邊緣》和《今生無悔》我睇到記得晒邊集打邊集的劇情…

我想話呢,《原振俠》令我好新鮮的是…黎老闆終於有一套劇係唔食煙架啦~~~~

暫時…我只看了一集…哈
13/6/16後按:我已經睇完晒啦~~~

2016/06/02

東京2016#2~5~第二天


酒店就在不忍池對面,朝早唔去散個步對唔住自己啊﹗

下町風俗資料館-->mAAch ecute-->奧涉-->NHK-->原宿--.>Book and Bed Tokyo

2016/06/01

東京2016#2~4~第一天~由台北到東京


話說…儲夠分可以換飛總是身痕的,於是明明一早定下稍後會出門都夾硬要攝一轉出來…

咁,經台北到東京跟經上海去樂趣多啲嘛…我指買書和精品那方面…

2016/05/31

東京2016#2~3+讀書報告2016#1~成城石井

話說我一路以為這家店名字是石井成城…

then某次行書店見到呢本書,諗起好似某次旅行酒店旁就有一家,但無特別留意,通常我都係去百貨店地底的超市或便利店掃野食(特別係雪糕)。拎上手一揭見佢講點解唔減價都咁多人買…突然好有興趣,買番屋企好快就一口氣睇晒…

當中最有印象,令我覺得這回渡日一定要食的…不是哈根大師…是薯仔沙律呀﹗

2016/05/30

東京2016#2~2~Cup Noodle Rich~鱉口味

其實我戒咗杯/即食麵好耐,連x桃牌都好少食…哈哈。不過之前見日清出了這個豪華版…分別是「湯料中添加鱉粉末的「鱉口味」,以及加入了生蠔醬汁的「魚翅口味」」貢勁啦喎,趁去日本咪搵嚟試吓…

只是跑勻不同便利店和超市我只找到藍色的「鱉口味」…囧﹗

2016/05/29

東京2016#2~1~Book and Bed Tokyo


因為《虎與龍》(又係呢套萬惡的劇),我成日好想試吓住膠囊酒店,但一諗起無位擺行李又要share廁所(我承認,小的係可以喺廁所唔知做乜一大輪先出番嚟),每次計劃都泡湯。然而見到這家以書為主題的hostel又好想試…於是…本來訂下的酒店真的很不錯(真係好好好好不錯…),忍著出走了一晚體驗吓呢家書香入夢旅館(<--多厲害的名字)

2016/05/23

(轉)日本年青人唔用Facebook的原因:太多阿叔

這篇文看到這句:「相比Facebook應該更常用Instagram吧?」我笑噴了,雖然我不是十代(泣),但最近確因為長輩在飛卜異常活躍而令我轉去IG(aka:佢地唔會用的東東)貼相…

2016/05/20

[港劇]我為甚麼唔睇《殭》咁唔進步?

基於我娘係鐘意開住電視令間屋有聲,而呢套劇又係9點半做,咁通常我都返咗屋企,所以行出行入時唔覺意睇咗啲既…

咦…即係我.有.進.步﹗

而我會留意吓是因為飛卜大家瘋傳鄭視帝比元華更似元華,之後我先坐低睇咗陣,喂真係似喎﹗忍不住影電視留個念…但不要問我係第幾集﹗我唔知喎﹗

2016/05/10

忘掉種過的花重新的出發~利東街

放棄理想吧~~~~

是咁的,曾經有段短暫日子天天都在皇后大道東出沒,天天在聖X娜買個包就穿過利東街行到公司,不知不覺天天如是,沒發覺原來那是喜帖街最後歲月,然後,是沒有然後囉。

築得起 人應該接受 都有日倒下

我算不上對這區很有感情,不過事後聽番張太的《喜帖街》就很感概,一個自然而然結集而成的小社區要重建,建完你估會唔會回復原貌?梗係唔會啦,then咪又係豪宅囉(至於係咪偽豪啦喎…)…

就似這一區 曾經稱得上 美滿甲天下

2016/05/08

Bao Bei


此為後補貼文記,因為呢度啲野食真係幾有趣,食之前要影影影的說…

而本身我以為間店名中文係「寶貝」啦,原來又關「包」和「杯」事的說…

2016/05/04

黎老闆的關公技巧

啫係呢,有人可以因為一個喼攪到滿城風雨,同時黎老闆個騷本身票價貴,then開騷前兩個鐘先話取消,第二日開唔開到又唔知,then開到又遲開,then話有的摩天輪又話取消,樣樣都係俾人鬧到爆的炸彈,但黎老闆不但tackle晒,仲將本來鬧食環的聲音拆解埋,仲攪到全城熱追,演唱會場地核心內外圍都逼爆人(有人話呢個先係真正既佔中﹗),最後一天補場仲玩現場直播(5分鐘啦)…咒罵聲全部變晒歡呼聲,唔鐘意老黎的人都忍不住like一like佢…係咪勁先…

2016/04/26

[日劇]春季新番


就從宮官的這部《ゆとりですがなにか》(寬裕世代又如何)開始吧﹗

2016/04/24

[日劇]《民王》SP~《新たなる陰謀~》&《恋する総裁選~》


貝原小秘書徹底搶鏡,獨立成書喎﹗…哈哈﹗再次多謝某博友幫手代購,讓大家可以抱小秘書回家…不過要看的劇和書太多…我未揭傳說中的一萬字訪問…哈哈

小秘書與六怪客看了一集…好似《歡樂今宵》短劇咁…感覺…呃﹗看官網第三集有菅田dd粉墨登場…好啦,我睇。

2016/04/16

[日劇]20年自high系列~《ロングバケーション》(Long Vacation)

首先呢,願熊本縣和附近的人們平安…今朝又嚟一個好勁的強震…囧

是咁的,原來琴日4月15日就係呢套劇播出20年了…我可以說時間過得太快嗎?雖然我可以數出好多套讓小的有深厚情意結的劇,但呢套…係好多第一次的結集…

2016/04/08

[日影]HKIFF之二:《TOO YOUNG TO DIE! 若くして死ぬ》

繼《粉與灰》(都係鐘意咁叫)復活節假最後一天又去文化中心睇戲…宮官現身呀﹗可惜今次我野生捕獲唔到佢(第二日要返工呀﹗)…巧開心呀﹗呢個假期真係巧開心呀﹗

話說呢套戲本來係二月初喺日本上映,又撞正小的遊日諗住有得睇啦,點知因事無限期延遲,當時無細心留意原因,之後先知原因電影一開始旅遊巴墜崖的劇情跟輕井澤發生的意外相似,為免引起不安於是延期上映…無啦啦地香港成了亞洲首映地(據說是…)

然後,套戲而家schedule咗6月25日上…喂…我生日喎哈哈哈我係咪要睇…(大吉利是喎﹗)…同埋呢,電影節譯戲名做《早死早投胎》都係怪怪地…《死得太早》算啦(其實日本不如請我做翻譯丫…)…

2016/04/07

[日影]HKIFF之一:《紅的告別式》(ピンクとグレー)


是咁的,日本上映前(好似係1月9日)1月4日有主角現身特別場,其實小的好想去睇架…但因為已確定參觀《唯愛》船廠,而且呢場優先場又未有網上買飛資料…咁…算啦…睇吓之後有無緣…

之後﹗有﹗耶﹗噢﹗在此再次多謝成功爭取購票的友人~假期事忙,到今天終於賦文補番我傷心的後感…

可能我個人有原著潔癖,我唔太鐘意部戲的處理…

2016/04/05

作為一個公開試的過來人…是咁的

因為又到聽到地獄魔音《綠袖子》…呃,都係考評局攪到佢咁邪惡啦,well,即係考試季節又來臨,雖然我已經係N年前既考生,但每年聽到呢首魔音都猶有餘悸,可見創傷幾重呢。話實334已經實施多年(時日如飛⋯又要唱呢首歌),尤記得propose出嚟的時候係話將公開考試二合為一係要減輕考生壓力的嘛,但而家好似有過之而無不及⋯真係點解呢⋯

無錢無後路只能頂硬上的話,朋友,我明既﹗我真係明有幾痛苦的。

2016/04/04

復活台北快閃~3~最後一天


最後一天…其實無乜去邊度…講吓間酒店吧~

住的是這一家旅‧晨行旅,無上次住的那家咁豪,走工業風嘛,simple but artistic就可以了~

2016/04/03

復活台北快閃~2~第二天

話說一朝早去故宮博物院睇吓野兼買吓野,多人多到呢…逼唔到上巴士唯有飛的…再次遇上好傾的司機…佢又再次估我係咪日本人…佢話我既國語有日本口音…死囉,我應該唔應該開心?定係怪當年沒認真上普通話課學拼音…哈哈哈﹗

其實這天的主旨是去看日治時期建築…但卻變成吃閉門羹…

2016/04/02

復活台北快閃~1~第一天


我不是住這家酒店…哈哈哈﹗但有機會住吓都唔錯架呵?

話說,今次我去的地方看的看點都係跟住《台北捷運散步手帖(紅線)》而去,而當中我又對日治時期的地方最有興趣…於是…買野係無乜買到…但看就看得很高興囉…

2016/03/25

《蝙蝠俠對超人:正義曙光》…傻的對決…

繼我唔知amazing喺邊的新蛛蛛俠,而家有智力嚴重出事的蝙蝠俠…怎麼了…

話說,英雄片我只係睇呢兩個,其他的我都沒怎樣看(《鐵甲威龍》算唔算?)…呀﹗出事呀出事呀,據說因為人家正義英雄甚麼內戰來勢太勁,逼得DC都來一個crossover…但可以crossover得咁難睇…唔係有神奇女俠出一出場…呢兩個傻的男人傻足全場…浪費啲咁既錢拍套爛片…起高鐵好過啦…

又說,我沒看過超人…

2016/03/22

純萃.喝

是咁的…自從某年同同買來一支作為手信後…小的就好熱愛飲這個…明明我唔喜歡太奶的質感…

而我咁記掛呢支野…相信是因為收到同同的手信後要在家OT…然後我一路飲一路做…實在係苦中一點甜耶﹗

最近,最近﹗最近﹗﹗﹗(重要的事要說三遍)…終於在香港買到了﹗

2016/03/16

KAT-TUN 10TH ANNIVERSARY BEST “10Ks”暨…本人的10首

(圖片來自微博)でした!でした!でした!轉埋過去式啦…嗚。其實小的都估唔到會如此唔捨得…我諗,因為雖然本命團都跟咗好多年,但呢團真係由出道開始追,然後赤西美國人和田口的聲音都是我的飛佛,最後聽嗰兩把聲都不在…真係好囧…

Any肥,精選碟的promote已經係3人版,well,這張10周年的精選跟師兄V團咁有得網上投票(但個期限極短)((KK團10周年那時都應該有投票,不過我無投…))then頭兩隻係派台歌,then另外一隻就係side cut選…果然我的口味太獨特…好多我喜歡的都無呀﹗嗚(我又傷心了)

2016/03/14

各式各樣的熊仔餅

麥旋風後,另一樣一見新野就忍不住試就係好食到唔捨得扯的樂X熊仔餅啦~~~哈哈哈

這個是琴日見到的吉士布甸味(759阿信屋)…未食…因為屋企仲有一盒未家庭裝未食晒﹗哈哈哈。睇番舊文原來n年前出過個焦糖奶味的說…我對呢類野都無乜抵抗力…