[日劇]《突然ですが、明日結婚します》(不好意思，明天要結婚)

不好意思，我真心覺得呢套唔好睇。不過大家熱烈討論的波波龍…真的很藤木直人叔，然後我又好like直人叔…睇吓睇吓我竟然追到跟播的速度。

首先，男女角我都唔識，同埋呢張官網圖點解可以拍到男女角都唔同晒樣？仲要係醜咗…

[韓劇]突然懷舊…唔覺意睇到《原來是美男》

本來諗住去沖涼，點知行出房前聽到首熟悉的"I will promise you, W#@%@#$@#%@#"(唔記得晒啲韓文唱咩啦)，嘩﹗好耐無醒起的張某碩…我想話…真係突然懷舊…我睇的時候是2012年，套劇本身係2009年，但竟然有神奇的周星星電影功效(睇得太多身體已有記憶，一睇就知邊集仲要知邊個位有笑位，未到已經笑定先…)竟然出現了。

琴日那集尾段美男回鄉祭父，之後那集到笑到我死的俾豬追呀﹗仲有彷如隔世到一個點的"著名的眼線"

[日劇]歷女是這樣煉成的：《平清盛》(2012)

睇完講源家的《義經》，直接睇講平家的《平清盛》，經歷咗差唔多百集劇…其實我都係攪唔清清盛啲仔乜盛打物盛，不過我大概諗到點解呢套劇會咁唔受歡迎。
講故事嚟講劇情流暢緊湊，洗白真係太勁…

[國劇]《射鵰英雄傳》黃藥師需要咁型嗎？

係囉，成張poster最耀眼咪就係黃藥師，就好似漆黑中既螢火虫一樣貢閃耀貢chut眾(完全進入花癡mode)

話說，琴日碌飛卜時見到篇文講祖國呢個新版本，當中，苗uncle(扮熟mode on)演黃藥師，再加上劇中用咗83版的音樂…嘩﹗二話不說返屋企click嚟睇，一野煲咗三集…

一路睇緊的《魔女之條件》即刻放低…

20年自high系列~《超級無敵掌門人》

嚴格來說，是21年。

話說到朋友家拜年，去到的時候做緊《三個小生去旅行》，大家都是邊食飯邊望吓咁。突然發現跟住的節目是呢個，極囧﹗再望一望啲嘉賓，劉華﹗陶大宇﹗梁榮忠﹗以劉華的造型，陶、梁未過檔(《刑事》又是一個很懷念)，仲要有陳小春做主持，唔使講一定係第一輯原始版啦﹗

巧京京呀﹗

[日劇]歷女是這樣煉成的：《義經》(2005)

一月頭開始煲去到二月頭就攪掂，都算有效率吧﹗

然後這套是上一個雞年的大河劇，去旅行時偶然喺舊物店見到呢本只係324 yen但超新淨的特刊…真係想點﹗立刻抱回家啦~~~然後攪到我覺得今年的大河劇是《義經》，完全無理到《女城主》…so far只看了第一集…

我想講：小明真係巧．令．仔﹗

[日劇]我終於都睇啦~《魔女之條件》(1-3)

是咁的，《義經》就嚟埋尾(45/49﹗)((有效率的我已經完成啦~))，整體覺得真的很不錯，不論係故事和人腳都可說是so far我睇過的大河最好的(雷劇我倒看了兩套﹗((呢部和呢部)))，除了悲嘆義經真係悲劇人物啊~(雖然我覺得係佢自己攞嚟)之外，就係不停感嘆小明真係巧．令．仔﹗於是，本人一條龍的病又發作。數一數我睇過佢邊套呢，一浮出嚟就係上年爛尾的《毫不保留的愛》(只看了一半，但太好笑了，我應該睇埋佢至係)和《雙頭犬》，《西洋骨董洋果子店》我是有意圖睇過但最後無咗件事，之後的…就係勁n年前的《新聞女郎》…死未。

喺翻煲番《毫》之前…我決定向經典挑一挑。一聽宇多田光的《First Love》已經打冷震…青春呀﹗青春~~~

[日劇]《四重奏》前奏：《Woman》

是咁的，《四重奏》開播嘛，小秘書高橋一生上節目時說到《四》同劇的滿島光和編劇坂元裕二有份的《Woman》係佢既事業轉捩點，咁我就好快手貢補一補元啦⋯

好在我成功爭取喺新年前完成啫，喊到嘔飯啊﹗然後小秘書演的醫生戲份其實唔多，但佢一出場就有個歡樂⋯

[日劇]歷女是這樣煉成的：《義經》(2005) & 《平清盛》(2012)

是咁的，睇完一大輪戰國和幕末的大河劇後，睇街坊評語說《義經》評價很高，咁我又想轉一轉畫風，而義經同真田信繁和楠木正成並稱三大悲劇英雄，咁我就挑一挑啦﹗

跟住我發現看點是神木隆之介didi…(暫時睇到頭8集啫…)
2/2/2017後按：已完成(我係咪太有效率~哈哈哈-->[日劇]歷女是這樣煉成的：《義經》(2005))
10/3/17後後按：太有效率之2：[日劇]歷女是這樣煉成的：《平清盛》(2012)

[日劇]真完結．《真田丸》

因為我有一份功課拎了真田信繁做主題，於是極速狂睇大量佢既資料…嗚…雖然明知結局係咁但都不免異常悲傷，始終《官兵兵》官兵兵係喺屋企老婆喺身邊安詳咁過身，真田田就遇著一堆豬隊友，只能奮身一戰力挽狂瀾，每秒都覺得好心up…

又說，三谷叔叔好勁地由頭到尾都保持幽默跳脫格局，就信繁抱住乜野心態返大坂城問題上，訪問中佢就說是抱著要嬴。當然豐臣家出手叫佢都有啲關係，不過我覺得唔係全部，也許佢望住阿爸壯志未酬未瓜咗，眼前又有機會，就想放手一搏吧。

um，是的，心存信念，一定有路行。(provided that無豬隊友連環攪屎棍)

[日劇]歷女是這樣煉成的：《風林火山》(2007)

話說，有啲字詞我係永遠會調轉次序，「風林火山」這四個字我大概只記得風係第一粒，之後的我成日調轉…係風火山林…風林山火…定風山林火…(笑)…

本身睇完《天地人》諗住收工，但就因為我要做一份關於上杉謙信的功課嘛，咁睇完你管的上杉cut之後好好奇，點解Gackt咁美形的謙信會勁有人氣，有到會上埋紅白呢？

同埋，其實信玄和謙信的事績係Pre-官兵兵年代我唔係好熟，但睇完《民王》對「風林火山」四隻字有印象(泰山成日講的嘛)，就看一看是甚麼吧。(《民王》的狩屋孝司（カリヤン）和小秘書都有份演這套啊﹗哈哈哈)

再提多句，這套是近十年的負皮三寶其中之一(另外是《天地人》和《江》，我係咪應該睇埋《江》？﹗哈哈哈哈)

[日劇]歷女是這樣煉成的：《天地人》(2009)

是咁的，追呢套呢，原因有三：
1. 友人說這套有真田幸村出現，而且引起熱潮說要為幸村獨立開一部劇
2. 妻夫木聰、阿部寬和北村一輝都是我喜歡的演員啊
3. 從前很喜歡小松江里子寫的劇，特別係KinKi主演的《若葉年代》、《青之年代》和萬年至愛之一《To Heart》，覺得佢寫年輕人情誼和愛情都很到位，咁變成歷史劇會點…

(暗黑理由：這部、《風林火山》和《江~戰國的公主們》號稱近十年的負皮三寶，我咁鐘意掃雷梗係要追一追，的確，很雷，雷到一個點)

[日劇]《有喜歡的人》

(圖片盜自豆瓣和網上search的)

話說，三個男角個名我是知曉…但完全唔認得…哈哈哈

um…夏天的湘南鎌倉真係好令呀~~~夏天呀~~~
(雖然我一點都不喜歡夏天)

um，想說的是，看這套比《毫不保留的愛》好太多了，一樣的花火大會，一樣的燒烤(而家是日劇常見場面了？)，一樣男主直呼女主其名攪到女主心如鹿撞，但這邊是有種替女主高興又有感動的感覺，那邊嘛…睇到我覺得我都智商下降了…

[日劇]《賢者の愛》

繼《柏拉圖式》之後中山姨姨又來了，復出後的作品總是大膽破格(破=佢以往的清秀形象)，然後總是要埋身肉搏，um，是因為大家對《情書》那些太入腦了？囧

[日劇]《毫不保留的愛》第4-5集

其實呢，25歲社會人，情感可以咁小學雞(有無比智障更精準的形容詞？)，明知對方係有婦之夫仲要踩隻腳埋去(佢係諗住對方唔會醒定死咗佢就算？﹗)，然後人家家姐出手就扁晒咀，我越來越想看這部表不倫裡少女的漫畫原著究竟係乜野一回事…

不如改名做《毫不大人的愛》~我愛小學雞。

[日劇]《毫不保留的愛》第2集

上集就送鞋，呢集小明就收走女主的感冒…到底有無人覺得呢啲係浪漫？定係我太唔了解漫畫既世界…我係咪要睇一睇套書(連載咗兩年咋喎)…

然後，呢套劇一定係一開始小明拒絕了女主的熱情，之後回到工作上二人輪住出錯，之後二人出盡百寶將功補過，過程中互相了解，女主又再次喺結尾向小明送秋波，然後小明就喺第二集拒絕佢…

Formula已經完成了。

[日劇]《阿淺來了》(完成)

半年的劇集，我由7月3日(上一篇)開始煲，差不多一個月終於喺今日(8月7日)完成了…嗚…

我估唔到，明明個女主性格係樂天積極，男主又傻萌的，短短地15分鐘一集諗住快快樂樂地睇，竟然會哭個半死…點解呀~~~煲完，可以回歸其他劇了。

[日劇]《毫不保留的愛》第1集

呢套劇係浪漫不倫theme架呵？點解我覺得笑點處處…

忍不住，係忍不住，喺空氣結他的帶領下展開愉快的cap圖日記。

你是我的目標﹗

[韓劇]《W-兩個世界》(1-4)

um，一路覺得鐘碩dd選劇本的野心幾大(雖然《易香人》和《匹諾曹》我係爛尾)，劇集不乏俊男美女式愛情線，但主線總落在殺人呀追兇既而騎住愛情位，aka唔係純愛劇…

我可以表白一吓我欣賞佢呢個揀劇本路線嗎？(對比某人)

讀書報告2016#5~菅田dd出演作品相關原作…

就說日本出版業同影視界合作無間，有人氣的作者新作或得獎作品，不論漫畫定小說通常九秒九就會改成電視劇或電影。就算係原創，好快都會有小說出番。原著先出的話就會喺書腰出番個影視作品既相…令人好想儲番…

但…內裡係無改過野的﹗

咁小的又有舖睇番原著/文字版對照內容既癮，某dd真係「老是常出現」中堅會員，硬係不停見到佢出現(但佢未挑戰到帝王級的濱田岳或綾野剛)…數數吓…勁多書堆了在屋企…囧。