anyway，我應該都是96年上下看的，因為呢部戲喺香港都應該好hit，好快就喺VCD小店見到有，我就花百多元(係…當年的VCD好貴架﹗正版喎﹗)買了回家對住電腦(係牛龜腦，無VCD機嘛…)喺度睇，真的好…好…好…
令仔呀﹗我講柏原崇…(哈)
- 舊文說又上映應該是因為上畫十周年吧。前陣子偶然再看，人大了果然看點都不一樣了
- 好奇殺死貓，博子本來因為未婚夫過身，想寫信給紀念冊上同名同姓的藤井樹，純粹係舒發對未婚夫的思念，點知真係有來信，大家就交換來信，互通對男藤井樹的回憶，好青澀，但去到後來發現原來男阿樹曾經暗戀過女阿樹，而博子跟女阿樹一模一樣樣，就…囧了。
- 對女阿樹，那來男阿樹喺圖書卡上畫了自己樣的書代表了一個失落的暗戀故事，但博子就是大失落…原來自己某程度是愛的替身？﹗成年阿樹沒出現，戲是淡淡風所以很多留白，博子也只是以「你好嗎？我很好」來conclude，沒有青筋暴現失落狂喊，餘韻反而仲長…就是勁
- 原來男阿樹掉落山時配上了聖子姨名曲的《藍色珊瑚礁》…「私の戀は南の風に乗って走るわ」~~~咁應景既？
- 除了圖書卡上的女阿樹素描，最攞命梗係男阿樹喺日光透入嚟窗邊既圖書館度睇書，啲飄逸既窗紗配上男阿樹英偉既樣…實在係殺死人了(<--癲咗)。但唔知點解之後我就會linkup咗《魔女之條件》…應該都係學校圖書館中的名場面吧？﹗(笑)
- 雖然我係鐘意呢套戲鐘意到癲，但岩井其他戲我無乜睇，成日想睇松隆子姐姐的《四月物語》都係得個講字…
- 以前睇時淨係識中山美穗和柏原祟，原來少女女阿樹係酒井美紀，而佢兩個喺代表一代人既青春(雖然我睇既時候已經係05年了…)既《白線流》係主演﹗呢個series最勁係由高中演到畢業再久不久出SP去到05年講晒眾人出嚟社會後遇到的人和事，根本係你同我既寫照…救命啊﹗就說呢啲青春成長劇係好易有共鳴…
- 講起上嚟好耐無見過酒井美紀了…
- 而柏原祟都好耐無見佢，維基說他的影視作品最近都四五年前的了。然後原來《蜂蜜四葉草》都有佢老哥(當然是零記憶…我只記得有斗真和成宮小惡魔)，再推前啲就係《白夜行》，不過都唔係擔好重戲的說。
- 反而中山美穗姨姨離婚後有番劇出，謎一樣的《柏拉圖式》後今年有套《賢者之愛》
click吓click吓舊文，堂本剛、廣末涼子、松隆子、柏原崇都排住隊奔四，然後當年寫的新生代演員都排住隊奔三(有啲奔咗)…嗚…我們的青春小鳥耶﹗
不經不覺，原來20年自high既仲有好多…
- 《悠長假期》啦…(已自high咗)
- 《笑傲江湖》(呂頌賢版)，個人覺得呢部係繼95《神鵰》之後無記改編個人最愛之一，啲場景係做得衰咗…但選角一流(雖然…年紀好像偏大…)
- 《緝私群英》(已自high)
- 安室奈美惠《Don't Wanna Cry》(可能係佢婚前作品我最喜歡的一首)
- 《金田一少年事件簿》第二季﹗咁多個單元唔知點解最記得的兇手係速水玲香…睇番維基，原來有諗過整個《銀狼》光王vs金田一既單元，不過最後不了了之…噢…
- 港版《金田一》主題曲係鄭伊麵唱，我要讚美埋《古惑仔》系列嗎？我成日以為第一套係95年…應該係96年喎原來(據維基說)…我個人鐘意睇第二和第三集多啲既…話時話
- 陳奕迅首張大碟《陳奕迅》華星大眾價88蚊發售﹗~我想話我好鐘意《其實我記得》…完係無視傳說中的和唱唱錯晒…哈哈哈…
真係要寫自high系列有排寫。umum，回憶總是美好的，眼前世界咁亂…唯有自找快樂啦。
以上。
最離奇係柏原崇之後無高過
回覆刪除又一個人間悲劇…明明我咁令仔…
刪除哎呀我好鍾意《情書》架，睇左N次都係喊死左。我成日將佢推介比未睇過嘅朋友
回覆刪除我好鐘意佢呢總淡淡然但勁傷感的風格…所以一睇啲人面容扭曲狂喊狂叫既戲我就頂唔順…哈
刪除