[港劇]廉政行動2009

這是呢排我最期待的節目，連昨天播的半小時製作特輯都唔放過﹗哈…


我諗我咁期待應該有以下的原因：

• 小的對廉記是有莫名的喜愛，原因很大可能是因為小時煲過劉華大帝的《雷洛傳》太多… 
• 單元劇嘛，劇情就集中講造案和破案，沒有不必要的感情線…
• 有廉記協助嘛，故事發展有真人真事改編，終於都可以睇番啲合理啲既人和事…

其實我不是每年都神心的追《廉政行動》(查一查維基原來不是年年有，拍過的系列有1992、1994、1996、1998、2001、2004、2007和 2009，(30/12/11後按：剛剛看完2011年的一輯啦~~~啦啦啦) ，有時成個系列播完都唔知，不過唔覺意睇到就會坐低睇晒佢…本人喜歡睇紀律部隊劇嘛，但又頂唔住黃金時間劇的那些公式的formula…umum…。 即係呢，我明既，1集可以交代元的案件，如果放在一部20集的劇裡，總不能編20個案件出嚟嘛，平均3、4集一單case，咁講多啲造案過程，又講多啲破 案，都係撐唔到咁多集架，自不然要講吓啲主角既私人生活架啦，我明，好明架，但…如果你部劇係講消防員，見到幾集都無一場係救火，反而集集都係談情說愛和 行行街吹吹水…我…只有反眼…時間是浪費了…(看倌們係咪感受到我又想踩前陣子播出的劇吧﹗哈哈…)

我明既，救火場面吓吓爆破又盛的，演員體力負荷大，成本也高，咁多啲文戲都係既…但其他啲警察、律師、海關、入境呀咁唔使啦掛，乜部門/職業都好，通常都係 頭尾幾集講最多工作上既野，中間都係去談情說愛，大部份劇情都可以skip的…。記得《壹號皇庭》最初兩輯係單元劇來的，律師們係主打打官司的(係咪有啲玄呢咁講？)，偶爾穿插兩場下班去pub吹水飲酒咁。到轉咗去黃金時間播…反而係落pub變成正職…其實…律師無咁嘆既掛？﹗

講廉政的劇記得有《廉政追緝令》(這部有好多training的戲份…嘩…原來要咁高體能要求…睇完即刻唔敢申請囉…)、《廉政英雌》和《廉政行動組》…雖然都有睇但印象不深…(其實應該說完全唔記得劇情和人物﹗)…不過算啦，應該和一貫紀律部隊劇差唔多…

睇咗個製作特輯，林保怡、邵美琪呢啲人腳都好正路，睇周柏豪和費安娜又似模似樣(費公主只會記得佢《新紮師妹3》個樣…雖然佢喺《學警》做師姐都OK 既…)，最攪笑係費公主說導演叫佢眼神要堅定啲，睇佢和鄧兆尊落口供時死啤的眼神…真係好堅定喎﹗當然，二少﹗二少﹗二少﹗

捱得多工廠式出品，睇吓呢啲一個星期一集有點清泉既感覺，無咗啲無無謂的感情線，無咗啲搵戲嚟做的人物性格，純粹將一件案件呈現出來，好舒服…正。嚟緊5個星期如果出街都會追的說，呵。

廉政行動2009主頁

(btw，最近煲緊喜爺舊劇《CIB刑事情報科》，節奏快唔拖拉人物對話又幾幽默好笑，睇得好開心…其實我要求都唔係好高啫？吓話﹗)

***************************************************
本博經常出現的同場加映又來了：

人肉卡啦OK？﹗

K不是由人來唱的嗎？還是個MV係由人聲beat box咁live「播」出來呢？﹗攪到我好想幫襯吓睇吓究竟係乜野一回事添﹗(順手賀吾博read數剛過90萬了﹗)