[日劇]《毫不保留的愛》第4-5集

其實呢，25歲社會人，情感可以咁小學雞(有無比智障更精準的形容詞？)，明知對方係有婦之夫仲要踩隻腳埋去(佢係諗住對方唔會醒定死咗佢就算？﹗)，然後人家家姐出手就扁晒咀，我越來越想看這部表不倫裡少女的漫畫原著究竟係乜野一回事…

不如改名做《毫不大人的愛》~我愛小學雞。

阿橋本愛實姐姐其實比小明小兩歲，但佢個樣係有點成熟…um…

<--你真係好差勁…

要攪不倫又要好似初戀咁…你想點啫…

<--無呀…想話…啲字好整齊…

呢個小說家「尋」據說係好有人氣，於是女主提出搵佢同公司聖誕既特別product crossover寫個故仔(<--我唔知幾有成效…不過呢家公司可以一集之內上撒上young line三次…都無咩做唔出)，咁approve咗之後女主就去approach小說家經理人…但我估唔到以佢作為一個時尚珠寶brand的宣傳部人員可以無人脈到咁…方法是不停打電話…囧﹗因為呢個小說家係脾氣古怪，唔會無啦啦同個二打六合作…就透過經理人回絕…最正係經理人仲要話女主好煩唔好再煩佢…真係蠢極無上限…我越來越覺得締芬尼sponsor呢套劇係蝕大本…連個brand image都蠢埋…

然後女主俾不平衡頭部長鬧你諗出嚟的企畫你攪掂佢…一臉死灰的時候可以點？梗係宮樣(愛稱jimmy)出嚟救佢啦(男二的命運，學名花澤類症候群)。原來佢識小說家尋，可以同女主搭路，條件係同佢去火花大會…噢…做乜個個著晒浴衣…好中學生劇啊…

然後女主三人屋企因為樓下漏水攪到燒fuse要搵地方住，其實…我無長住過東京啦…但求其上樂天一類的酒店網應該賓館乜野都會有掛？﹗um…咁劇情就係女主無地方去去咗瞓網吧，咁小明同jimmy就好擔心…陰公囉~~~你做乜唔話我聽呀…最後jimmy接咗女主返屋企收留佢…

<--然後佢扮有地方去的落樓下唔知做乜…

《唯愛》亞裕太都有呢一招喎，編劇是《唯愛》粉嗎？




<--又是一個不平衡頭…佢同部長是朋友？

話明脾氣古怪，又點會因為你拎住佢本新書而高興…女主拎住本小說就真係…囧爆…卒之係jimmy送出北島三郎簽名唱片幫女主攪定…女主的情商已經差，工作能力…可唔可以俾番一野我覺得佢係正常既啫？﹗好嬲呀…

<--我就想問點解男女主做乜都可以讓人覺得佢地智商有問題？﹗

我好似無cap第三集…點解呢…呀…都不重要啦…因為集集都係咁…副社長我好想見你呀~~~的時候，副社長就要去醫院睇老婆…然後女主一副很委屈的樣子…完全不感人，也不覺得女主可憐，只令我覺得佢自作自受…
****************************************************************

第5集的亮點…是老婆醒番…佢應該同家姐一樣都係狠角色…

部長唔知係咪見我成日笑佢那個一啲都唔時尚反而似十年唔剪由佢長而成的不平衝頭，轉而札起…雖然缺乏時尚味道但總比硬裝時尚好得多啦…


你肯定﹗你肯定﹗你肯定…

卒之小明不停跑去醫院陪唔到你你咪又黑埋口面…生日又死要同人慶祝…真係俾初戀的少女更少女…(有無齋宮樣cut呀？我仲睇呢套係因為想睇jimmy)

我會為了這些劇情覺得sweet或動容嗎？

毫無疑問女主的智商係每集都降級，咁本來副社長叫佢「栗原」改為「未也」，係親匿咗，係值得開心…但唔知點解場戲present出嚟我腦中只浮出「癡線」二字…




咁愛上係無辦法既，前男友死纏女主，女主死纏小明(定互纏？)，宮樣也是死纏女主…um…但只有宮樣條line會令我覺得係比較好睇。呢個男仔係細心留意個女仔既需要，適當時候出嚟幫佢扶佢…先係愛囉…副社長甚麼的，自己份內事都未攪得掂…都係返屋企彈空氣結他把啦…

以上。