[韓劇]《W-兩個世界》(1-4)

um，一路覺得鐘碩dd選劇本的野心幾大(雖然《易香人》和《匹諾曹》我係爛尾)，劇集不乏俊男美女式愛情線，但主線總落在殺人呀追兇既而騎住愛情位，aka唔係純愛劇…

我可以表白一吓我欣賞佢呢個揀劇本路線嗎？(對比某人)

故事看這裡，平行時空兩個世界的劇作唔係新野，一條現實(漫畫外)，一條漫畫裡既世界，究竟係現實創造漫畫，定係漫畫主人公反控制番現實世界…幾有趣，so far環環緊扣，啲謎又慢慢解吓啲又有啲新既咁。咁而家只係做咗個頭，有望唔好好似《信義》那些咁舖謎團舖到尾就草草收場啦…

呀，我想話啲漫畫好似我用app將啲相轉漫畫既效果咁…哈

(又係我最鐘意既cap圖時間)…我想話呢，dd你又係運動員呀﹗你已經打過乒乓波又游過水啦﹗(打架王可唔可以當係一種運動？)

呃無，我想問吓2004年有咁薄既芒咩？

兩個世界交錯過程次次唔同…第一次係姜哲(李dd)拉研珠(韓孝珠)入漫畫世界…呢隻血手令我不停想起從小就令我驚到而家的《鬼新娘》﹗發哥同虹姑隔住個芒互拉時隻手係損晒架﹗好痛呀﹗

主人公遭逢巨變後成了霸氣總裁(dd終於都可以演有錢人…同霸氣類角色了…)…我想話呢…個髮型好醜…可以留番長啲嗎？(<--係…我一路睇一路覺得呢pat留海好醜…完全不能令我專心留意劇情…而呢部劇…係需要專心留意細節…而我成日一路打機一路lap字幕嘛…

古時萬子theory係無錢時唔gel頭，有錢時gel，姜哲做咗霸氣總裁但唔係成日gel起…一時有一時無的說…好迷離…我好掛住《聽見你的聲音》時個郁啊﹗要不《學校2013》都好丫…然後就面色而言…好像就嚟白過女主…這是怎麼了…

好邪惡的product placement…

女主第一次看(或者看過唔記得…)…佢好慘經常要驚呼狂叫…哈哈。

因為劇情劇透得太多會無趣，而且都未正式入肉…所以…我都係cap吓圖同埋期待dd個髮型唔好咁醜算了…

讓我認真一點加番啲後感…。我覺得呢套劇的設定幾大膽，以前玩既穿越時空神馬也不是了，本來以為只係現實人走進漫畫世界，點知第4集尾加上漫畫人走進現實，兩個時空互相交錯，好容易有不合理(如世界a的人走進世界b咪無證人士囉？)，編劇喺呢啲位好細心交代，暫時(雖然我睇得唔係好細心)都未搵到太大的犯駁位。而個謎，即係姜哲係漫畫人(佢以為自己身處的世界係現實嘛)呢我估緊幾時俾姜哲知的時候竟然第4集就爆咗，um，又是一個我好欣賞個編劇的地方，唔拖﹗唔拖﹗唔拖﹗(重要的事要講3次)，因為解了謎之後佢又放了新的謎…

同埋姜哲大概估到有人control自己，到佢問到研珠之後就轉念俾佢消失返回現實，從警察(？)癲晒搵人既拘留所度行番出去時，dd既表情既失笑又憤慨又嬲又傷心，講電話時啲眼水"long"住喺眼框真係好有戲…係…塊面太白…令人好出戲…

姜哲逼研珠講清楚身份(同佢來自既現實世界)又鬆又緊，又乙水又嚇真係…好好睇﹗

(很沒內容的貼圖文…哈哈哈)