近期飛佛：欣宜與紫琪

首先我想問，乜而家好興雙手掂住bow tie擺pose嗎？做乜一連三隻碟都有呢個pose呢造型照呢？

(泳兒個表情令我有點不安…)

其實我只對中間那隻碟有興趣啫…哈哈…


最初是從電台聽到派台歌《有故事的人》，感覺是有點用力，不過歌詞講既就係啲傷春悲秋感情事嘛，出來又幾搭配喎。一聽之下再聽埋整隻大碟，或者是我口味問題，我不太受得情感太豐富的演譯方式(如以莫華倫腔唱j家少男情歌)，連埋《有》歌，一連幾隻《兄弟》、《半份關心》、《說不清》都係差唔多既苦情歌就有點吃不消了，聽番《畢打自己人》首主題曲《無人完美》時呢…輕輕快快咁幾舒服呢…國語兩首歌發音(可能佢加拿大讀開書講英文多關係？)怪怪的，skip，最後一首英文歌都有skip的意圖…卒之loop得最多就係《有故事的人》…哈哈…

即係呢，睇得出呢位小妹對演藝事業好有熱誠，從前被熱捧捧出禍，而家慢慢做起，感覺是越來越良好的(《七日情》個肥妹仔記真係幾得意架﹗)，聽完呢隻碟感覺係佢唱功是有一定水平(得到喜爺肯定喎﹗)，或許有機會出碟就想show多啲咁…其實使唔使咁用力呢？﹗

anyway，在天國的媽媽見到個女咁生性應該很安慰呢…

另一篇：有感而發之欣宜

*********************************************************


紫琪妹有才華有唱功外型又夠sweet，就係鐘意唱啲激情澎湃的歌，就剛剛係我最怕那種，於是很少認真聽(唔係mag唱《a.i.n.y》我都唔知有首咁既歌咁)，最近聽佢首派台歌《我的秘密》…咦…有驚喜喎﹗

首先承認小的無聽過紫琪妹舊碟的sidecut，上面說佢成日唱嗌歌係sterotype來的，咁之前派台的《get over you》又真係幾嗌架喎…umum。傷春悲秋可免則免啦，我鐘意開心的《我的秘密》和《say it loud》，另外《good to be bad》幾有型，聽來聽到都係呢幾首…XDDDDD

人說英記簽了MAG會為紫琪妹帶來威脅…咁又真係要睇吓英記點包裝佢，古有容天後今有fing兒，sell唱功之餘咪又係唱番港式情歌，紫琪妹多多樣handle西洋曲風喎…就睇吓英記計過度過後會點包裝MAG妹啦…希望唔好攪到佢有頭威無尾陣(有無記頂住唔會掛？﹗)…或者現下第一個受威脅既應該係月米糕…囧﹗

*****************************************************

現下鮮奶又好似穩定番…咁我可以唔使搬了吧…篤…其實新竇那邊係仲未執過…囧﹗(後按：新竇卒之都係走番返嚟blogspot了…究竟而家叫blogspot定blogger呢？我亂了﹗)