(@克勤再見[93紀念版], 1994)
作詞：克勤 作曲：周啟生 編曲：周啟生
難以說出 這一剎的感受 段段舊日記憶
閃過後再從頭 八年悠長歲月 早跟你成為朋友
此刻捨不得你 已漸漸眼眶濕透
話再見 此際話再見不易 誰明白心裡滴著淚兒 我怎麼啟齒
誰願話再見 此際話再見不易 還期望跟你好好珍惜 這份情誼
仍會記起 當天我的驕傲 獨在路上跌倒 心裡頓覺迷途
你曾在我灰心 徬徨時給我勸告 令我今天感到 我現在那些鼓舞
(你曾在我灰心 徬徨時給我勸告) 令我今天感到 我現在那些鼓舞
Say goodbye Never say goodbye 誰明白心裡滴著淚兒 我怎麼啟齒
Never say goodbye Never say goodbye 還期望跟你好好珍惜
-------------------------------------
We'll always remember the Highbury days and those London's Pride!
Goodbye Highbury!
好耐無睇過一場咁溫馨和感人嘅比賽。
琴日(正確呢講應該係今朝)阿仙奴對韋根，乃英超本年度最後一週比賽，同時都係高貝利球場榮休。場波大手交易唔在講，難得班球員無因為收咧或世界盃在即而留力；球來球往都不知幾精彩。最緊要連個天都幫埋阿仙奴，可能知佢地完場後要同高貝利攪farewell，熱刺係本來領先之下無啦啦被人追番仲要輸埋；兵工廠就係咁贏波之餘仲攞埋神射手，同時保住第四和來年歐聯入場券，仲唔開心死。
完場後嘅party先係戲玉，雖然我已眼瞓得要死，但點都頂到倒數完為止。個節目rundown回顧吓多年來嘅威水史唔在講，仲請咗歷代名將聚首一堂，最高輩份嗰位仲係50年代嘅球員。雖然十有九個半我都唔識(去到80年代那幾位先有聽過個名﹗)，不過見到四散嘅gunners聚返埋一齊，個moment真係好warm，好有舊生返母校gathering的感覺，好幾位uncle仲眼濕濕的說。可惜，呀Alan Smith叔叔個牌寫錯野，應該係1987-1995寫成了1987-1985(時光倒流乎？)，看得我一頭霧水。Anyway，算啦，呢個日子開開心心至緊要﹗
高貝利，一個很倫敦/英國的名字，可是新球場因為sponsor關係用了和英式風格毫不相干的名字命名，真夠煞風景，登時更懷念高貝利。
他們farewell一個足球場似足farewell人一樣隆重，放眼香港，若然他日大球場要搬，唔知又會唔會搵位得高望重嘅歌手(琴日唱歌那位uncle好鬼似阿倫，我姑且叫佢做"英國阿倫"，因為我唔知佢叫咩名，哈哈)出呢，作番首感人肺腑嘅各別歌紀念一番呢？
p.s.講咗咁多阿仙奴，其實我至愛係AC米蘭…
沒有留言:
張貼留言
要講幾句嗎？﹗XD