4年前…

4年前的今天既11點17分，我應該係帶點不安又緊張又興奮又期待又茫然的在和人ICQ，因為第二天係星期一，要返新工了。

更加估唔到，第一日返工已經要8點放工了，果然好既開始係成功的一半。

沒想過會待上這麼久，其實第一日的lunch前已經收到另一個offer的電話，可惜是份temp job，而我…是貪求安定的膽小鬼…；anyway，回頭望我想我是幸運既(回帶：畢業後我就覺留喺商大無夾硬轉校/系係英明決定啦…哈，我系真係搵到啖 飯食架﹗)，雖然呢份工有很多奇人奇事讓我哭笑不得，簡直係挑戰本人本來已經低既eq極限…。但諗番轉頭辛苦得來係開心既，有型無型的得著(無型的比較 多…今年凍薪…um)讓小的很感動，因為小的係冒失鬼，一緊張受壓就容易出錯，老闆和同事包容俾小的去試去錯，還真的要多謝他們。很多激氣事事後再拎出嚟 睇，煙消雲散變笑料一則，諗番苦中係有好多樂既。

我常諗工作的真諦係乜…為搵啖飯食？為出人頭地？還是為咗學以致用？﹗ 於我而言前提當然係搵啖飯食，唔搵邊有得食？西北風不會吃飽人啊。呢個時候不自覺諗番alevel中化的一篇《人生的意義》(雖然我oral F咗，但我讀本份paper拎A架﹗)，講到人生的4個層次：物理層--生物邏輯層--生物文化界--真善美，滿足咗最基本的原始需要後，就要滿足內心， 讓自己覺得自己真係有存在價值(永遠忘不了畢業後失業的半年，自己係頹到乜鬼野樣…了無生趣到娘親勁驚我會自殺囉…)。呢篇野當年上課時就讓本人諗咗好多 野，究竟讀書(或而家做野)係為咗滿足乜野層次既需要？…(年青人總係多愁善感愛傷春悲秋呢…)

扯得太遠了。即是說，滿足 完物質/生理需要後，心理的感覺也良好起來的話，內心會很踏實。頭一份工就係二打六得濟，人家都在忙死的時候，自己就hea著hea著好似遊魂野鬼咁返工 等放工…，好恐怖(所以…咪要轉工囉…)；太辛苦不好，太嘆又讓人徨恐不安，生物文化層真係好難滿足，更莫講真善美…。話說回頭，點樣先係一份好工呢？人 工高福利好很難求了，和自己興趣專長match得來的也難尋…。諗來諗去，為咗乜層都好，總之我要食，也希望自己能發揮一吓所長，既然這裡都有點空間容得 下，好好幹下去好了。

知足常樂呢。我愛我司﹗(呵…)