2006/05/16

[日劇]所有都是重要的@《沒有天使的街角》

喜歡看日劇多於港劇(愛煲的港劇大部份都係舊野…),因為日劇和港劇有著很大的分別,日劇在講故事之餘還會有主題,那怕是談情說愛還是大講人生道理,他們都有本事將該思想不落俗套的融入劇情中,讓你邊看邊潛移默化,看完再思考一番。如日劇之神《悠長假期》就是叫人隨遇而安,遇到不如意事就當放個長假,樂觀面對終於都會等到惡運完的一日。港劇,大部份都和說教沾不上關係?

煲日劇踏進第十年光境,眾多日劇中,本人獨愛堂本光一(嘻嘻…我的偶像之一…看見我用domoto做自己名嗎?…嘻嘻)的《天使消失的街角》(2000)。撇除男主角真的很靚仔(這個當然~)、他的puma戲服真的很靚很型(puma喎!)和首主題曲真的好好聽(尤其是當聽過某女歌手改編version後)外,很喜歡這套劇的中心思想:
"沒有沒用的零件,所有都是重要的"
"就算是最沒用的人,也總會有需要他的人"
劇情參照湯告老師的《Rainman》,講的是兄弟重逢--小混混弟弟無奈接收自閉症哥哥,霉事接踵而至;一同生活後慢慢了解對方,產生了前所未有的兄弟情。劇情…要幾老土有幾老土。自閉症哥哥輝遇上弟弟前在工廠做野多年,「沒有沒用的零件…」就成了他的口頭禪,有事無事都講一餐。最初佢一講就激到弟弟達郎死吓死吓;慢慢呢句野成為各人的精神支柱,鼓勵他們面對難關。呢句對白,平均每集起碼出現4次。

這個道理我深信不疑,李白都有句「天生我才必有用」嘛(同時我都信下一句「千金散盡還復來」,只係未知幾時復來…)。可能,人與人相處時間短未發現對方的優點,有時又被偏見所蒙蔽,覺得對方係「沒用的零件」。

最近根本忙到沒空重溫這套至愛,但就不斷想起這個道理。最近被太多人激到半死…

1. 來電者根本心中有答案,只是打來confirm問多次
e.g. 張單根本有負責同事部門電話,係咁一輪咀讀單上資料for what呢?
2. 答案根本就存在,只是來電者唔肯搵出來
e.g. 要怎麼做,早就寫了在post it上,奇又奇在唔係唔見咗,都要打問我點做,仲要係兩個人問兩次﹗

很多事都係common sense,係我要求太高還是因為他們知有人可以問就不願自己動腦去找答案?

忽然又想起另一至愛《神鵰俠侶》(嘻嘻…古版電視劇…)中講到趙志敬在英雄大會上向眾人說出楊過和小龍女赤身露體練功一事,楊過罵他明明答允唔講比第五者知,趙志敬的回應:

"我無講比第五者知,而係講比第六者、第七者甚至第十者知,我無食言﹗"
(無賴得好正~)

現實中的我,講同一件事唔止講一次,而係講兩次、三次甚至十次…但我還願意相信所有零件都係重要的,孟子都話人性本善…只是我的耐性越來越少,越來越受不起刺激了…

攪攪新意思,今次post歌詞係尾…嘻嘻
*******************************************
もう君以外愛せない Kinki Kids 
(@夏の王様/もう君以外愛せない Maxi Single, 2000)
作詞・作曲 周水(canna)

君が一瞬でも いなくなると 僕は不安になるのさ 
君を一瞬でも 離さない 離したくない
もう君以外愛せない 他にどんな人が現れても 
もう君以外愛せない 今ここに君と約束するよ
たとえこの世が滅びても 君と誓った愛は永遠だから 
きっと二人は幸せさ ずっとね ずっとね
僕が一瞬でも 弱気になると 君は不安になるはず 
夢を一瞬でも 忘れない 忘れたくない
もう君以外愛せない 他にどんな人が現れても 
もう君以外愛せない またここで君と約束したよ
たとえこの世が滅びても 君と誓った愛は永遠だから 
きっと二人は幸せさ ずっとね ずっとね
たとえこの世が滅びても 君と誓った愛は永遠だから 
きっと二人は幸せさ ずっとね ずっとね
もう君以外愛せない 他にどんな人が現れても 
もう君以外愛せない 今ここに君と約束するよ

喪煲總集:熱煲系列2~光一王子
另一篇:我最喜愛的十套日劇

4 則留言:

  1. 多謝你的分享,我也是看了有線的"新進刑警",開始成為光一的擁護者。我因而開始買了他主演的Endless Shock DVD看,Endless Shock OST (Original Sound Track)聽,真是感動又震撼!於是我開始了聽Kinki Kids的歌,動用我七年沒用過的日文去理解有關Kochan的東西.....當然不會錯過他第一次發行的雙singles,很精彩!其實在www.yesasia.com 訂購遠比在旺角某中心平宜200元港幣,....
    nice to meet you here. :)
    你可以到訪www.Youtube.com 去找尋有關Endless Shock的片段,準叫你也為之震驚(SHOCK),原來是真的那樣精彩,我覺得比較Phanton of the Opera 更加出色,難怪我們的成龍大哥看了2005年的全新Endless SHock (光一傾盡全力當座長、監督、主角、作曲的)之後,對光一是讚口不絕呢,也因此,我才好奇的看看這音樂劇的魔力到底如何,郤不會想到自己是真的愛上了這音樂劇呢!太偉大的傑作了!是真正的光一舞台,....

    26th Jul 2006 12:43 PM

    回覆刪除
    回覆
    1. 你好呀~剛成為光一fans真有福了,今個夏天光一出solo single之餘更有新kinki single~~~

      shock我買過前兩年的版本,不過因為買了日本版,本人日文又半桶水,其實唔係好知佢講咩,所以近兩次都無買,主攻光一solo con和kinki con~~

      rookie(我都係仲意叫呢個名~)之後有套同深田恭子劇…好似叫「電話刑警」,個角色同rookie入面傻吓傻吓的愛田誠完全唔同,都唔錯﹗可惜之後都無新劇了。當然本人至愛依然是上面講的「天使消失的街角」~


      29th Jul 2006 09:39 AM

      刪除
  2. 我岩岩"睇"完呢套.
    不過我到第五集已經淪陷,之後到大結局都係Fast Forward.
    我重以為呢套係愛情片,點知原來係講親情既.
    真係有D悶...
    我一路睇一路諗,光一咁靚仔,要打工還既話,點解唔去做公關?要去做沙包??
    重有個結局好慘,又淨返光一一個人,內田瓜左.

    唔知佢套搖控刑警同鳥菜刑警好唔好睇呢?


    23rd Jul 2007 20:52 PM

    回覆刪除
    回覆
    1. 沒有天使的街角:死啦,我覺得呢套野劇情超老套,但我又勁受落…哈哈哈。呢個生意係安原興業呢講算係搵錢架啦,1000yen一分鐘喎,再賺錢啲就要做非法野的說…後尾安原真係有推達郎做非法野呢清數…
      但話實,呢套野娘既程度確唔係人人頂得琪的說…

      搖控:實在呢套野光一無咩戲,玉木宏和深田公主戲份比光一更多更搶,只係光一用電話控製公主查案既劇情幾得意,要不就係一套無咩特別既查案劇…

      菜鳥:唔知點解我鐘意光一做啲coolcool地既角色,呢套野佢個角色係個熱血又烏龍既新人,感覺怪怪地。同埋個人唔太鐘意內山理明,所以呢套無咩點睇。故事都係查案野,感覺和搖控好似,只係光一既角色唔同…

      話實呢兩套我都無咩睇…我沉倫係「沒有天使的街角」囉…哈哈…
      偶然會睇吓「銀狼」和「若葉時代」,近年套做刑警的都不太喜歡,所以幾期待「壽司王子」的說~

      24th Jul 2007 16:44 PM

      刪除

要講幾句嗎?﹗XD