2006/04/07

[港劇]多少風與霜亦自強@《鐵血保鏢》


會友之鄉 馬浚偉 (鐵血保鏢主題曲 2006)
作曲︰葉肇中 填詞︰宋沛言

群英中渴望上天多讚頌 若權力倚重世上誰亦會心動
迎風不怕路途崎嶇作弄 命如在箭上流動
道別才遇上 伴隨著思鄉 路遙別慌張 寄望天上
日夜尋路向 靜如大海中找到鏗鏘 直到天亮
多少風與霜 亦自強 得不到拍掌聲 覓真相
豪傑以盟約 再照亮 日月歸於心那路向 尋覓到會友之鄉
望星空 盼浪潮早點散盡 若然敵不動 我亦無意去找弄
群星中照耀著多少個夢 蕩如亂世在浮動
多少悲與傷 亦遨翔 得失總有獎賞 覓方向
承諾了盟約 永照亮 日月歸於心那路向 成敗與榮耀共享
--------------------------------------------------------------------
再次係呢首歌,實在太欣賞﹗很喜歡歌詞中正氣又正面嘅歌詞,直頭係古裝版《今天等我來》~。

好耐無試過追套劇會追到唔捨得佢做完(唔經唔覺就一個星期...可比當年追完古版《神鵰》嘅失落),非常回味保鏢陪我電視撈飯的時光。上星期五為追大結局有戲(仲要係免費的)唔睇有街唔去特登早啲返屋企睇(咁狂熱嘅劇上一套應該係《金枝》了),睇到後尾阿孝死時我居然睇到眼濕濕(睇到喊嘅多數都係日劇,港劇真的很少,記得的只有《京華春夢》,大結局振西死時我喊得仲慘過燕秋…嗚嗚)…可惜接捧的劇不甚合本人口味,算吧啦,都是回歸我的舊劇行列了。

[港劇]會友之鄉@《鐵血保鏢》 16/3/06
[港劇]當《big血》+《根葛》撈《義海》再加少少《鐵血》…
[港劇]最喜愛的回顧~3~古裝片(非武俠劇類)

剛重溫完成套劇,細看故事內容雖有大量演技精湛演員座鎮(尤愛郭峰演的阿爸),可惜無記在資料搜集方面馬虎通病依然,尤其後來講到會友攪漕運真係得啖笑。雖然說走向現代化乃大勢所趨,劇情亦有提過朝廷亦在攪鐵路;不過編劇就無提過當時社會對現代化的阻力。當時民眾普遍不接受西洋事物,就是令他們交通方便的鐵路亦然,當然啦,起鐵路要開山掘地,破壞他們祖先墓地,又害得他們沒有農地。加上不時戰亂(自家內亂或是西人入侵)和天災,飯都無得好食時還會那麼有遠見去想西化帶來的好處嗎?回看會友攪的漕運,他們以走鏢起家,忽然走去做些和本行完全是兩碼子的事,做伙記的總會不安怕飯碗不保,劇情講伙記起鬨只係因為無糧出﹗

另外,漕運對會友是新事物,他們籌備的過程就是不停籌錢,將錢給了官府後就給船行做合同訂船。不是有錢就行吧,人呢?有了硬件亦要有人這軟件來配合吧。完全唔覺佢地請有水運經驗的人(﹗),亦唔覺佢地有攪培訓(﹗),訓練自己鏢師上水運貨,淨係靠係外面讀書回來嘅弟弟就得?唔好玩啦。如果出錢就得嘅,同治維新就唔會失敗啦…

一牽涉到歷史資料,港劇相比大陸劇集總是馬虎得多,當然中台劇集都有錯處,不過總不會如此慘不忍睹。其實要認真搵資料只要上網查一查就得,點解總唔肯行多步呢?

咁講套劇,黎耀祥嘅敗家仔和郭鋒做嘅大當家都非常精彩,若然年尾台慶他們有提名我一定仆到去投票呢﹗ 這天手痕痕上網蛇王,手快快search一番,找了一些頗有趣資料…
「鐵血保鏢」變「神行太保」 (2006-03-06 18:05:01)

電視劇《鐵血保鏢》中,惠英紅的殷教頭,教出了多位「神行太保」,這話怎說呢?話說劇中有多位女英雄,要接受對信鴿的訓練,誰把信鴿訓練成功,並由遠處飛回來最多的,便可隨鏢出發,做個真正的女鏢師。有場戲殷教頭對眾女徒說:「開始時將受訓的信鴿帶到三里外,然後把牠們放了,看牠們能否飛回來,如果牠們可以(當然有些是一飛不返),再把牠們帶到五里外,然後是十里外,最後是五十里外,如果五十里外都能飛返,便算訓練成功。」(大意如此)到了最後試飛之日,由蔣志光的三掌櫃,領著多位練鴿女英雄,並帶著數十隻受訓信鴿,徒步到五十里外,然後將所有信鴿放了。值得大家注意的是五十里,不是五十丈,可他們好像到附近山坡散步似的,瞬間就到達,可笑的是把鴿放了之後,竟能可以趕快返回鏢局,迎接信鴿飛回來。原來鏢局中一眾男女走路,比信鴿在天空中飛還要快。
編導大概恐怕觀眾不知道這群「神行太保」走一百里(來回程加起來)路有多快?於是安排殷教頭告訴觀眾,看她坐在庭院裡,對放鴿後回來的三掌櫃說:「你回來就好了,我等了快一個時辰,差點悶死。」一個時辰是今之兩小時,兩小時走一百里,難怪比信鴿飛還要快了。編導之「斷估」可見一斑。
依辭源所載,中國舊制一里為180丈,一丈等於3.2公尺,亦即一里等於576公尺,100里就是57,600公尺,1,000公尺是一公里,因此一百里,就是57.6公里。普通人每公里需走1,300-1,500步,一小時大約可走3-3.51公里,「鐵血保鏢」幾時變了「神行太保」了?
(無記不嬲都hea架啦,時間、空間、距離啲編劇不嬲都唔深究,天涯若彼鄰丫麻)
鐵血保鏢vs雍正王朝 
《雍正王朝》係講雍正尚未正式登基時,如何靠自己的努力和幕後軍師(鄥先生)的計策,與眾兄弟爭奪繼承皇位,(佢哋父皇係康熙)............內容細膩,情節緊湊,佈局精彩.........總知一定要睇!!另一套《康熙大帝》都好好睇,我睇完兩套劇後,仲買埋小說..............超正!!
至於點抄襲.............我諗係因為《康》、《鐵血保鏢》都係講兄弟之間相爭繼承龐大的祖業,而人物方面,大家又真係幾似....因《康》、《雍》有一個八皇爺(胤(示異))好精於攻心計就像康鐵》裡阿考一樣,而《康》、《鐵》裡的阿忠則像《康》、《雍》二皇子(胤礽),是超廢的,而馬俊偉梗係扮"雍正"(即胤禎啦!).............至於情節嗎.....少少啦.....因一開始時,大家都要幫屋企去追債("雍正"追大臣欠下的國債,而"馬"則追標師向標局借落的債!)仲好巧合地大家都追死了一些老臣子!!
可能遲些仲有更多更似的劇情..............相信係因為這樣,所以大家覺得兩劇好似啦!!
(咁攪到我超想睇《雍正》喎,我只睇過《康熙大帝》;仲要無心機日日追,次次只睇到順治過世就放棄了…)
鐵血保鏢 (維基百科都有…超認真的說…)
(15/01/16後按:這個我都貼出來只能說當年開始接觸維基覺得好新奇吧…囧) 

沒有留言:

張貼留言

要講幾句嗎?﹗XD