2007 年度煲劇回顧

子大人攪了個07日劇回顧，咁我又接來回顧一下去年煲了多少劇唷。印象中單計07年播放的日劇數量應該不多，那末就加埋煲的的其他劇集，來個總總總結…

1. 日劇類

冬季

ハケンの品格 (外派員的品格)
有說是繼《Anego》的OL第二步曲，篠原角色卻來個三百六十度大轉移，從總熱心助人的Anego變成乜都唔理的冷漠外派員，很正點﹗男主角由赤西仁變成大泉洋，和篠原大姐火花四淺，超好笑的說。唔知會唔會有機會拍續集呢？

[日劇]居安(不)思危@《外派員的條件》

拝啓、父上様
本來我睇了一集就放下，之後才失驚無神拎番起睇的，卻出奇的看得津津有味，可能是因為很多由細去到大的舊街道一一被拆，此劇的神樂坂將遇上同一命運，特別感 同身受。這套據說是倉本老師在《溫柔時光》之後看重二宮再開俾佢做主角的，這類小子角色他十分拿手…不過搶鏡的反倒是演佢粗枝大葉師弟橫山裕…好鬼好笑的說﹗

[日劇]倉本聰的《父子》上@《優しい時間》
[日劇]倉本聰的《父子》下@《拝啓、父上様》

華麗なる一族 (四集)
都說我對木村大神是有免疫力的，這套其實我覺得好精彩，但就係沒心機追看下去…倒是去日劇天王度看他圖文並茂的每周評劇當睇完算了…(這裡是有mention到少少的…)

春季

プロポーズ大作戦 (求婚大作戰)
這季開始每星期追，於是看似睇咗好多劇，其實全套睇晒的只有兩套。《求婚》是衝著山下智久來的，不過…我實在頂唔順佢演的健三拖拖拉拉，雖然結局是我想見到的…難得我係咁為此劇賦文，然而係鬧的居多﹗哈哈…

都說我拍婆媽拖拉架啦，相對我較鐘意山下套《欺詐獵人》囉~(快有電影版上了﹗)

[日劇]生日禮物：《求婚大作戰》最終回
[日劇]又講：《求婚大作戰》
[日劇]過去，現在，將來@《求婚大作戰》
想回到過去…試著讓故事繼續…
[日劇]《求婚大作戰》SP+本周絮語  (好在還不算太流fei的特別篇)

ライアーゲーム (Liar Game)
其實我幾鐘意睇戶田惠梨香的說，雖然她說不上很有演技，但演這個死蠢的神崎直卻出奇的對味﹗這套新時段開檔作，緊張刺激鬥智鬥力，短短地半個鐘，集集都很吊癮，總令人急不及待看下一集的說…

幾句後感

特急田中３号 (兩集)
點解呢？做配角的田中聖，無論是遠古的《沒有天使的街角》，還是近年的《唯愛》…我都覺得他很耀眼，但做主角…睇了兩集就沒心機追下去了…點解呢？

幾句後感 

26/1/2016後按：原來有龜梨和也客串喎﹗

冗談じゃない！(一集)
為了不破壞大竹忍姨姨在《溫柔時光》那種溫柔嫻熟的形象，這套還是不要看好了…

夏季

スシ王子! (壽司王子!)
基本上呢套野係你鐘意會笑到肚痛，唔鐘意就會狂鬧佢無聊。本人呢，初初覺得佢無聊，但睇多兩集敗給堤導的gag位了…笑到傻﹗實在王子大人的豁出去演出也很爆笑(佢終於肯放下偶像枷鎖了嗎？)

有人說這套收視低落， 說實在，單憑收視就能評定一套劇集的好壞也未免太片面了。要批評只少也要看過先有資格吧？係咪﹗

ライフ (Life)
本來以為會是《人間失格》一類黑暗欺凌劇，不同之處是《Life》每每在黑暗處透少少光明出來，幸好，不致多一套因為太恐怖被本人踢進黑名單。

兩位新生代女主角演技真不賴，特別是做奸鬼的福田沙紀，和《拜啟》中的大小姐判若兩人，有前途呢…

初感：[日劇]夏季日劇@wk2
[日劇]害怕不一樣@《Life》

パパとムスメの七日間 (五集)  初感：[日劇]夏季日劇@wk2
ホタルノヒカリ (四集)  但我好似無睇晒成套？﹗卒之… [日劇]螢之光(ホタルノヒカリ)~干物女之戀？﹗  
山田太郎ものがたり (兩集)  初感：[日劇]夏季日劇@wk1
ファーストキス (一集)
花ざかりの君たちへ (二集)  卒之我係睇番的…仲笑到傻咗…[日劇]其實只想笑餐飽~《花ざかりの君たちへ》

哈，睇我有幾多開咗個頭爛尾收場﹗點解呢？因為中途轉咗去睇台劇囉…

秋季

有閑倶楽部　
Kat-tun赤西仁回歸後首部劇，個人對佢期望很高，但turn out是六個無聊人不停在做無聊事…有點失望囉。六位主角性格鮮明，赤西仁的角色更由原來的配角變成主角…但出來…他卻是最面目模糊的一個…個人覺得，最搶鏡的又係橫山裕﹗

這套野中間無啦啦有幾嘉賓客串(包括台灣的小美囉)，為了呢啲嘉賓本來停追了的本人又再追番…但還是改不了失望的結論。

零碎的後感：(睇我寧願pat喺文末都唔獨立開一篇就知幾掂啦套劇…)
慢九拍試食記~Mos Burger
承諾的兩極：《投名狀》&《初雪之戀》

歌姫 (四集) 　
這套停追了唔係因為佢唔好睇，而係11月本人跑去溫書了，不日會重追番。這套和上季的《壽司王子》一樣慘成人家狂踩的目標，同時又係本人鋤強扶弱的對象(哈哈)，話晒都係本人熱愛的長瀨智也喎﹗

收視低就等如作品差？我從來都唔認同的說。

個頭確係幾/好悶吓，不過後期就開始嚟料了﹗
後感：[日劇]笑中有淚的《歌姬》
*********************************************************
埋單計數，我由頭到尾煲晒的原來只有七套(唔計《歌姬》)，這可反映07日劇有多精彩吧…umum…希望08的出品會更好啦﹗
*********************************************************

2. 台劇類 (以本人追看次序列…全部都係某藝人的劇作囉…哈哈)

惡男宅急電
唔係對白講國語，我一定以為這套是無記作：表面上呢套係黑幫少爺改過自身做速遞，實際上係談情說愛三角戀你做乜唔鐘意我但我鐘意佢…好煩…咪就係同無記啲紀律部隊劇一樣，只有頭幾集係講紀律部隊的說…

惡魔在身邊
睇完真係中咗招，輕輕鬆鬆一套野，靚人靚景咁，舒舒服服煲完，幾好。…不過可唔可以唔好成頭髮夾和改一改啲衫？好醜…

換換愛
如果結局唔玩絕症，評分一定會高好多…

[台劇]惡魔在身邊vs換換愛 
[台劇]好久不煲的台劇…

愛情合約
乜台灣的大學生咁得閒唔使上堂架咩？成套野啲人唔係攪so啲野就係行來行去？攪乜呀…這套我主打看賀生和張睿家…頂吓頂吓頂完成套。不過，個人覺得全劇最正的…是張震嶽﹗﹗﹗佢在此劇原聲大碟有兩首歌，都好正的說…

(少少雜感文)時裝店的銷售藝術

我們結婚吧
低處未算低，這套比《愛情合約》更悶(狠批ing)，這套是以三十二倍光速飛完的，連結局係點都無興趣知，是但啦…我最欣賞的是蕭賀碩的主題曲《我愛你》，真係好好聽的…

鬥牛．要不要 (六集)
賀生啲角色真係離不開個惡字，這套有少少《惡魔》影子，現下感覺ok…雖然很多劇情熟口熟面…。劇情預告又來長輩安排的婚約…於是男主角又和女主角情海翻波…哎…又係《惡魔》條橋？即管睇吓佢點玩…(15/2/12後按：都係頂唔順啦﹗)
*********************************************************
兩個月之內煲了五套台劇，你話我超光速飛劇功力係咪好高呢﹗都說，我好怕婆媽野的說…
*********************************************************

3. Last but not least, 韓劇

狗與狼的時間 
我諗呢套野唔係typical韓劇風格，起碼十六集以來我一野都無飛過，反而似90年代的港劇…

[韓劇]第一次煲韓劇~《狗與狼的時間》
*********************************************************
以身犯險，將會挑一挑《My Girl》…究竟我頂唔頂得順呢？呵呵…(15/2/12後按：卒之是睇了第一集就頂唔順了…)((再後按：韓影反而看了﹗先有《初雪之戀》後有《王的男人》喎﹗))
*********************************************************
2008年度煲劇回顧