2006/09/29

蛇…王…

多熱愛工作,總會遇到一些你唔想做,原因可能是很難完成、很低能、或浪費時間完全不合符成本效益。可惜,無論幾唔願意都要頂硬上做完;在頂硬上的過程中,本人波地不其然分泌出各式抗體和手頭上的工作互相排斥,令本來已艱辛的工作難上加難…
 抗體1:
 抗體2:
 抗體3:
 於是本來已有排做的麻煩野更有排攪,成為一團纏繞唔放的幽靈直到永遠…

2006/09/27

地下鐵嘆舊瓜…

"地下鐵碰著她 好比心中愛神進入夢 地下鐵再遇她 沉默對望車箱中…"

在非繁忙時間搭地鐵,我都不其然諗起呢首歌(雖然地鐵係唔比食野的…),諗起Danny哥哥(雖然第一次聽呢隻歌唔係Danny的版本),諗起《初戀無限touch》裡面無限清純的梁Gigi陳東東(第一次聽就係睇戲中梁Gigi唱的版本啦),諗起自己中學的時光…

2006/09/26

渴睡症2

之前無聊畫作,太渴睡之下發生的無聊畫作乙個…

話說我司人工唔高(我啫)但福利好,返工放工食飯都有公司車出市區,為慳一個幾毛,本人放工通常都會搭公司車出銅鑼灣,省下幾個大洋用呢朝早買個包做早餐都好。但放工時間唔定,好多時都係仆頭仆命的仆落去趕車…

渴睡症

死啦,現在時間係零晨一點三分,我竟然仲鬼打咁精神…又嚟無聊畫作~
<--現在的狀態…

2006/09/24

扒地惡魔:新鮮人好老細迷思

神推鬼撞(上網查過竟然出了撞/恐/擁,究竟邊個先啱呢?﹗),確係鬼推,原本要到上堂的本人竟然在巴士上睡著了,醒來時已到了商場門口,下車時看見戲院《穿扒地的惡魔》廣告板,…在魔鬼的誘惑下決定走堂睇戲去了。

2006/09/23

電影台

自從本人和無記劇集口味越來越不協調後,我的看電視quota就經常奉獻給有記電影台。

朋友將之戲稱為「爛片」台,除了星期六日晚黃金時間外,兩條頻道大部份的戲都是:

2006/09/21

見工血淚史

每每在街上看到身穿整齊行政套裝的少男少女,我都不禁猜他們這一身打扮的原因:見工(一年三百六十五日都有人見工既…)、present(做功課,何解硬要我著suit?)、上莊(一班身穿整齊suit的茂理在校園大呼大叫,奇景﹗最奇是我都曾置身其中做此等傻事…)…。因為呢三件事,我買下人生第一套套裝,穿上身像老了廿年的阿婆,後來成了見工戰衣;說到此時不禁回想起本人畢業以來見工搵工的點點滴滴,在此就分享一下本人失敗(搵了一個暑假依然雙失)和成功(最威一次只搵了一個月,仲要有兩個同時心儀的offer…嘻嘻)的經驗…

以下是本人由interviewee而不是從HR角度出發,有血有淚架﹗

2006/09/19

有趣性格分析乙個

六、七月狂睇波,到七、八月返工返學再返工,後遺症到九月完全浮現-大昏迷完人仍然是迷迷糊糊。今日諗唔到咩水吹,見收到有趣性格分析乙個又幾準,貼出呢呃吓post先﹗~

Were you born with a quirk or aplain simple soul?

Have fun with this fun personality prediction guide.
IF you were born on the 1st, 10th, 19th, 28th of any month you are number 1.
If you were born on the 2nd, 11th, 20th, 29th of any month then you are number 2.
If you were born on the 3rd, 12th, 21st, 30th of any month then you are number 3.
If you were born on the 4th, 13th, 22nd, 31st of any month then you are Number 4.
If you were born on the 5th, 14th, 23rd of any month then you are number 5.
If you were born on the 6th, 15th, 24th of any month then you are number 6.
If you were born on the 7th, 16th, 25th of any month then you are number 7. <--本人係呢個~~又係7字,本人幸運號碼啊~
If you were born on the 8th, 17th, 26th of any month then you are number 8.
If you were born on the 9th, 18th, 27th of any month then you are number 9. 

2006/09/18

形似神不似@叮叮食物

當市面越來越多叮叮食物,叮到整個Foodcourt可以係屋企攪掂時,本人口味越來越阿婆,腸胃Send msg說唔接受呢類食物了。從前日叮夜叮的本人對叮叮食物日益抗拒,如果公司有爐有火的話(無火煮食我都唔拘,因為我唔想幾百蚊買個保唔到溫的飯壺)我唔介意開鑊熱番啲飯,總覺得微波過後我兜飯難食咗。

[日劇]超舊日劇回顧《青之時代》

話說當年信和仍為老翻天堂的年代,本人經常穿山過海(的確係要過海)親身朝拜,造就本人入埋入埋好多無咩聽過和無咩睇過的CD和日劇。今日心血來潮,忽然想拎番出呢重溫一番,經過一番翻箱倒篋後搵咗一大堆都唔知有無睇過的舊劇出呢,呢兩日狂煲成功消咗一套(但還未破到本人最高紀錄是一晚消晒整套,有這個瘋狂攻效有《Long Vacation》和《沒有天使的街角》)《青之時代》點解會買呢套劇我懷疑係一百蚊三套時我求其揀餅有堂本剛個樣就算,成套野一啲印象都無好似新劇咁睇。我形住仲有好多呢啲遺忘咗的入購未睇的說…

2006/09/15

咪幾好囉

 昨天看報紙知道Britney第二個小寶寶出世了,她和老公兩年抱兩倒真厲害,難得報紙亦中中肯肯的報導這件喜事(終於不再說老公食軟飯、老公新曲被柴台、離婚…),不過caption度都仲要加番句說她生完又生身材不復往日勇,一副師奶相云云。但我覺得如果她過得快樂,又唔係殺人放火,師奶唔師奶又何妨?

2006/09/14

香港地震?

今晚7時53分你在做甚麼?今晚在香港東南偏南約36公里擔桿島海域,發生黎克特制3.5級地震

而本人身處家中廁所,雖然只維持幾秒,心都慌了一慌,腦中開始胡思亂想,我倚著的洗手盆可不穩陣的啊…

想到2秒震動已帶給我如此震撼(可能係我少見多怪),911、大地震、天災、人禍災民所受的驚慌和痛楚…

想到還有很多事未做,我不想就始長埋瓦礫…(開始幻想大廈倒塌)

想到家人,他們還未返家…(仲可唔可以搵番我出呢?)

想到一首歌…

想到要珍惜眼前人,很多東西都不是必然。


假如讓我說下去 楊千嬅
作曲:于逸堯 作詞:林夕


任我想 我最多想一覺睡去 期待你 也至少勸我別勞累
但我把 談情的氣力轉贈誰 跟你電話之中講再會 再會誰
暴雨天 我至少想講掛念你 然後你 你最多會笑著迴避
避到底 明明不筋竭都力疲 就當我還未放鬆自己
我想哭 你可不可以暫時別要睡 著我 像最初相識我當時未怕累
但如果 但如果說下去 或者 傻得我 此怎能愛下去
暴雨中 我到底怎麼要害怕 難道你 無颱風會決定留下
但我想 如樓底這夜倒下來 就算臨別亦有通電話
我怕死 你可不可以暫時別要睡 陪著我 讓我可以不靠安眠藥進睡
但如果 但如果說下去 亦無非逼你 一句話 如今跟某位同居
我的天 你可不可以暫時讓我睡 忘掉愛 尚有多少工作失眠亦有罪
但如果 但如果怨下去 或者 傻得我 通宵找進接下去 離開 不應再打攪愛人 對不對

中秋雜談

街上滿佈月餅廣告,看看月曆原來下月六日才是中秋正日。我家買月餅只為自用,所以每年都是一盒起兩盒止,滿街新奇有趣的月餅口味都是眼看就夠了。雖然口味越出越多花樣,我的最愛還是傳統雙黃白蓮蓉月(先不理健康問題),就如新年一定要有椰汁年糕一樣(一啡一白)少了節日就不美滿。可是美味的白蓮蓉實在太油膩,近年已轉向卑鄙(十分喜歡這樣稱呼冰皮月餅…嘻嘻)月餅懷抱。

2006/09/11

萬X路Red Hot Hits

本人不是煙民,非常認同吸煙危害健康(雖然我覺得靚仔…幾有型…嘻嘻),街上見到有食煙的阿叔阿嬸本人都避之則吉。但自從香煙廣告全面被禁後,本人耐不耐都會懷念一下以前他們大灑金錢的年代,新年萬X路的萬馬奔騰賀年廣告是必看項目,重要性更甚放煙花,現在就算在長城取境幾廿人打鼓都總覺比唔上以前嗰種氣勢;另外就是,曾幾何時每年夏天大件事的萬X路Red Hot Hits,活像夏天的主題曲,好energetic﹗Yo﹗

當年覺得好型,現在每去唱K都忍不住點點來增加自己活力指數﹗

2006/09/09

考試卷再續之小學篇

話說之前睇過以前的幼稚園考試卷,今日竟然比我見到更恐怖更遠古的藏物:(這次不是我的了…)

登登登登:1953年小學畢業會考常識科試題(阿爸話佢個年代小學都有會考的說…)

2006/09/07

[港劇]礙眼…古裝劇@《鳳凰四重奏》

除了如《尋秦記》這種明刀明槍玩時空錯配的喜劇外,打正旗號正正經經的古裝劇也來古今crossover,就落得畫虎不成反類犬下場,其爆笑效果隨時比真正的喜劇來得更好笑。

日文課中場休息,這幾天也早早打道回府嘆一嘆。食飯時看到無記的《硫磺四重奏》,真覺得很礙眼。

2006/09/05

華星同學會

每次搭車出香港仔隧道經過禮頓道一號(8/3/12後按:而家變咗SCMP了﹗),都不其然懷念經幾何時掛著華星logo的廣告版,這搖籃搖出無數歌手陪著我成長。現在的人都愛download MP3,還有沒有人會留意歌手歌曲出自那寶號?

2006/09/02

三點三,嘆茶餐

一星期七日,感覺最幸福的日子就是星期六日,因為有機會奢侈地在下午三點三嘆茶餐。

週一至週五都在返工,懶床的本人永遠在最後一分鐘才起身,之後就是以九秒九速度執返個人樣返工,十日有九日都唔可以係屋企嘆個好早餐(即係麥皮~),唯有到公司樓下超市求其買個包填肚。