買咗又唔睇~附我的煲戲之道

先來風和日麗一下今天的收獲，《王的男人》十九蚊咋﹗張敬hins精選，現在邊聽邊打文，爽﹗

此文的由來源於娜姐博吹的水，說起來原來大家都有很多買了又唔/未睇的碟，不看有很多原因，可能是無時間，可能是拎上手時有趣拎回家又覺沒趣…總之，過一段日子再看看存貨，不期然會發現很多奇異的東東…

甚少睇韓野的本人，在失驚無神欣賞李準基之前…係欣賞過元斌的說…仲買咗《殺手公司》…不過一路無睇過…(15/2/12後按：就是到而家都仲未睇囉﹗)

看本人多公平，本人可不是一味歧視韓片的說，華語、西片和日片我也有買咗沒看的存貨﹗找了一堆出來之後…太恐怖了…都係決定收手…點解本人有咁多自己都唔記得的入手﹗

唔好問點解本人會買買埋埋咁多唔睇的戲，或者在等一天突然心血來潮，影碟們就等到我放佢地看的一刻囉…
**************************************************
我的xx之道系列又來了。

本人之所以有咁多買咗唔睇的入手，理由有三個：一是我被故事吸引，二是我正一條龍熱煲緊某人的戲，三是平﹗十令廿蚊一隻就掃咗先算，等得閒再睇；不過呢個閒永遠未得而已，都怪影碟店成行成市，變成本人書店以外另一個轟烈的血拼戰場。

原因一，因為本人好奇心過份滿載，無論是票房大豐收還是大仆直的，只要故仔本人覺得有興趣的都想找來煲一煲，開個死因研究庭都好嘛。和聽歌煲劇一樣，風評會聽，不過耳聽未為真，親身以身犯險體驗才夠真實嘛﹗

原因二，有追開本博的朋友(有這樣的朋友嗎？﹗)相信都發現本人的煲劇一條龍風格，就是說中了某演員招後，會狂搵番他/她(當然「他」的比率是較高…)的舊作來看。由於中招期來如風去無影，本人家中可存著不同中外影星的全集VCD(很強吧﹗不過當中爛片佔多…而這些多數是十蚊隻的…)…而很多就是為儲全集而買的，中招對象轉移後就沒興趣看了…

無獎競猜遊戲：今期本人的中招男得主是？

原因三，很多忽發奇想想看的影片都係十幾廿蚊，實在很難抗拒。說來奇怪，本人常忽發奇想睇舊片，反而很少買第一輪出的影碟…要看，多數入戲院睇，要不，就算之前樣言之鑿鑿說出碟買…多數會爛尾的說。

睇番前言張相的影片入手，三個原因都中晒，一次過滿足本人三個願望…哈哈…