2009/01/11

《梅蘭芳》與《霸王別姬》(+《王的男人》)

其實我看此戲的原因不在黎明,在於陳大導舊作《霸王別姬》。如黎老闆所說我對梅蘭芳和京劇確係無乜認識,不過我有興趣想了解多一點就是了…

身為廣東人,家父家母都愛看粵劇,從小我就睇睇埋埋很多任白戲寶,小時我不知各派戲曲有啥分別,我還以為搽白塊面鍊起把聲唱的都可以歸為「粵劇」一類 的…。(我諗…這是我愛看歷史野和古裝片的源頭?)直至睇無記《刀馬旦》前,年幼的我曾經一度以為梅蘭芳是梅姐的遠房親戚(真係細路仔唔識世界…)…。係啦,第一次正式認識梅蘭芳就係《刀馬旦》,記得當年係由羅文來演的,佢客串咗幾多集做過乜我已經唔記得了…只記得佢反串唱了幾場戲,很美很美(但佢唱乜呢?我也忘了…)印象很深的說。當然,我是有疑問的…點解《刀馬旦》幾個唱粵劇的女主角會和唱京劇的梅大師有交集呢?(我係咪應該睇番呢套劇來解謎呢?)

以上前言就是我有興趣看這部片的原因了…《梅》片作為介紹梅蘭芳的傳記式電影來說相當稱職,梅從少年到中年的各個片段都齊了,上至台上成就下至家庭愛情都 有,看完會知他破舊立新,敢於創新表現新派時裝劇;又做到爺爺遺願將伶人地位大大提升;更將京劇文化帶到美國;抗戰時又不失風骨不為日人獻技等。只是,片 段很多,但交集很少,感覺好像將不同時期的他cut cut埋埋堆在一起。豐富是豐富了,不過感覺好像沒太大聯繫就是囉…。

就本人想知多啲關於梅大師的事跡呢個目的…咁係達到既又。

對完事,就對人啦喎。

看片後search了一堆有關此片的報導,知道黎老闆為演好此角色接受了很多京劇訓練,片中也看得出他造手身段是下過苦功既,只係演梅蘭芳少年版的余少群本身有京劇底子,眼神和身體語言表達不用著跡,係自然而然的流露韻味出來,幾個月如何特訓免不了被比下去…。少年梅蘭芳部份台上戲中戲不消說,台下和前輩爺爺談改劇本表演出梅對戲劇的熱情,和見爺爺最後一面的一幕都讓本人印象難忘,感染力太強了…(眼都濕了…嗚…)…

即係呢,可能係我偏見…看盛年版黎老闆行出嚟,硬覺得佢演緊自己…又或者佢個樣真係啱演時裝多點?﹗umum…打從遠古的《雪山飛狐》和前陣子的 《七劍》,佢老哥古裝片的樣子真係好怪異…。片中幾幕黎老闆著住白衫搽白塊面走來走去時…我覺得很詭異…。著番時裝白西裝一度…我又覺得佢似律師/生意佬多啲,就是難想像他…是個伶人囉…

(如這張圖…感覺怪怪的說…)

我很喜歡少年版的部份,我想問可以叫余生演埋後面的部份嗎?(我知,黎老闆係梅家approve架嘛…)
*******************************************************

順一個手,講一講《霸王別姬》吧…其實可能想寫這篇就是為了講《霸王別姬》。

雖然《霸》片我是08年中看,理論上只是先《梅》前半年,先入為主也不是先得很多吧…但這部戲真的讓本人看後久久不能釋懷,印象太深了。《霸》片中程蝶衣卻分不清戲裡戲外,戲裡他是虞姬,愛上了戲裡演楚霸王的師兄段小樓;只是換掉戲服,師兄所愛的另有其人,程蝶衣只能活在戲入面,分不清(或者佢根本不願分清楚…)戲裡戲內的過了大半生,對程蝶衣來說,段小樓(或曰霸王)是不可代替的,但對段小樓而言,程師弟是拍檔,愛情上的伴侶位置另有其人(由鞏俐姨姨來演的…)。尤記得有一幕蝶衣都換好衫可以上台的時候,卻發現上台和小樓搭檔卻是別人…唉呀…真的極心酸…。

最後和師兄再演一次《霸王別姬》時,虞姬假戲真做,引刀一快讓自己真的和霸王永別了…。這一幕完了片子也完了,本人氣息都屏住了…呆呆的看著螢幕…眼淚也要掉出來了…。

查一查資料,原來民國年代的男旦奉行「私裡不帶女氣才主貴」,台上他們是傾城美女,台下卻是普通會結婚會生子的男子一個。

《霸》 片的劇本性質和傳記式的《梅》片不盡相同,不能相比(咁說喜歡我一定選《霸》﹗) 。只是《梅》片感覺有點如淡淡然的白開水,不如《霸》片的悲情給本人帶來的震撼…。也不用說,哥哥演得太好了…黎老闆就橫睇掂睇…我都不能將之想像為一個戲子…(我成日覺得佢在演自己…係咪真係我問題呢?)

《霸王別姬》和《胭脂扣》是本人最熱愛的碧華姐小說就是了…

又講開又講,點解90年代的電影我08年先看呢?原因就係我睇了李準基的《王的男人》,片中演戲子的基哥有一幕反串演旦角的,片子上映時有很多影迷覺得基哥的造型很有哥哥在《霸王別姬》的影子,八掛的人本著求真精神就買埋《霸王別姬》來看。睇完,個人感覺基哥較妖艷(基哥對鳳眼呢又…)。又又講開又講,看關於《王的男人》的文章都集中講片中的同性情誼,不過我睇完印象最深反而是片中暗諷當權者為政不仁,令民不聊生的苦既批判。其實這部片都相當不錯的說。推﹗

另一篇:讀書報告 #7~《霸王別姬》
***************************************************
相關閱讀:

少年福芝芳劇份 (剪掉了,看到後段也真覺得怪怪的…少了些舖陳位)
《梅蘭芳》影評
梅蘭芳本人及各演員反串造型
還有一篇
關於《霸王別姬》:程蝶衣
电影《霸王别姬》程蝶衣的生活原型

2 則留言:

  1. 章詒和之前在生果寫左篇文講梅蘭芳, 有興趣不妨睇下. 佢仲有本書"伶人往事", 又有提及文革野, 我諗呢部份會比較接近"霸王別姬"入面o既世界. 果一代搞文化o既人, 難免會觸及文革, 唔知梅蘭芳入面有無提呢? 據聞"葉問"都將文革內容改左做日軍侵華囉...
    同埋呢, 後人APPROVE黎講, 把口就話唔想人亂寫, 咩叫亂寫先? D後人十個有十個都難免想歌功頌得, 但佢地祖上好多時係有影響力之人, 點解由佢地角度睇就o岩晒, 其他人睇又唔o岩呢? 佢地野野都走出黎又呢又路, 俾人覺得小家咋喎.
    順帶一提, 章詒和本"最後的貴族"都好睇, 有時間去挑下啦.

    11th Jan 2009 11:40 AM

    回覆刪除
    回覆
    1. 《梅蘭芳》唔係無提,只係去到抗戰勝利就完咗啫。始終都係老一輩心入面既一道傷口,佢地未必想觸及;和戰後一輩未經歴過呢單事件的人…感覺係不一樣既…
      《最後的貴族》我以為係講張愛玲…UMUM…等我去搵吓嚟睇先…《伶人往事》我有興趣架…不過家中堆積如山的書唔知要睇幾多年…而我又成日忍唔到手狂買…呀…書單又多個名了…
      《梅》片有後人MON住,內容係正路無八掛野,係有點淡如水…但都好過無相關人MON住…拍到一PAT野咁既《藝妓回憶錄》囉…我邊睇邊鬧呀…
      18th Jan 2009 23:13 PM

      刪除

要講幾句嗎?﹗XD