梁fing琪《香港G夜》演唱會

因緣際會有機會看，整個show水準比想像中精彩，真不枉我miss了第一集《華麗明星賽》。

• 其實沒打算看的，因為朋友的朋友有免費飛，仲要480，不看白不看。坐低時…嘩﹗超近﹗可惜我沒帶相機啦，用瘋瘋拍了幾張都拍得不好，浪費…
• 因為前一個星期看到梁小姐上無記個節目…嘩…啲高音真可為嚴夏帶冬極寒感覺…很可怕…。到個show前幾天朋友問有飛去唔去，抱著掃雷的心情…我去﹗
• 但演唱會中梁小姐明顯唱得比節目中好…(是要拉低個expectation嗎？)
• 480區係滿晒的，但山腰到山頂就重災了。大家邊看邊fb時發現有幾個友人(或友人的友人)都在場看，一問之下…大家都係拎免費飛的…真係聞者傷心聽者流淚啊…
• 又咁，480區的氣氛係好高漲的，前面有個哥哥仔high爆的係咪都大叫「gigi~~~~~~~~~~~~」(好像被插了一刀發出最後呼號咁)…很可怕…
• 歌呢，無乜唱到個節中話為乜乜和水水作的大作，反而選了很多耳熟能詳的，前奏一響起就不自覺「呀﹗係呢首啦﹗」(謎之聲：救命呀…十幾年前囉…嗚…我老了…)
• 梁gigi初出道的《死心塌地》、《膽小鬼》、《短髮》、《某年仲夏》等，奪麵前夕《i'll be loving you》…首首都係當年飛佛呢﹗90年代原來已經離我們很遠了…
• 《死心塌地》有個笠了熊仔頭的哥哥仔望住另外一個熊女和另一個熊仔相愛，自己就得個望字…很中啲歌詞啊﹗~啲舞和歌串埋係一個故事，由苦入甜…那幾首歌看得最開心~
• (雖然而家聽番《家有小熊》好似有點…超齡扮可愛的感覺…)
• 歌曲編排和啲歌舞我覺得好過02年那次啊…(但其實隻vcd我只看過一次…哈)
• 梁小姐間場講埋啲舊愛而家未來啲說話有點廢up…
• 友人話佢之前睇了K姐個演唱會(詭異﹗)，佢話k姐套套衫係唔係都bra top很可怕…。今次梁gigi啲衫真係得，靚﹗正﹗
• 勁歌熱舞那一part…sorry，除了《bad boy》外…其他都唔識之餘，仲要佢唱緊乜唔知，廣東或國語都分唔到…很可怕…
• 雖然入座率是比較…um，但場內氣氛還是很好的~
• 《花火》怎麼不彈琴呀？
• 上年鄭生在馬交的演唱會唱唱吓歌有人求婚，今次梁小姐又安排歌迷求婚？﹗下次鄭生演唱會使唔使叫歌迷行埋禮呢？

楊charlie和李心潔在熄了燈後先入場，但佢兩個一入場大家就woooo晒去望後面，台上發生乜事都無人理咁…好攪笑…

不過佢兩個真係好清秀吓…不如上台jam番part《全城來吧chachacha》+《愛之初體驗》+《新居》mega mix丫﹗


我真係有買度上個演唱會既碟架﹗(詭異﹗)不過佢那水做才女，《高妹正傳》、《灰姑娘》、《他喜歡的是你》我都唔鐘意…

雖然演唱會表現是不錯，但叫座力就…可能已嚇怕了製作單位了吧？﹗囧

曲目

舊文：某年仲夏梁fing琪