某年仲夏梁fing琪

執舊碟時無意中發現梁fing琪的精選碟，心血來潮聽一吓…來到《某年仲夏》這一cut…嘩…"wohhh....once upon a summer time, 紅紅烈日大家曬"係幾咁襯今日既天氣﹗

講梁小姐，「奪麵雙琪」事件絕對係個分水嶺。

事發前呢，梁小姐外型清新可人，一套《初戀無限touch》殺盡無數少男少女(不過我主打睇陳生…哈)，呢個女仔雖然係玉女，不過佢同前輩周氏和楊氏的長髮型像不同在於佢係短髮的，好爽朗吓的。另外佢彈得一手好琴歌又唱得不錯，初出道時梁玉女的歌走民歌風，《短髮》、《膽小鬼》、《新居》呀咁都係相當舒服， 後期一點《一天一天》和《I'll be loving you》(呢首仲係玉女自己作，又加分了)更係k場必唱， 在我等友儕中是相當有人氣，男女同學都有人係佢粉絲(仲有人睇了《初》片十幾廿次…每日返嚟就y文上身：「你喇叭？我喇叭…」((y文係演陳生的同學，你驚唔驚﹗))btw，這真是一部不可多得的純愛片，好清新，未睇過的朋友真係要睇吓啊﹗)

事發呢，很記得老師當年有在堂上拎出嚟同我地分析，大眾係外人，當事人之間的情愛事我們知啲唔知啲，其實真的很難去comment誰是誰非，老師一句「牛唔飲水唔gum得牛頭低」 conclude成件事，係喎，個女既幾好勝，男既唔點頭都無用架﹗呢件事我覺得梁玉女幾慘的，全世界都blame佢搶人男友，個男既呢？竟然係置身事外仲可以輕鬆話人家好勝…唉。

舊事就唔提啦，其實我比較喜歡梁玉女早期的歌，事發後的《kiss me》都唔錯，之後的《逼不得己》、《身不由己》、《好時辰》，然之後都佢轉做創作歌手既《花火》、《灰始娘》(呢首唔係佢寫的…好似係彭海桐寫的…)就麻麻了，點講呢？好像特登將流行曲元素(係乜元素？聽一次林狗的《流行曲》吧)擺埋一齊，話題總係失戀我很慘，副歌總係要chur高音…都…幾煩的。有一刻我懷疑梁玉女係想在歌壇收復失地，證明自己的實力呀咁。那水佢作俾李克人的《高妹》都相當hit吓的說。較近期的我喜歡《北京之夏》，其他歌都沒有印象 了…而家啲新聞次次都係同邊個老外拍拖…悶死人了…

睇番cd櫃原來我都有好幾隻梁玉女的碟，記得當年好鐘意聽 《today》隻碟，之後就買番兩隻2000年出的精選，之後01、02年的《花火》和《Suddenly this summer》都有，仲有兩隻都唔知有乜歌(aka：我懷疑我無聽過…)的國語碟。啊，碟數嬴咗陳妖lone喎…

btw…其實睇《初戀無限touch》時覺得梁玉女和陳妖lone真係好似孖生兄妹…。其後睇《愛與誠》就真係感概啦，歲月催人老，明明細啲既梁玉女看上去居然俾陳生更殘…點算呢…囧。(《愛與誠》都好好睇架…呵…)

聽一吓吧，《北京之夏》唔錯架﹗

講起梁小姐一定要講陳生：佢都係集體回憶~陳曉東
另一篇：梁fing琪《香港G夜》演唱會