2006/07/30

罵人的藝術

又唔一定係罵既,或曰回應的藝術。最差的回應方式是潑婦罵街,以為聲大夾惡就可以?反擊不成反而失卻自己身份;能平心靜氣以理服人當然好;若不動絲毫不動肝火而來個語帶相關連消帶打的回應,大方得體還讓對方語窒乃為最高境界。

這是最近看唐司長卻將肥彭拿來為他的GST護航,肥彭回應得從容不迫,四兩撥千斤將唐司長出招化解後的感想。

2006/07/28

[港劇]軟硬天師《黑白彊屍》

Long time no see的軟硬天師復合了,我暗啞底最懷念的組合是《黑白彊屍》。

(唔知《黑白彊屍》係咩?噢,那證明你是年輕的一群了…)

深夜驚魂之幼稚園

以下為一百巴仙真人真事,為保護當事人將真名改為假名:

返了整日的工,上了三個鐘頭的課,累透的本人下車後只望速速歸家沐浴更衣會周公。半路中途又見到前晚遇到的那個man…又係不停「回望」本人…時為夜深,本人腦中只浮出一個驚字,走為上策﹗

2006/07/25

講故駁故

琴晚返屋企時行經路口見到個電話亭,因為最近《超人》上映的關係停下來看了一看;細看之下香港的電話亭係無門的﹗咁超人如果係香港打壞人點換衫呢?無門之外,三邊都係透明的,佢換換吓衫可能會比差人捉佢公眾地方行為不檢喎…唔知片中新超人仲係咪要換電話亭換衫?定係好似蛛蛛俠咁隨街扯開件衫就攪掂?

2006/07/24

書展的熱鬧不屬我

自命愛書的本人前兩年都有到書展朝聖,但今年決定唔去,因為次次去書展都中正本人二大死穴:熱和迫。

看書和買書應該是一個悠然自得的消閒活動,我不想將之變成苦差,這廿蚊入場費可以慳番了。

2006/07/21

偶像崇拜

昨天在找《神鵰》照片時,無意中找到這張照片:

兩位我初中時的偶像,我曾經買過這樣的照片放在Schedule中(扮型唔用手冊麻…) ,某天突然不見了,之後行勻信和都買唔番。多年後在網上「重遇」,整件事有點匪夷所思,又有點感動…

2006/07/20

[雜談]歷代神鵰大雜薈

慚愧,雖然本人聲稱自己為金庸書迷,但金老眾多大作本人翻看最多的是射鵰3部曲,其他的只看了一次起兩次止,細節差不多忘記得一干二淨。之所以對 《射鵰》、《神鵰》、《倚天》三書偏愛,乃因當年有位常手執金老小說的同學極力推介,加上90年代無記不停翻拍金老作品,看完劇集就跑去圖書館追看原著小說(比較是本人強項﹗)。當中,本人迷得最深的,是當年頭號偶像古先生主演的《神鵰俠侶》,偏愛到節衣縮食去買下四部小說,30集的電視劇一集不漏錄下來。先入為主關係,我看畢95古生翻拍版本才再看回83劉版,所以,我對古版神鵰是莫名的偏愛,請不要說我無taste或搵雞蛋蕃茄掟我…

今天身痕,想湊湊熱鬧談談神鵰,上網一看,發現中港台三地的神鵰可謂各有特色,大異奇趣﹗

29/8/13爆炸後按:疑似2014新版

2006/07/13

實際vs精神年齡

從同事仔的博看到精神年齡鑑定這遊戲,雖然早已玩過,但又想知自己低b了還是成熟了,再玩,結果證實我長大了:幾年前讀書時精神年齡是十七歲,而家廿一歲,哈﹗還是比實際年齡輕﹗呵呵。有些人二十歲出頭卻玩到五十幾歲的結果,頗為之驚人﹗在我來說結果蠻準確,心裡面的我還是一個大唔透細路。

2006/07/10

世盃難忘片段

曲終人散,終於重回正常生活,可以全身投入工作唔使為夜晚的比賽心掛掛了。在此為令我著迷無覺可瞓的世盃作個總結,第時睇番可以笑一餐﹗

1. 意粉奪冠

世界盃手記最終回

7月9日:決賽 意大利對法國 1:1(十二碼:5:3)

時:三點
地:自家
人:本人,小弟

意粉隊最高﹗歐洲四星戰隊﹗﹗﹗

2006/07/05

意粉詞作--爭氣啊﹗

暗黑熱血shadowzo兄詞作看得我心癢癢,想來我都好久沒出手譜吓詞(已經係好耐之前既事…)。今日忽然心血來潮,靈感突至,決意為意粉隊譜返首詞,鼓勵鼓勵﹗

(對唔住,又係世界盃﹗都係癲多幾日啫)

***
爭氣.意粉 (原唱:爭氣 容祖兒)

曾經 置身為E組種子 被指好夠運 而我卻 晉身十六強中途 遇上過艱辛
道行高深 以首名出線 不用遇上森巴這隊人 每場全心即使有運勢但晉級
沒有空講道理 只求入波更伶俐 入靚波 令到單打我們的人受不起
對手也捱不起 個個追到無氣 食晒塵 無望捧盃返屋企
*沒有心機不去理 是是非非不停地 大個仔縱使風波當中 奪標才爭氣
原諒我少理 球會現在排第尾 盡全力嬴得勝利才合理
Hu....... Hu...... 別要分心 要練好射門防守因為我至今 只失一個入球 誓要威盡決賽周
前中後四圍哨 組織有如水銀樣泄地 每腳波 極有心思入龍龍門撲空氣
誰話我捱不起 我此刻好士氣 射門用盡全身每口氣
如果天都迫我爭氣 難過但我心不會死 我踢出風格大家驚喜 大數對手無三都要四
Repeat *

(9/3/12後按:哈,當年我又真係迷得幾癲…不過由分組賽睇住意粉隊一級一級咁上,逐漸接近冠軍寶座個感覺真係好熱血和神奇的說…)

原曲歌詞

世界盃手記之七

7月5日:4強 意大利對德國 2:0

時:三點
地:自家
人:本人,小弟

決戰意粉之巔﹗意粉隊最高﹗
賽前其實我係睇好德國隊。

整場波快上快落,攻守兼備。你攻時我守,你守時我攻,雙方後衛又好似上咗身咁,一腳二腳九秒清波,令兩個門將無咩野做,再唔係就接下啲無咩難度的高波,意粉隊只能靠死球機會起腳,僅此而已。

轉眼九十分鐘已過要打加時,意粉隊好明顯唔想射十二碼,死攻爛攻,而德國就好似疊埋心水射十二碼,於是埋門機會大多數都來自意粉隊,誰不知中完門柱中門楣﹗大鑊,德國大難不死仲唔有後福﹗冷汗不斷冒出中…

估唔到意粉隊又再使出最後機會入波無仇報絕招,加時最後一分半鐘入一粒,德國還未絕望,出盡全力反撲,誰不知轉個頭迪比細路又整多粒,攪掂﹗德國表現其實相當不俗,令意粉隊久攻不下,絕對雖敗猶榮。奇哥加油﹗波歷克加油﹗

至於無記的講波佬,阿叔講的時間比我想像中差太遠,實在有點失望,可能陳譚新都講得多過阿叔﹗不過金句都有唔少,包括甚有黃興桂風采的:「入球係一定有的, 係睇喺九十分鐘內,定係百二分鐘定係射十二碼入啫」好句呀﹗但我至鐘意係有位講波佬(無留意到係邊個)講了句「意大利的"臘味"教練」…嘩哈哈哈…是新花名麼?哈哈哈

本來諗住起到身就睇起唔到身就算,點知瞓到兩點半已自動波彈起身。好在起了身,否則一定後悔﹗經歷了兩屆的失望,今次見證住意粉入決賽,個感覺真係好 FANTASTIC

勝利屬於意大利、屬於格羅索、屬於簡拿華路、屬於森保達、保方、屬於馬甸尼,屬於所有熱愛意大利足球的人! (又借黃健翔語錄一用﹗)

決賽﹗冠軍﹗Azzurri goal go goal﹗
(看我癲到電視都影得一餐…orz…)

FIFA update:http://fifaworldcup.yahoo.com/06/en/

P.S.估唔到…比利的明燈再一次點中了。繼荷蘭和英格蘭後得球王點中的是德國…希望佢唔好再發表偉論…

新浪體育訊 到今天為止,本屆世界盃已經接近尾聲,六十四場比賽已經進行了六十場,東道主德國隊也在為著主場奪冠而繼續努力。日前,在世界盃期間客座德國ZDF電視台評論員的比利專門為德國《圖片報》撰文,表達了對德國隊的稱讚以及對世界盃賽的一些個人看法。
-------------------------------------------------------------------------------------------
世界盃手記:
世界盃手記之六
世界盃手記最終回

2006/07/04

德意大戰

又講世界盃…

其實有其他野想寫,不過比賽進入最後直路,德意大戰一觸即發,實在等得好苦。反正得番幾場,一於癲埋呢幾日﹗﹗﹗

Picture全力支持﹗﹗﹗﹗~Picture

十二年入一次決賽的意粉隊對十六年拎一次冠軍的德國隊,究竟鹿死誰手?當然我想係意大利,不過德國的表現真係不俗喎…

另一個高興的原因,終於等到有無記直播。有記的講波佬唔係唔好,但他們太集中講(讀)數據,像是看live波經。同時睇咗阿叔講波咁多年,感情分嬴晒﹗今天還有他喜愛的德國,真期待會有甚麼新金句﹗呵呵(唔知佢打咗電話比禾拉/奇連士文等老友傾戰術無?)

借用幾句黃健翔的好句支持支持:

偉大的意大利的左後衛!他繼承了意大利的光榮的傳統。法切蒂、卡布里尼、馬甸尼在這一刻靈魂附體,格羅索一個人,他代表了意大利足球悠久的歷史和傳統,作這一刻他不是一個人在戰鬥,他不是一個人!

偉大的意大利!偉大的意大利的左後衛!馬甸尼今天生日快樂!(對不起,過咗添,補番句生日快樂呀﹗)意大利萬歲!


勝利屬於意大利、屬於格羅索、屬於簡拿華路、屬於森保達、保方、屬於馬甸尼,屬於所有熱愛意大利足球的人!


發癲完畢。哈

賽前戰況:
http://wc2006.sina.com.hk/cgi-bin/nw/show.cgi?id=63910
http://hk.news.yahoo.com/060704/3/1priu.html

黃健翔語錄:
http://sports.sina.com.hk/cgi-bin/news/show_news.cgi?type=others&date=2006-06-28&id=820250

2006/07/03

機械好客之道

前陣子有個關於禮貌的調查,三十五個地方香港位列二十五;初看嚇了一嚇,怎麼我們這個亞洲國際都市這麼不濟?細看之下那些評審基準也真…算吧,看完就算了。

香港人有沒有禮貌很難講。就香港服務業來說他們的禮貌就真提升了不少。從前巴士司機會鬧入散紙和行得太慢的乘客;收銀姐姐會啤數神沙或付大鈔的人;知客會黑面回敬不給貼士的食客…可幸這些都俱往矣。現在個個都講service standard,行行都有自己的待客manner,真是今時不同往日了。

2006/07/02

薑越老越辣

看畢最後兩場八強戰,四強份子出籠:德國vs意大利;葡萄牙vs法國

(因為儲唔到葡萄牙,唯有搵都係紅色的西班牙頂一頂…)
(08無聊後按:是我這個臨時拉伕的行為預視了西班牙08拎歐洲國家盃嗎?卡卡卡…)

2006/07/01

世界盃手記之六

7月1日:8強 意大利對烏克蘭 3:0

時:三點
地:太子忙著會
人:校友,本人

四強﹗﹗﹗﹗今次真係帶著光榮和偉大的傳統晉級了﹗﹗﹗﹗

頂著睇了兩場波(連埋之前的德國對阿根廷)無瞓覺的疲累和打了一晚牌索到成身都係的煙味都要打﹗

意粉隊決賽周以來最大比數的一次﹗

東尼一係唔開齋一開就兩粒﹗

運仔依然都企係意粉隊的一邊,烏克蘭下半場攻勢都幾多,只係唔係門前混亂被意軍清走就係中柱。睇呢今次就算再被人問意粉隊係咪靠運晉級,納比都唔會慶到爆粗了吧﹗

但由於一邊睇波一邊打牌,其實唔係太睇得清每個入球,仲miss晒啲牌,最後輸咗一百蚊…我就似乎欠了點運仔…

Anyway,沖個涼,食個老麥早餐,瞓個覺,起身睇重播。

留足精神今晚再睇兩場硬仗:巴西vs法國;葡萄牙vs英格蘭

至於德國對意大利如何,遲啲先算吧。起碼,入決賽魔咒又行前多一步了﹗

沖涼,成身煙味啊﹗誰叫太多人要坐大廳打吸了一整晚二手煙﹗
----------------------------------------------------------------------------------
世界盃手記:世界盃手記之五
世界盃手記:世界盃手記之七