聽歌學煲冬瓜

數數手指，咱們特區都回歸了祖國十年有多，大家都明白普通話的重要性。即係呢，咱們廣東人嘛，要學京腔咁卷晒脷是很難的啦，但…可唔可以…唔好求其到將廣東話講歪啲就當係煲冬瓜呢？

我懷疑他是我的煲冬瓜啟蒙老師…(這樣說未免太得人驚了吧…卡卡)

話實我覺得邊聽歌邊學係很有效的，在用此法學日文前，小的可是用這個方法煲熟啲冬瓜的說。 

(可能我是不太政治正確，不過我是慣了叫國語囉…)

其實講聽歌學煲冬瓜先係主題呢既，但順個手講一吓，一眾服務行業、藝人和各位需要講煲冬瓜的大大們…可唔可以係咁2學番好啲呢？實在唔知佢原來講緊煲冬瓜的話…我以為佢講緊祖國唔知邊個方言呀陰公…我國地大脈博嘛…

囧﹗

在課室正式學bpmf只有小學兩年和大二半年，小學…太遠古啦…我一定會記得啦…；大二…aeiou我只會記得日文的讀法…哈哈哈…我永遠都記錯個「u」的 發音…就即是說，其實等如無正式學過。同時我聽的郭先生發音…哈哈，都不標準啦。這是令我自發聽國語歌的原因，兼且很有用的說，點都無聽教科書的帶，對住 課文練發音咁悶既。

從小聽慣了廣東歌(家裡會偶爾聽一吓王傑和葉蒨文…)，突然轉channel去國語感覺很新鮮的，不去比較台灣還是香港的音樂較出眾，只是人家人口大市場廣，口味夠大眾化，靚仔但唱得爛既(所以…我不敢說人家迷飛輪海啦…想當年我迷郭富城咪一樣…)有得 做，相貌不好但唱得好既又有得做，樣樣都有任君選擇。很奇怪…在香港撈唔起的去到那邊總會找到一片天…就係咁囉。

我記得有 一水我是狂聽周華健(古版《神鵰俠侶》那一水呢)和張震嶽，之後有古巨基、陳奕迅、陳曉東，個人很喜歡他們的國語碟如《忘了時間的鐘》和《蘊釀》(《Taipei City》﹗很有活力的說﹗)…感覺甚至比廣東碟更好聽﹗哈哈。聽碟都不夠，推波助瀾最大的還得提提K場，男生的歌key唔啱嘛，順手煲埋女子組如王菲、 張惠妹、范曉萱(很多同學煲周蕙，但我不太啱)…曾幾何時少女標本吳佩慈既《閃著淚光的決定》是K場必點作。人人都要有幾首傍身的…聽都不特已，仲要開口唱埋…啲音太差會嚇死人的…唯有研究一吓囉…

唱得多真係有幫助架…不過人家聽到就以為我係台胞…哈哈…

講咁耐，原因係因為執屋時偶然搵番蕭亞軒第一張碟，記得第一plug《突然想起你》也是當年K場熱唱…很懷念啊﹗1999年…而家剛好10年了﹗