煲劇日記~台/祖國/韓劇篇

整理完有十億個痛苦的日劇篇，唔爭在整埋祖國/台/韓劇，為數不多所以相對無咁痛苦…港劇的日記嘛…都係算把啦…我驚我要整三年…囧﹗

最後更新：03/03/2014

註：橙色數字乃係推銀度，0是最低(即係精彩到我唔會拎部機出嚟推銀，5是最高(即係悶到我想打機…不過偶爾係會有啲爆燈之選…哈哈)呀，劇集(主打係泡菜劇)按完成時間而排…
****************************************************** 

台劇

應唔應該計埋n年前的《包青天》(仲有《七俠五義》？)、《倚天屠龍記》(馬生和周海味那套)、《笑傲江湖》(任生)、《神鵰俠侶》(任生)、《還珠格格》(這個算是祖國定台灣出品？…咁係咪要加埋因為小燕子大紅而播的《俠女闖天關》和《表妹吉祥》？)、《梅花三弄》及一大堆瓊瑤劇？﹗

如果只記近10年興起的偶像劇…(其實主要是一條龍某人的劇啦…)

流星花園(1,2)    3~4(我都唔記得囉﹗)

N年前去台灣旅行在酒店看了…有同行友人在收費電視台看了為我們簡介一番…真係忍唔住笑咗…啲衫想點？個大宅點睇都似酒店大堂…囧咗…投入不能。後來有記兩輯都播了…呃…都係忍唔住見F4就想笑…

花樣少男少女   2

在看完07的日劇版(生田斗真那套)後友人借咗台版俾我睇…只看了一點(應該…有4,5集吧？)…呃…我可以說我投入唔到吳尊大哥是學生嗎？

惡魔在身邊      2

看友人的文而好奇走去睇的，然後中了招一條龍晒賀某人的劇…呃，其實跟《流》一樣都係土氣衫+大堂豪宅，係啲俊男美女頂得住…但我受唔住啲卡通的劇情喎？噢…(這是我不投入看台灣偶像劇的原因嗎？)

[台劇]惡魔在身邊vs換換愛 
[台劇]好久不煲的台劇… 

換換愛       1.99872213589756145464267

其實是先看這套再看《惡魔》既，基於《換換愛》是原班人馬rerun，除了故事落藥過量(結局很土﹗)外，人物造型靚咗好多，場景都認真咗，可觀度是稍為好了一點…(不過最致命傷就係…跟《惡魔》是單細胞自我分裂既囉，dub到足﹗)

[台劇]惡魔在身邊vs換換愛 
[台劇]好久不煲的台劇… 

愛情合約   1000000000000000000

成套野黑麻麻的…睇到想瞓。然後一班偶像們好似未執過個外型咁，求其喺街執幾個人就埋位拍野咁(特別是林依晨…於是我投入不能佢和鄭元暢的劇)…

2007 年度煲劇回顧

我們結婚吧      1000000000000000000000000000000000

悶x100000000!除了蕭賀碩的主題曲，實在看不出這套劇有甚麼可取之處。完。

2007 年度煲劇回顧

惡男宅急電   3.5

個頭開得幾靚架喎，但中間不停拖拉愛情線…悶到流口水。卒之以超光速32x FF解決咗。

2007 年度煲劇回顧

[台劇]好久不煲的台劇… 

鬥牛要不要   1000000000000000000

第一套on檔睇的，受唔住又係咁既樣既角色…點解賀生啲角色永世都係咁既呢？(其實小的仲lap咗少少《呼叫大明星》的說…都係無意欲追落去)

2007 年度煲劇回顧

鬥魚(1,2)   1.5 (被第二部拉高了推銀度)

點解我會睇《鬥魚》？但好奇怪呢套鄉土版《古惑仔》小的又追得津津有味。略嫌第2輯有啲畫蛇添足啫…

[台劇]我看《鬥魚》

放羊的星星   1????????

也是友人借來的…那水小的賦文說乜小旋風出道17年啦？？？？咁啱呢套劇出完街無耐…應該是睇過的…但0記憶…呃…

祖國劇

又如果唔計n年前的《雍正皇朝》、《康熙大帝》、《孝莊秘史》、《戲說慈禧》…其實都是一條龍某人的劇囉主打…

射鵰英雄傳(李亞鵬、周迅版)   2

張紀中版金庸劇初期之作吧？在無記追了一輪，啲大漠風情和小紅馬(﹗係小紅馬﹗睇咗幾廿年金庸劇第一次喺《射鵰》度見到小紅馬)係好壯觀，也是tbb劇唔會做到的。周迅那水好似有人說佢不夠甜美(比之翁美玲)，不過我覺得佢都幾有個性，唔係一味模仿啫…

神鵰俠侶(黃曉明、劉亦菲版)  1.5

講咗咁多年話睇番卒之都無咗件事，那水係睇緊世界盃唔夠瞓所以無睇埋落嘛，um，小的主打是幾欣賞演郭襄的楊冪妹妹，而家佢都獨當一面了…另，張靚穎的主題曲《天下無雙》好好聽。

歷代神鵰大雜薈

真情告白(胡兵、瞿穎)   1  (22/3/12加番：集思廣益之下記得有睇過呢套)

印象是一套頗日劇feel的城市愛情劇，點解會在無線播？原因不明。但我有追晒…也是原因不明。劇情…哈哈哈﹗唔記得啦，只記得是唔悶的(唔係我點會睇得晒？好啦，最記得的是主角二人合唱的《不只是朋友》…女主角的高聲大「嗚」曾經係一水到k場(注意是k場﹗)必點和必扮…證明呢套劇當年是有相當人氣架﹗哈哈哈哈

我的熱唱金曲

美人心計   2.5

因為陳鍵lone而看的。祖國近年太多呢啲號稱歷史鉅製，甚麼史詩式的人物傳記劇咁，睇多幾套真係唔記得邊個打邊個…呃(前幾天在有記聽到佢地介紹甚麼《唐宮美人》(武則天的講)，吹到自己天上有地下無…有點難受)…anyway，咁喺橫店拍又梗係無tbb吓吓喺廠和laichikok公園拍咁悶既…不過多幾套呢啲鉅製真係有點吃不消…。Well，這部《美人心計》我只看了一半(係，再無睇過)，唔捨得劉恆死啊~~~~~(而啲情節某程度又真係幾似《宮心計》…)

 [港劇]煲劇雜篇：《學警》、《少年四大名捕》、《王老虎搶親》… 

[國劇]國劇初體驗~《美人心計》 

盛女的黃金時代   1.5

看了頭幾集…也是沒看下去…

[港劇]煲劇雜篇：《學警》、《少年四大名捕》、《王老虎搶親》…

煙雨斜陽    1.5

看了十多集(看來我已喪失了煲長劇的能力？)，又唔係受唔住既，呢款民初有錢少爺和窮家子身份互換，有啲恩怨情仇又鐘意埋同一個女仔…(呃…好《上海灘》喎﹗)，是有一點看得痛心…唉呀，點解永遠都係咁啱架﹗(bobo仲有一套力作《亂世佳人》嚟緊…)

步步驚心   1

看了頭十集，仲未嚟得切去熱愛四、八和十四爺(我應該唔會熱愛八爺吧﹗XDDDDD)時…我已被日劇吸走了(聖誕節時) 

[國劇]《步步驚心》VS《宮鎖心玉》說在前面

宮鎖心玉   2

因為小的幾欣賞楊冪妹妹嘛，睇完《美人心計》就想睇埋呢套…不過又是一個不了了之

韓劇

其實也是主打一條龍某人吧？(註：這不是跟時序，而是跟我看的次序…哈)

1.狗與狼的時間   0

無意中在有記見到忍不住追下去的。如果《快刀》是韓版港式金庸劇，呢套好明顯就係韓版港式紀律部隊劇，仲要連殺父仇人、臥底都有埋，真係《緝私群英》+《雷霆第一關》加埋都唔夠你嚟啦﹗據說是韓版《CSI》呢既其實(我無睇過喎﹗)anyway，既然小的係熱愛紀律部隊劇，又好在呢套野雖然滿載娘野(失憶都有埋，又兩男愛上一女，其實有邊套韓劇唔係咁既呢？)，但節奏夠快動作場面好睇而且爆點連連很緊湊的，um，小的評價是十分高的。

[韓劇]第一次煲韓劇~《狗與狼的時間》

2007 年度煲劇回顧

2.大話妹    10000

小的睇完《狗與狼》就意圖或企圖睇埋基哥的其他劇/戲(唔知點解睇咗《初雪之戀》和《王的男人》…完全兩個樣囉﹗不過，《王的男人》確係好睇的說)…不過呢套我受唔住個女主角把聲…第一集只看了…10分鐘…哈哈哈﹗

[韓劇]第一次煲韓劇~《狗與狼的時間》 

3.魔王   0

呢套都唔typical的(對唔住，其實我依然有個sterotype喺韓劇度的…哈哈)，無呀，沉醉緊日版《魔王》見網上有人將之與韓劇原版比較咪睇埋，可能篇幅長啲，於是人物建構和前文後理都多啲空間去寫，唔似日劇版咁dramatic(有時甚至係odd…，跳得太快了)，除了…韓版刑警唔令仔囉…(還是睇番斗真同學吧﹗哈哈)

懸疑復仇悲情片@《魔王》
日韓《魔王》比比比﹗
《Code Blue》和《魔王》1集後感  

4.快刀手洪吉童   0.5(完成後覺得都係一樣咁ok呀﹗暫時得分是相當高的，但而家仲有5集先追完…好難講…)

一條龍之四，我認真地覺得在看韓版《射鵰》﹗除了舊文數過既之外，主角被誤認殺人兇手、傷到就死死吓(但轉個頭就行得走得讓我笑咗，兩次都係大君垂危之後終於俾我睇到次係洪吉童重傷啦﹗)((中箭那一段竟然讓小的流出第一滴睇韓劇既淚…))都如出一徹的﹗(咁我明點解我睇得投入了…根本就是武俠劇吧﹗)…唉，點解啲男二號硬係見女一心向男一都仲要”鐘”個頭埋去啫？睇得人好心傷架喎﹗(係，當某人唔係男二時就無咗呢份同情心的了…哈哈哈)死啦…為了追住大君究竟做唔做到王小的無時無刻都在想著快啲俾我追埋佢啦…

22/3/12後按：睇完了﹗掂﹗雖然個結局是看得我很心up的…

[韓劇]《快刀手洪吉童》~我是在看金庸劇嗎？

5.貝多芬病毒  1

一條龍之三，應該會無人好似我咁睇到留意人地條頸巾？﹗哈哈。本來只是唔爭在一條龍埋，但意外的對味(跟賀某人的台劇相反…越一條龍越無趣…)…或者自己都在學樂器吧，少不免聽到啲閒言閒語說在做無聊野，但只不過是想去追一個未完成到既夢想啫？sorry，對號入座咗(就是這個才看得投入囉)。 

[韓劇]《貝多芬病毒》〜愛と情熱のシンフォニー〜

6.原來是美男  0.5

一條龍之二，我竟然把那條眼線都睇得順眼了，睇其他劇時都在研究究竟有無畫眼線…(《洪吉童》時好似是有少少的…)…XDDDDDD)…唔知呢，可能先入為主，故事性和角色上都係《美男》好啲，不過翻睇度竟然係《瑪麗》高啲喎…(都唔好再提…那個可怕的日劇版…) 

[韓劇]笑翻了~《原來是美男》 

[日劇]日韓《美男ですね》比比比﹗

7.瑪麗外宿中  2(被瑪麗/代表阿爸拉高了推銀度…XDDDD)

就係無啦啦唔覺意在J2 lap到個廣告，於是就(成個博都被攻陷)…哈哈哈。 

[韓劇]熟口熟面…《瑪麗外宿中》(+全集後感)

8.成均館緋聞   0.5
純粹係見追吐在播咪睇吓，點知是意外地有趣﹗成均館F4個個滿有特色的，前段是開開心心校園生活，後段有情有愛有家有國咁，是有少少拖和長，不過都OK…呀…我想話小的最熱愛是女林大人…仲攪到我開埋個一條龍MODE添﹗
[日/韓劇]《仁醫》、《成均館緋聞》、《黃真伊》
[韓劇]《成均館緋聞》(完成﹗)

9.樹大根深 (只為看女林大人的4集)  1

係，只為睇有女林大人的四集，於是講到世宗大王人到中年後就無睇了，後尾應該會講訓民正音吧？﹗OH…但我的看點消失了，沒有動力睇了…。言歸正傳，前4集是少年版世宗大王和佢老爸(太上皇的物體？)之間的角力，少年世宗很想有一番作為，但被老爸拑制的死死的，就連身邊小宮女都沒法使得郁，女林大人將那種無奈的感覺做得好好啊~只是我以為少年世宗真係會和老爸決一死戰時…又突然講過咗幾年(女林大人貼了鬍子個樣好好笑…佢面如白玉嘛﹗貼了都唔覺成熟咗…)，少年世宗成功擺脫老爸的方法是…等佢死﹗吓…chur…。撇除了我的誤焦點，這幾集劇都很緊湊(特別是世宗父子角力)，難怪報導說女林大人看完劇本後深深感動，寧願推劇都接這4集劇的角色了~

10.婦產科的女醫生   1.5
也是為了女林哥哥而一條龍的，看網上劇評說男一二和女一的感情線會頗拖拉，但都OK既，反正主線都係啲生到血流成河的產婦。呀…女林大人在這劇雖然是副線配角，不過行出行入戲份頗多的…所以加分…本來我頂唔順啲血架嘛﹗哈哈…
[港/韓劇]《On Call 36 小時》、《婦產科的女醫生》

11.城市獵人   0 (<<<好高的分數﹗)

講堅，呢套真係第一套無飛過地睇足廿集的劇，而且劇本很完整，打五個大佬兼解謎環環相扣，除了細節有啲BUG位外大致上係極完整，好滿足﹗雖然金英株檢察官要死讓我很傷心啦﹗嗚…
[日/韓劇]《爸爸是偶像》、《城市獵人》
[韓劇]《城市獵人》

12.屋塔房的王世子   0.5
我開始覺得下面篇《愛》+《屋》後感文之所以會成成搬來blogger後click rate最高的文…是要多得《王世子》的助力吧？又說真係好好笑﹗雖然人家是有埋愛情線和查案元素的啦…XD
[韓劇]《愛情雨》(1-2)、《屋塔房的王世子》(1-4)
[韓劇]歡樂無限~《屋塔房王世子》

13.愛情雨   ? (<<<是一個謎…評價是一集集而言的…)
個人覺得最好睇咪現代的5-9集，70年代1-4集都唔錯，之後可以skip中間的十幾集，到第十七集再睇番，會嘔少好多血﹗哈哈哈…看我睇得幾認真﹗成個tag咁開喎﹗又cap晒圖咁。但老實說，唔係某橡筋主演我肯定唔會睇囉…
文章按tag啦：愛情雨

14.黃真伊   1
其實唔係悶的，不過我的看點是某人嘛，咁某人(aka恩浩公子)死咗，我仲有乜心機睇呢…XDDDDDD…有緣的話再續啦…以上。
[韓劇]終於…一條龍最後《黃真伊》

15.紳士的品格   0.3
如果唔係奧運攪到斷開咗…我會覺得開心好多囉…而家就係冷淡地：啊﹗做完了…咁囉﹗
[韓劇]笑噴了…《紳士的品格》

16.DR. JIN   2…3…4…？？？
對呢套…陳醫生和洪姑娘真係好煩，我係在意敬卓哥條LINE…呃…但我無心機睇下去了…算啦…(13/01/13：又竟然俾我KO了…哈哈哈哈)
[日/韓劇]兩版《仁醫》
[韓劇]《仁醫》之忍不住要說兩咀…
[韓劇]《仁醫》吐嘈之3(至12集)
[韓劇]《DR.JIN》結局貼圖文…

17.DREAM HIGH   1
最大的發現應該是森動吧~佢演出係KO晒啲偶像GROUP既人囉…同埋最爆竟然係佢去美國出碟…仲要拎格林美﹗佢應該同小(戴)志(強)偉做朋友啦，佢兩個代表日本拎世界盃冠軍嘛…~
[日/韓劇]《白熊咖啡廳》、《秘密花園》、《Dream High》

18.秘密花園   2…3…呃…
睇完我大概明點解咁多人覺得這部是經典，不過我唔過電…係我錯…哈哈哈哈…(12/10/13後按：因為中了某DIDI的毒…我竟然重看了…哈哈哈)
[日/韓劇]《白熊咖啡廳》、《秘密花園》、《Dream High》
(轉)10 大追劇必睇男神 (上)
開心CAP圖記：
[韓劇]《秘密花園》奧斯卡…韓泰善(16-20)…(完)
[韓劇]《秘密花園》奧斯卡…韓泰善(13-15)…(4)
[韓劇]《秘密花園》奧斯卡…韓泰善(9-12)…(3)
[韓劇]《秘密花園》奧斯卡…韓泰善(5-8)…(2)
[韓劇]《秘密花園》奧斯卡…韓泰善(1-4)…(1)

19.信義   1.5掛？
頭尾我都覺得好睇…係中間啲奸人在耍陰招，忠既又成日抵檔唔到，于達赤和崔英做到死吓一個死吓一個讓我看得好心酸啊﹗囧﹗
[韓劇]《信義》(1-8)
[韓劇]《信義》(~終於煲到24集了﹗)

20.善良的男人   好難俾呀﹗
好難決定推銀指數，因為套劇的內容由頭到尾始終如一地老土，但因為女林大人做得太精彩於是我又忍唔住一集又一集咁睇，而最神奇的係編劇將所有老土的元素都放在一起時，小的竟然係一啲介櫈既感覺都無喎﹗好神奇囉﹗
[韓劇]《善良的男人》(1-4)
[韓劇]《善良的男人》 (5-6)
[韓劇]《善良的男人》終於大結局了…

21.回答吧1997   0~
睇得好開心，雖然我於1997年迷既偶像跟劇中人的全無瓜葛，不過當年用過的東東做過的事都重現了…內心還是滿激動…我們的90年代啊﹗~~~~~~~~
[韓劇]那些年之《回答吧1997》
[韓劇]《回答吧1997》…終於睇完了…

22.擁抱太陽的月亮   0.0000000000000000000001~

其實無野COMPLAIN既…不過我又未致於睇到好投入，但又搵唔到要鬧既地方(雖然女一的演技…呃)…就係…睇完﹗咁囉…哈哈…
[韓劇]《擁抱太陽的月亮》
[韓劇]《擁抱太陽的月亮》完成後感文

23.想你   1
究竟點解我會無啦啦無咗心機去睇既呢？﹗其實仲有兩三集先睇完的，唔係覺得唔好睇只係無乜動力清埋個尾囉，完。(16/9/13後按：清咗了﹗)
[韓劇]原來是推理…《想你》(完成了﹗)

24.聽見你的聲音   0
前後睇了兩個月﹗幾艱鉅﹗(但之後我重覆睇了三五次喎﹗)

[韓劇]《聽見你的聲音》(完成﹗)
[韓劇]《聽見你的聲音》先開個頭…(1-4)

25.學校2013   0
一路睇真係一路感到為人師表的難啊﹗ANY肥，其實我都係想睇某DIDI啫…估唔到加送某捲捲頭…笑。雖然套劇係好睇，不過啲學生都幾超齡啫…(又笑)((呢部我重覆睇了兩次﹗)(20/1/14後按：疑似第三次來了﹗哈哈哈)
[韓劇]《學校2013》(完成﹗)

26.來自星星的你   1
點解啲人咁勁可以睇得出《星星》大結局行紅地毯時千頌伊的白色晚裝和叫獸的大縷係之前didi和寶英姐姐出席頒獎典禮時著過咁勁既？sorry，成套劇我一路睇一路想著《聽見》，算啦，我都係翻煲《聽見》算了…
[韓劇]《來自星星的你》(完成﹗)
[韓劇]《來自星星的你》(1-4)

********************************

三類加埋都無日劇個表一半咁多…真係無咁痛苦…(同埋好多都係爛咗尾…囧)

進行中：《high kick 3》

疑似爛尾：《職場之神》、《漂亮男人》、《繼承者們》、《主君的太陽》

煲劇日記~日劇篇