[日劇]時光隧道之2：《同一屋簷下》

講《同一屋簷下》只係藉口，實在要回顧的是最近本人熱煲的石田壹成﹗

嘩…哈…哈

翻查資料93年於日本首播的《同一屋簷下》第一輯，無記早於95年就播過…但我毫無印象看過…記得從無記睇完第二輯(在香港應該是98年上下播的吧…)後才翻轉頭睇番第一輯，又是一個掉轉了的先入為主，所以我對第二輯印象較深，第一輯好像沒怎麼正式全套看過的說。

正因如此，再翻看(不知看了多少次)時因為對劇情已忘得七七八八，直頭當新劇咁睇了。

93年出品，遲《放課後》一年，劇中大佬達也(江口洋介)那個三上頭(厚厚的…)，二佬雅也(福山雅治)的寬大西裝，小雪(酒井法子)高腰長裙(怎麼廿幾歲女著到c9咁既樣…)，三佬和也(石田壹成)高腰窄腳牛仔褲，小梅(大路惠美)長到落小腿咁濟的校服裙…係五弟文也(山本耕史)沒甚麼特別大發現…感覺還是很《日本風情畫》…

卡士很長又很強，可一不可再，還未數兩輯現身的內田有紀和松隆子，本人就係為睇松隆子而睇第二輯的說…

故事呢，就係失散了的六兄弟姊妹有大佬努力下重聚，一起生活的苦與樂。劇情有如《真情》般每集都圍在一起食飯，(不)幸事總是輪住降臨在家庭每人身上，每次就靠大家努力化險為夷。還要加上三妹原來不是親生，和大哥二哥弄出一段介乎親情與愛情之間的三角戀…第二輯仲要土得可以的加個絕症給小雪…可幸土的劇情不太多，每集總是笑中帶淚吵吵鬧鬧，除了食飯，集集都總會打吓交推跌房或廳的推門(打交的通常係達也和和也…XDDDD)；加上滿屋俊男美女，輕鬆又溫馨的家庭喜劇，總唔會抗拒既…

每每睇完都好恨有這樣一個吵鬧的家庭呢，或是一個如達也般囉唆的大佬，又如冷靜又體貼(最緊要係靚仔)的二佬，又或溫柔可人的家姐…最緊要佢肯做晒家務…正啊~

本人的看點--三佬和也…

角色係話和也曾犯傷人罪而入感化院，第一次見到大佬仲一把刀仔插落去…張枱度…死囉…我覺得好有型…

由於劇中已有靚仔王福山雅治負責耍帥，石田和江口洋介就係負責攪gag，如前述…總係食野時候打交反枱和推跌門…唔知係咪要表達和也是個高中都畢唔到業的老粗，講對白成日都碌大對眼，有點浮誇，但好笑。(有人會如我般睇到咁仔細嘛…)

遲吓煲完第一輯再煲第二輯，松隆子啊~

石田瘋之一：[日劇]時光隧道《放課後》
石田瘋之二：一點關於《未成年》的
我最喜愛的十套日劇
中招路線圖~日劇男角篇 

維基：ひとつ屋根の下
同一屋簷下
***********************************************
睇維基話石生而家除了拍劇，還有出唱片和做DJ，唔知佢有無機會回歸日劇界呢？仲…

搵《屋簷》相時見到很多石生近照，well，髮型果然對個人外觀影響很大，看，石生拿掉《屋簷》時代的中間分界刀片頭，是不是型(妖)很多呢？﹗

個人覺得影背脊那張最掂…留意左手手指尾…好妖啊﹗

另，BLACK JAXX，由石生、武田真治(﹗)和DJドラゴン(？)合組的…斷估曲風都唔係本人杯茶…