唔係喎﹗…

呢水我最唔想聽到的一句是：「唔係喎…(下刪萬幾字辯駁)」

若是會令人無忽肉的重要議題，能讓真理越辯越明當然好。最怕是無關痛癢(鬼um眼…點解我睇唔到個「癢」字架﹗謝mark提醒)的閒談，遇著這些係又駁唔係又駁的辯論隊隊員，左一句「唔係喎」，右一句「唔係喎」…無癮﹗話不投機半句多，收線。

世事無絕對，其實好濕碎呀好多野都…

人在正常情況下都不喜歡被反駁(應該係啦﹗吓話﹗)，如上文所言，在重要事情上大家堅持已見而各執一詞，若能令事情圓滿進行，就算多冒犯也要講一講自己意見。講完人家接受與否的人家的自由，起碼自己可以做的都做了，對得人對得自己。

受不住的，是私底下閒談(俗稱吹水)也要窮追猛打的人。

一個自說自到興高采烈的人，就如一塊燒紅了的鐵，無情的反駁就如一盤冷水…照頭淋下去…多無情啊﹗

稱得上吹水，題目當然是無無聊聊的，如：

「我琴日去咗邊度邊度食野，又平又好味囉…(下刪一萬字食物如何好味)」

「那套野超好睇啊…個男主角勁靚仔…」

突然空氣中飄出一句：

「唔係喎，我上次食又貴又難食…(下刪一萬字該店如何差，還即時上openrice check價錢)」

「唔係喎，嗰個佬咁樣衰，阿邊個邊個靚仔得多啦﹗」

多無癮﹗

也許有人覺得，談天說地不是能比工作時更打開天窗說亮話嗎？理應如此，。不過凡事留一線，吓吓直筆甩的一句「唔係喎」有時唔代表率直，係「串貢貢」。

嗌嬴又無獎，又傷感情(被「唔係喎」的一個…)，何苦呢？

記得當年會考oral教過句"I totally agree with you, what's more..."，改一改：「你有你道理，而我呢就覺得…」，係咁意刪走句「唔係喎」，不以否定行先，人家不會覺得被狠狠ban了，說話的人亦可順勢講自 己意見，一舉兩得的說﹗

點解我以上的廢up？因為最近我不停被「唔係喎」攻擊…嗚嗚…