[日劇]我終於都睇啦~《魔女之條件》(1-3)

是咁的，《義經》就嚟埋尾(45/49﹗)((有效率的我已經完成啦~))，整體覺得真的很不錯，不論係故事和人腳都可說是so far我睇過的大河最好的(雷劇我倒看了兩套﹗((呢部和呢部)))，除了悲嘆義經真係悲劇人物啊~(雖然我覺得係佢自己攞嚟)之外，就係不停感嘆小明真係巧．令．仔﹗於是，本人一條龍的病又發作。數一數我睇過佢邊套呢，一浮出嚟就係上年爛尾的《毫不保留的愛》(只看了一半，但太好笑了，我應該睇埋佢至係)和《雙頭犬》，《西洋骨董洋果子店》我是有意圖睇過但最後無咗件事，之後的…就係勁n年前的《新聞女郎》…死未。

喺翻煲番《毫》之前…我決定向經典挑一挑。一聽宇多田光的《First Love》已經打冷震…青春呀﹗青春~~~
(究竟係咩原因為我瘋狂鐘意呢隻歌但完全無動力去看這部劇呢…完全想不起來…)

個片頭勁唯美喎﹗不其然諗起宇多田光另一首劇集名作《Prisoner of Love》

然後…小明真係…反町嫂又真係…這個身高差…


一開始男女主遇然相遇，男主撞倒女主然後弄到收咗求婚戒指的女主唔見咗隻戒指，男主就梗係幫佢搵啦…

件事係咪好似曾相識﹗﹗﹗﹗就係《毫不保留的愛》一開始就係咁啦﹗不過《魔》一開始型好多，話晒飛住電單車，好過《毫》為咗細路女拎番個升緊天既氣球而一野跳起撞埋煩爆女主度，點睇都覺得係笑既…

好娘地，男女主第一吓相撞後無事閃人，然後佢地當然會再相遇，只是地點由學校變成公司了

自帶光環的男主~~~~然後還是這個很萌的身高差…

我想問呢，男主黑澤光設定係17歲…咁佢飛電單車和飲酒都係未成年架，老師唔覺有問題架咩？﹗﹗﹗﹗定係90年代係寬鬆啲？(《同一屋簷下》三佬都係未成年食煙的說…)

美如畫~~~

睇番呢啲和phone真係好開心，GD92入手時感覺幾開心我仲好記得~~~哈哈，而家啲史馬瘋就係黑色一餅野，設計越來越畫一，實在好無個性囉…同埋…電話，係需要有電話繩的。

死啦，我又開始懷古…

我跟彈幕都狂叫：有頭髮，仲係咁多頭髮的溫水洋一叔叔﹗做男主媽媽的是黑木姨姨…嘩，顏值多麼高的一對母子~然後我想起在《父親大人》黑木姨姨是某准的媽媽，then喺電影《東京鐵塔》度演不倫…扯遠咗…總之…黑木姨姨啲仔硬係顏值好高，話晒某准當年係美如畫的…

well，個故仔呢，其實似魔女的應該係自由奔放一點的高中學生黑澤光(小明)((呀，又是黑澤，可口的小鮮肉總是姓黑澤的嗎？哈哈))(((赤西美國仁真係those were the days)))，或者佢仲係學生，阿爸過身阿媽要打理醫院所以反抗期都唔得閒理佢先可以咁想點就點，相反廣瀨未知(反町嫂，雖然當年未係)就係好多枷鎖之下生活，俾阿爸控制又安排去教書，男友就求婚又攪晒所有野，總係唔知點咁。then二人相遇時總係黑澤主導廣瀨去放肆，老師的廣瀨反而少女心到一個點，咁…魔女的…似係光囉…

當然，師生戀的話做老師的一定係首當其衝，唔理邊個係主導…

日劇總係鐘意有家fixed死既食店或居酒屋俾主角們談心…呢套劇的…嘩﹗真係襯番劇名喎﹗

見到呢個彈幕笑咗﹗明顯是最近在補舊劇啦~~~

暫時看到第三集已經樂趣無窮，繼續努力追，後記再補。

以上