111棵關於我的樹

今日起來沒事做，當然又上來先拿閒逛一番。偶爾看到東邪黃藥師一篇《我的111事》 ，登時想起前些年友儕之間都流行係醫貓玩類似的醫貓講自己野。哼，反正今日沒事幹，外面又傾盆大雨，就從醫貓叢中找出將04年(5月14日)的自己和現在新舊對照(原來個醫貓都有成108條問題…且將一些太無聊的刪掉…)，再來一個無限expand﹗~

(藍字為04年的我…綠就是現在的我~)

1. 你的全名 : 哈，唔響名啦﹗而網名叫"堂本冰子"因為我超鐘意堂本光一，自己個名就叫"冰"，咁啲日本女仔好多都叫咩子物子，咁就成為我個網名囉﹗
2. 你的花名：小學常比人叫紅豆冰/菠蘿冰/葉玉卿 竟然有人話我似趙頌茹？我要似千fa…嗚嗚
3. 星座：隻子&巨蟹=精神分裂 玩星座命盤說我的智慧係雙子座，應晒啦﹗
4. 有幾耳洞: 7........嘻嘻............ 而家係8…某日差啲就穿了第9個…
5. 你有刺青嗎： 等我搵到一個整咗又唔影響我返工嘅位先 有諗過係手腕-->戴錶睇唔到，又或者手指-->戴戒指又睇唔到，咁整咗都唔怕俾人知被人鬧啦﹗但怕痛，短期內唔會實現
6. 做過最笨的事：無讀poly …F.6, 7沒讀中國文學&大學沒揀歷史/文學，隨波逐流選了商科
7. 不敢吃的東西： 太多.....本人超級揀飲撰食 蔥、昆蟲、野味…
8. 喜歡吃什麼東西: 太多......本人同時超級為食 甜的，嘻嘻
9. 喜歡喝什麼 : 可樂.......... 都仲係可樂，同時都愛莫卡咖啡和蜂蜜綠茶
10. 最喜歡的顏色：藍 藍﹗開始愛上紫，藍的變奏~
11. 最喜歡的數字：7.........lucky no 7﹗
12. 你經常性衣著：牛仔褲 , tee.......著得最多其實係converse 都係呢啲，總之係簡單舒服的
13. 最喜歡的音樂 : 無定.....安室同kinki就唔鐘意都聽到鐘意 真係無定，聽過先知，不過本人不通音律，聽歌最看重係歌詞﹗(日文歌除外…)
14. 最喜歡的電影: 無定....主打都係鐘意睇型男...煲煙....同古惑....其實我鐘意睇日劇多啲 又係無定，睇吓個故事吸唔吸引到我啦。電影最愛當然係周星星SERIES，電視劇就至愛看古裝，尤其是清裝劇，不知何解我對清朝的事物特別有興趣，而清裝又好像特別靚~
15. 最喜歡的歌手：安室、光一、hiro、 sowelu、梅艷芳、華星年代郭富城&陳奕迅 仲有陪住我長大的古巨基，近年至愛楊千FA
16. 最喜歡的一首歌：唔定...總之係我個mp3 list入面嘅歌我都鐘意 最近非常鐘意巨基的《花灑》和千FA的《有過去的女人》，舊就有草蜢的《夜了》，還有一首聽了很讓人心碎的《對一個人愛錯》
17. 最喜歡的演員：kinki, 廣末涼粉, 深田lune子, 福山雅治 (<--日本的) 本地：王喜(~)，古天樂 外國：蛛蛛俠杜比仔
18. 你的座右銘是：既來之則安之 隨遇而安
19. 喜歡看哪一種的電影類型：煽情...有msg...令人思索嘅戲 睇完會有得著的戲…好似沒有太多？
20. 最喜歡的作家：金庸........ 金老就是必然﹗倪匡、畢華流，偶爾看看瓊瑤
21. 最喜歡的卡通人物或品牌： muji, converse, puma, panasonic..... 最近愛上了XO
22. 最懷念的日子：雖然我唔鐘意shity.....但係嗰時係好開心 活好每一天，讓每一天都值得懷念﹗努力不做令自己後悔的事
23. 最喜歡的月份：冬天嘅月份...本人超級怕熱 4月出bonus喎…
24. 喜歡春.夏.秋.冬哪一個季節：冬........ 冬﹗我都唔鐘意陽光與海灘
25. 收集品 : 一屋無增值能力嘅垃圾...........而家迷上儲人地卡片 7仔啲大口仔波衫﹗會儲到有意大利為止﹗
26. 最不喜歡或是最怕遇到的話題：情情塔塔....你鐘意啲咩男仔呀嗰啲囉 我對人家的戀事確不大有興趣，是非就絕對來者不拒
27. 喜歡的運動：游乾水 絕對係打牌﹗第時唔老人痴呆都靠打牌﹗
28. 喜歡的冰淇淋種類：薄荷朱古力 哈根大師的Tiramisu，好味到不得了
29. 最怕什麼東西：煩嘅野 被人屈
30. 最喜歡的電視台：cable13台有線娛樂mud人台 很少睇電視了…
31. 如果有來世，你最想當什麼: 單性繁殖動物....... 上天自有安排，使咩我呢煩？
32. 如果可以改變,你最想改變什麼：再開朗啲...... 少點粗心大意
33. 最討厭做的事：煩嘅事 一時諗唔到…
34. 討厭別人做什麼: 賤 懶醒，好心做壞事
35. 擅長的事：咀咒人 一邊做野，一邊Email ICQ，一邊講電話，一邊MSN
36. 下一張要買誰的CD： 其實唔係cd....安室03-04 tour dvd 又係安室﹗安室7月出Best
37. 以後想做什麼職業: marketing個啲囉.....哈哈......... 想讀書多啲，職業嘛…
38. 你覺得自己十年後會在哪裡：香港囉.......日本唔受人移民架 港 - 大 - 歷 - 史 - 系﹗
39. 無聊的時候你大多做些什麼：行街睇戲買野 上網，唔使錢﹗
40. 全世界上最惱人的事：年紀一日大過一日....錢就一日少過一日 公司個電話響唔停，桌面堆著的文件永遠做唔完
41. 全世界最好的事：吹水食飯嘅日子 放工走人
42. 甚麼事你認為是最愉快: 被人讚 被人讚﹗Positive reinforcement
43. 對於沒把握的事情態度如何: 做咗先算 搵相關人士攞意見，睇吓點先做得呢
44. 如果有人誤會你，你會：鬧佢 表明自己立場﹗(心：整…)
45. 如果有人誤會你，又不聽你的解釋，你會：咒佢 公事就一定啦啦聲出醫貓protect自己﹗(心：整…)
46. 有想過要怎麼對付你討厭的人嗎: 咒死佢 恥笑佢無知，天真，too simple
47. 通常幾點上床睡覺: 11pm Average 12點啦
48. 有想過要自殺嗎：諗過吓啦....... 無無無
49. 自小無寫日記習慣，年多兩年前開始寫blog先算正式有個"日誌"
50. 鐘意寫還鐘意睇，每日食飯時間快快手食完就開始睇人家的blog
51. 無耐性，急性子
52. 想做就做，尤其是買野方面。自己一人行街係最危險，現在索性唔帶信用卡出街
53. 儲物狂，鐘意掉野之餘又鐘意儲野。所以好鐘意行X惠和X家看家具，研究如何令家中空間更見駛
54. 擇善固執，雖然我唔係處女座，但對整潔、乾淨的執著與日俱增中。近來對錯別字、錯寫野都非常挑剔
55. 怕悶，隨身物品、髮色和飾物都耐唔耐換一換
56. 手電鈴聲通常都唔係新歌(除非自己勁鐘意)，唔鐘意同人撞。通常都係舊歌或日文歌~
57. 愛染髮，啡、金、藍、紅、紫，highlight定全頭都試過，最大鑊是過一次漂到勁金，十分之MK，嚇到啦啦聲去X寧買野再染過
58. 唯一不試的顏色係黑，自染髮後每次染返黑色都有邪事發生，最多染返個好深的啡色
59. 唔知點解著平貴高低踭鞋我都會腳痛，買下一大埋著不來的返工鞋。而家老闆唔鬧就索性著converse返工了
60. 最怕對著蠢人，講佢又唔聽，聽佢又唔明，明佢又唔做…
61. 天生眼淺，看戲都可以哭得要死。喊得至慘係《京華春夢》振西死一幕、《Summer Snow》小雪知道夏生已死時和《神呀》深田恭子產女一幕
62. Taste怪雞，hit的劇/戲/歌通常我都唔鐘意，如聽歌我就愛side cut；劇/戲我又鐘意等出咗碟先慢慢品嚐，可以永遠擁有麻﹗我唔鐘意曾經擁有
63. 至愛執屋掉野，執野時會無啦啦搵番好多唔見咗嘅野，開心死
64. 無聊係屋企除執屋就係睇碟，但硬係唔可以坐定定，一定係一路打機(Game Boy的俄羅斯方塊﹗或PSP)一路睇
65. 無碟睇就開個有條線電視逐台飛，搵到有野睇為止
66. 操一口流利懶音廣東話，嚴重廣東口音國語，呢年日日講先流利的英文，還有小學生程度的日文
67. 讀過幼稚園、小學、中學各兩間，連埋間大學總共讀過7間學校，有豐富做新生/人經驗
68. 預科讀Computer Application，上堂時學會了Office、打字(雖然我而家已唔識倉頡，只會打速成)，可算係那兩年最大的成就
69. 自小就是deadline人，唔到deadline都交唔到貨
70. 記憶力於記是非、仇、娛樂版事宜都極好，但記人樣、電話等就極差
71. 識朋友第一件事就係八他/她的星座，對照對方性格和我的concept有啥不同。這星座辨證學可算是life long learning
72. 會考歷史和中國文學最高分，高過英文(Hist我是用英文考的)和中文。話說我被人點--學校收中六時如果Hist和文學高分於英文和中文可以取而代之。於是我好落力溫我有興趣嘅科目；卒之…唔夠分要搵學校轉囉
73. 中三各理科科目的全軍覆沒，所以我從來無對理科有無謂的幻想。反而對Maths好有興趣﹗
74. 無聊事件薄：中六時人人去考多次英文搏升grade我竟然去考Maths，點之出呢個grade同中五一樣，唉，唔考好過考
75. 煲劇成精的本人已不止一次比人話：讀書又唔見你咁叻，well，咁你地知點解我入我讀咗的那間U啦﹗
76. 睇波最愛意大利和AC，穩守突擊似足巨蟹座性格
77. 最唔鐘意法國隊(不止一次打走我的意大利)，討嚴程度比巴西更甚。
78. 喜歡的國家有日本，日本一定是第一﹗另外就是英國
79. 最不喜歡…都係法國，不知何解上課時歐洲史甚麼戰爭甚麼革命遠因近因都總有法國份攪屎棍，印象麻麻
80. 如有機會，我想到台北工作，不知何解我好嚮往在那兒生活
81. 理由之一當然是廿四小時的誠品啦
82. 他日有足夠金錢、時間和日文能力，一定要到東京流浪自由人一個月。不知何解我總覺得東京是個去玩的好地方
83. 最欣賞的人物有Winston Churchill，淨係把口有佢咁出口成文我都願囉﹗另外有Elizabeth I，尤其睇完《傳奇女皇》套戲後，迷上了﹗
84. 金老小說至愛《神鵰》，電視版至愛古版，劉版嘛，男女主腳演技當然非新版所能比擬，但不喜歡劉版自己加進去的情節，氣得我想打爆電視﹗
85. 愛儲電視劇VCD，古劉兩版《神鵰》，翁版《射鵰》，和黎明的《人在邊緣》都係本人至愛藏品
86. 看書基本上少看小說(金老除外﹗)，愛看歷史故事(尤其是后妃的)、散文，大學時曾狂煲商管書
87. 隨喜愛的歌手和在收音機聽到外，已很少主動聽廣東歌，注意力都放在Jpop
88. 最近買的CD都是Jpop-->KinKi的《H Album》, 安室新single 和Hiro Best
89. 儲有郭富城&陳奕迅華星時代全集，古巨基全集，特登買個高到死的CD櫃返呢擺，堪稱本人最得意的收藏
90. 偶像光一的日劇都儲得七七八八，頭號在煲當然係《天使消失的街角》，另外《徬徨少年時》(和堂本剛共演的)都非常不俗
91. 最愛行X臣氏和X寧買日用品，睇有無新野出，之後返企屋"呼"mask
92. 行過VCD店都入去睇吓，專睇十蚊區睇吓有無平野執--尤其係周星星、劉華的經典舊片
93. 曾經好迷唱K，最高紀錄一星期唱三場；更癲到會練盡所有新歌和開定聲，不過，俱往矣
94. 極度懷舊份子，一來係巨蟹因子作怪，二來有些事真的新不如舊
95. 雜誌已全面戒甩，頂唔順封面用字和某些雜誌專幫自已公司藝人踩低其他藝人，用的字眼都係極盡肉酸之能事。而家一係睇日本雜誌(or中文版)，一係睇monthly的
96. 曾經咩都要muji的，現在麻，只要平和quality好就得啦，買到平靚正的滿足感更大啊
97. 氣管極差，大風大冷氣少少都會咳打乞嚏，對吸煙的人我都敬而遠之。但潛意識內我覺得吸煙好有型，如果不是氣管差…曾經好想試試…
98. 同熟人/公司會自動波多野講，見陌生人/自己一人時就會開自閉mode，所以我一直都唔覺得自己係個會social的人
99. Yahoo & gmail都有A/C，都用來儲存無聊fw貓的
100. 鐘意講電話，但更鐘意醫貓/MSN/ICQ，喜歡這種有距離的互動
101. 鐘意搭巴士多過地鐵，唔鐘意地鐵無風景睇一味你眼望我眼。地底的感覺很壓迫
102. 但搭巴士我又好憎個死人電視，一見到架車無裝/電視壞咗心情都特別好
103. 我自己會帶書出街睇，所以從來唔睇免費報紙
104. 因為我唔攞，所以都好少攞比欄外伸晒手的叔叔婆婆
105. 至憎去迫嘅地迫，啲咩倒數、開幕、遊行通通都唔會有我份
106. 如果我會出書，筆名會叫"陸義伍"，哈，我生日﹗
107. 如果我會有個品牌，會叫做"Imperfect"，副線就叫"I'm Perfect"，鬼鼠的一個'將自大變自卑，似足本人性格
108. 好想試吓做填詞人，不過本人唔鐘意情情塔塔，係香港實聽餓死
109. 好想儲錢，但係無咩特別目標，儲咗先算
110. 為咗儲錢，而家日日都帶飯返工，成日除咗搭車外咩錢都無使過成就感真係大
111. 寫完啦~循例都要post首歌啦：我的歌 鄭伊健 (@如果天空要下雨, 1996)
     作詞：黃偉文　作曲：葉良俊　編曲：陳光榮
     
     若我將一生　高低轉變　譜出來 然後唱過去　過去目前　到未來
     善變的曲式　音階起跌　是人生的感慨 願我這一曲　不風流也精彩
     有許多風光　今生今世　亦難再 若我捉不緊　它將消散　空氣內
     故此必須將　當中曲折　用旋律　記下來 沒這憑據　問記憶　怎裝載?
     要是聲線　亦耗損　就以五指　奏下去 指尖一旦　亦擦穿　就以記憶　唱下去
     思緒仿似行雲　讓感受像流水? 如能繼續唱 　都必須唱下去
     也許天生的　很多感覺　很多情 期望這性格　替我換來　你用心的感應
     用我的歌聲　敲醒心裡　淡忘了　的率性 像那些點水的蜻蜓　那麼輕
     最好的光景　今天跟你　做人證 若有天分開　孤單的我　怎確認?
     願我這首歌　它朝可以　做回憶　的保証 讓我一直唱　讓這歌　永莫停
     能繼續唱都必須仍陶醉