2009/06/11

[港劇]《碧血鹽梟》小感

其實我是一集《巾幗hill雄》也沒看過,柴九和四奶奶(雖然我是很支持如妃的啦…)熱潮我是完全追不上…。所以報說這部《big血》(改名怪出動了…)趁《根葛》熱潮未退啦啦聲被推出台,不免會被比較一番…。沒看過四奶奶嘛…反而覺得很像另一部舊劇《鐵血保鏢》﹗(會有人記得這部嘛?黎耀祥在劇中演大少演得很好架﹗雖然有說是抄《雍正皇朝》的說…)
  • 真係唔知有無人記得《鐵血》這劇呢?當中的黃志賢、惠英紅、黎耀祥演了《根葛》,這回《big血》也有惠英紅(﹗)、蔣志光(角色很像《鐵》劇裡的艾威…也是唔正經得來做野係好正經的官員…umum)、馬浚偉、郭峰(也是演有點風趣的爸爸﹗),三劇的監製都係李添勝喎﹗ 
  • 好了…為了唔好悶死無看過《鐵》劇的朋友們(看一看舊文啦,這真是一套好劇,好劇值得幾回推啊﹗),由呢個moment開始講番《big血》好了… 
  • 其實我沒看第1集,我是星期二食飯時無啦啦睇到少少,又好似ok喎(奇怪地由第2集的劇情我會估到第1集的劇情…1集…都唔係miss好多啫…) 
  • 劇情節奏快流暢,感覺幾良好。但我諗最大原因係暫時都仲未出無記劇近年好殺的一招:嗌交…耳根好清靜(這也是我看不下去《家好月圓》的原因啦…) 
  • 馬生演的正直青年,其實都蠻像《鐵》的尚智又或《洛神》的三公子(啊…這也是一部好劇…蔡少芬做得出色,演奸角的郭羨妮也出奇的入型入格),又係那些正義朋友。不過佢講野抑揚頓挫,板起臉又真係幾有官威。想說…佢演古裝片係順眼好多… 
  • 楊怡擔大旗,角色樂觀又堅強,本來都唔覺,睇埋故事大綱就好覺…嘩…少年四奶奶啊﹗(怎麼又係扶家中pat爛泥接手家族生意?) 
  • 但佢啲戲服好唔連戲,一時背心在腰帶外,一時zip埋在內。而佢pat留海時短時長,很礙眼。 
  • 驚喜是演多病二少的黃浩然,唔知係稿定係當事人落過一番苦功,佢講的對白係無咁白話(聽到楊怡說「我趕時間」硬覺得怪怪地…),淡定又穩重…不過就係有病,唔使睇劇情簡介都估到…實要死啦…唔係劇情又點會推到去話楊怡做當家呢?我不依喎…文質彬彬的二少爺很搶眼的說… 
  • 今回傲嘉年(又係佢﹗)都係做闊少,不過唔係奸係忠的(應該是吧?),仲要係大食懶終日掛住流連煙花地(呢水令吾博瀏覽率大升的張美妮小姐都有份演出一角來的說…),終日嬉皮笑臉的好攪笑…見佢同蔣志光由敵對打交到friend咗…好好笑﹗ 
  • 睇故事簡介應該係前段多啲笑笑口的輕鬆位,但之後就死人lum樓,恩怨情仇一大堆的…後段應該是沉重點的吧… 
  • 郭峰演的阿爹好攪笑呀… 
  • 惠英紅係演乜既呢?佢仲未出場喎﹗ 
  • 我見到演員介紹說有梁榮忠喎… 
  • 阿縮水朱玲玲突然改咗名做陳思齊…umum…究竟佢原名係乜呢?其實我都唔係好記得 
  • 譚小環呢個角色又要嫁老夫,又要紅杏出牆…真係幾令人感概的。電視台新人輩出,機會一去不復返呢。btw,同佢同屆的李綺虹而家同laughing哥拍緊新劇,我頗期待的…當年李綺虹拍《神鵰》的小妹妹郭襄(despite佢拍既時候已經唔係小妹妹)真係幾可愛的﹗ 
  • 想說首主題曲呢,楊怡和馬小生把生十萬個唔夾,馬生在chur高音唱副歌的時候,楊怡頗低沉的聲線入歌時…好像唱得很鬼鼠…很怪﹗(打文的時候收音機居然播馬生的名曲《幸運就是遇到你》﹗) 
  • 這部劇在外地已經播過一次…你管都有得睇了…umum…這樣…看來收視是很難和首播的劇匹敵啦。
只是我賦親文說幾好睇的劇…通常轉個頭就因為各種原因而沒追下去的,這部…我會捱得晒胡二少所有的戲份嗎?(二少~你好有型呀…)

(7/1/12後記:睇番報導說原來二少只有8集劇,係因為添哥覺得佢做得好所以不停加戲。但問題來了,二少實在太完美啦,佢對勝雪越好,就令佢越唔可以同阿馬小生一齊,但劇情又真係要佢走向馬小生喎﹗OH﹗卒之二少就在後期死了…仲要明明醫好了個病先嚟死…真係好慘呀﹗點解呀﹗這令小的更唔鐘意個結局…同埋馬小生囉…ANYWAY,劇整體是OK既,不過係熟口熟面囉…UM…)

tbb劇情介紹
另一篇貼相文:被電腦玩謝…

14 則留言:

  1. "鐵血保鏢"我有睇呀, 真係近年TBB o既其中一套好劇(除咗姚子羚唔係好掂之外, 但佢竟然係女主角!!)
    至於呢套"big血", 我諗都係趁住"Gun角"熱潮未退, 再斬四両.
    馬生做古裝真係好好多, 佢做時裝講對白真係......
    至於二少都有呢個問題, 佢講對白都係有啲唔自然, 但係喺"big血"入面竟然冇咗呢個問題, 好意外.
    根據我估計, TBB班編劇應該會將傲嘉年個角色係後段轉為好人, 仲可能繼承家族生意.(其實佢咪即係做緊"Gun角"入面吳唱K個角色!!)
    至於收視, 我都係覺得唔會好得去邊, 因為太早播, 同埋先入為主觀眾會覺得"Gun角"好啲, 而且啲主角o既演技同黎耀祥、如妃有一段距離.
    最後, 如果想睇番"Gun角", 可以去www.991881.com 度應該有得追番, 因為真係幾好睇.

    11th Jun 2009 11:50 AM

    回覆刪除
    回覆
    1. 好野﹗有知音呢﹗其實姚小姐演出都叫比《酒店風雲》時終日三表哥三表哥的好架啦…講開又講,佢去咗邊?之前見一兩套劇有佢份,而家直頭唔覺喎…
      我喺網上睇咗《big血》了,如你所料,傲生今次係忠的,兼姐幾攪笑,佢和郭峰今次係負責攪氣氛,平衡番正義朋友馬小生的說…見到佢真係好悶呀…
      收視呢,其實我真係覺得應該攤一攤先,啲人才追完一套又點會有心機即刻追第二套?而且大家都捧緊祥仔和雯女,一時間未接受到第二個combination架嘛。另外致命傷係播過,可以上網睇,同埋830播,好多人都未返到屋企啦(如我…),miss咗又無錄影機咪上網睇番囉…就唔會喺電視睇…(雖然我屋企唔係計收視的小眾…)
      呢水公事忙,要遲吓先有時間睇番《根葛》了…

      19th Jun 2009 23:34 PM

      刪除
  2. 《鐵血》我有看啊~小紅姐最後死掉是不是?

    《洛神》我也是粉,超喜歡那時候的蔡少芬!!


    11th Jun 2009 20:55 PM

    回覆刪除
    回覆
    1. 係,小紅姐死時我喊到變豬頭,佢俾蔣志光(戲中老公)封信真係感人至深…嗚…
      《洛神》真係好好睇,個人覺得蔡少芬最靚係呢套,啲衫襯得佢真係好似洛水仙子咁﹗


      19th Jun 2009 23:37 PM

      刪除
  3. 我都有睇《鐵血》啊!好好睇!《巾幗》都好好睇啊!《big血》好似冇咁好睇咁,睇下遲0的點。

    我都想講,首主題曲好怪,馬生仲高音過楊怡……好難聽。


    11th Jun 2009 22:25 PM

    回覆刪除
    回覆
    1. 《big血》我覺得係將《根葛》和《鐵血》炒埋一碟,三劇好多情節係共通的…
      《根葛》我未看,個人喜歡《鐵血》多點,《big血》個故仔相對比較薄弱…仲有點似武俠片添﹗不過我buy黃浩然~
      係呀,首主題曲楊小姐和馬先生個key都唔夾既…不如俾番馬生獨唱…回一回帶,《鐵血》的主題曲《會友之鄉》和劇集很配,豪邁激情的,至今也很喜歡﹗

      9th Jun 2009 23:40 PM

      刪除
  4. 邊個係縮水朱玲玲呢?

    11th Jun 2009 23:07 PM

    回覆刪除
    回覆
    1. 陳凱怡,而家改咗名做陳思齊…即劇中阿四妹亭嫣~

      19th Jun 2009 23:42 PM

      刪除
  5. 縮水朱玲玲原本係陳x嫻?

    13th Jun 2009 22:48 PM |

    回覆刪除
    回覆
    1. 自己回自己帶:陳凱怡,而家改咗名做陳思齊…即劇中阿四妹亭嫣~

      19th Jun 2009 23:44 PM

      刪除
  6. 哈哈.. 我也是二少fan club的人..

    本人也是很難頂"家好"類一日吵到黑的戲種..所以四奶奶都係睇左少少..

    馬生始終係唱家班, 覺得他唱的主題曲都好好聽, 呢首合唱呢, 有少少男聲唱得好high, 女聲死死地氣咁囉, 哈哈..

    我娘親勁鐘意胡老爺呀..

    得閒過來坐下啦, 哈哈..


    1st Jul 2009 12:21 PM

    回覆刪除
    回覆
    1. 四奶奶我等遲啲有時間先睇…而家我要煲番黃浩然的劇啊…(成為粉絲了…)
      馬生唱歌係唔錯架,不過係佢同楊怡的聲唔多夾,怪怪地咁,好似你有你唱我有我唱…
      郭峰我都鐘意呀,佢真係忠又得奸又得,莊諧並重的,佢同二少啲對答好攪笑…
      我都想多去各博友的博呀…不過我連自己個博都無時間多理呢…

      1st Jul 2009 15:30 PM

      刪除
  7. 很久沒上來,因為我每次留了言,有個不好的習慣,就是想看別人有沒有回,所以很怕自己因此常沉迷電腦,都不想留言。

    幸好我只打堂本冰子都可以找到這BLOG,很易又上到來這裡。

    剛剛完了巾幗,其實無記就不應上碧血,好歹兩部戲同一監制,故事又差不多,最搞笑的,是兩套戲的背後咖喱啡,都是同一批人,兩套戲夾起來演都可以。

    其實不但是碧血似鐵血,更什的是那些大婆帥奶戲套套都差不多,那些什麼XX風雲,除了背後可能是酒店賭場不同,還有什麼不同?故事一樣又是第二把交椅,反第一把交椅。很多了,不能盡錄。

    是但男舉牌反無記,網上混旦大罵又如何?倒不如大家一起關電視好過。

    23rd Jul 2009 10:39 AM

    回覆刪除
    回覆
    1. 對,連住上兩套人腳、風格、故事都差不多的劇,令後來者很蝕底,雖然我覺得《碧血》有點似武俠小說,後段報仇一段更係相當兒戲,但獨立一部劇來說是ok的,但拍埋《巾幗》就無得比啦,最近睇咗幾集呢套劇,感覺結構比較緊湊…
      其實《碧血》我最喜歡是睇二少,另外致遠我覺得很悶…好想飛晒佢。三人的三角戀也相當悶人…
      唔明點解無記一定要整啲公式三角戀出嚟…。最近的《烈火雄心》我都有點受不住了,快放棄…

      24th Jul 2009 14:03 PM

      刪除

要講幾句嗎?﹗XD