Schedule雜談

打從中學就有習慣，每年都要入一本新記事簿記低生活鎖事(明明有手冊唔用喎﹗)，直到出來做事習慣依然。9月伊始，各大文具店百貨公司呀咁又有新一年的記事簿出籠，花多眼亂，睇到不亦樂乎呢﹗


(謎之聲：當年要扮型，拎學生手冊來記事邊有型架﹗中二、三開始就要用自己的記事簿，呢啲係個性之顯露呢﹗除了文具，記事簿都好重要架﹗同埋…唔知點解要叫成schedule？﹗慣了，講到而家都仲schedule的叫…哈)

中學時很迷無印，筆袋只有一兩件卡通物品(多數都係又貴又難買的鹹蛋超人﹗呵…)，其餘大部份都係無印的，諗番我都唔明，點解要9萬幾枝唔同顏色的原子筆 呢？間書(係，我習慣係唔劃花本書會溫得唔安樂的…)都唔使咁多架…(壞習慣直到入u如是…多到grad咗之後都用唔晒…卒之要拎番公司邊開工邊用散晒 佢…)…umum，離題了，即是說第一本schedule係去無印買的活頁記事簿。個人偏好活頁，一來間格可以自己設計(封面都可以自己攪喎﹗呵~我是很 有自己風格的﹗)，二來一用可以用上幾年，唔使年年換。睇番當年本schedule…滿是偶像的相…很勁…寫既係功課之外主打都係行街睇戲食飯…呀…這就 是無聊聊的中學生生活了…

當然都有買一本本的卡通人物版啦，近年都prefer這一種，細本啲輕身啲嘛(我是很喜歡攝呢攝路攪到佢越來越厚和重的…)。不過死固固的格式又有點沒趣…(我真難服侍的說…)

不是說笑，以前買落的活頁紙我諗我用幾年都用唔晒囉…

新(學)一年為自己買本新記事簿，有點像新年大掃除的，記事既 野總係有頭威無尾陣，開始時興致勃勃寫下所有重要日子、事宜呀咁，慢慢就懶的了，最後那兩三個月有時乜鬼都懶得寫…好衰，有本簿又懶去寫，諗住個腦記得就 ok嘛。之後空白頁多了又覺得自己沒好好利用，新一年一於善用佢…整過本新既manage好自己的事情吧…周而復始…咒怨輪迴啊…

而家最需要的反而係將重要事都入落手提，等佢到時到候bibibi的提我…我多數唔記得入數、交費呀咁的，靜態記事簿幫唔到我嘛。雖然說電子產品方便，但很衰我的又鐘意手寫的感覺(第時睇番有啲寫日記的感覺…)…真麻煩。

私人的我已買了一本新既待用，公事那本嘛，去到2010年1月先用完，可以慢慢選呢…呵。

另外的：
偶像崇拜
【小熊人擂台賽】9 ：一張舊相片