正能量之歌

慢慢，很怕啲傷春悲秋(aka無病呻吟)的東東，做人做事已經多煩惱野，聽歌睇戲都係為relax一吓，對多啲正能量既野…不好嗎？

藍奕邦 《向前走》
「再痛也要繼續去向前走 怕了再去奢望某某營救 停留原地踏步倒不交出氣力搏鬥」

同碟幾首《獨行俠》、《時候尚早》都很有意思的，人生在世不如意事係十常八九。邊聽《向前走》會邊諗起《烈火3》堅叔和阿牛的一段說話，如果死都要執住兩個拳頭，到最後自己剩番的就可能只有呢兩拳，有時，係要學識放手先得既…

何韻詩 《可可》
「你若有異能即管發送 你是哪種俠 寧願你信」

人人英雄自勉之歌，超喜歡一句「話我蠢，還是信，神力天生總有用」，我相信李白叔叔教落的「天生我才必有用」架，所以「千金散盡還復來」…咁咪…卒之…無乜儲錢的…死了…嗚(此碟的另文乙篇…)

Michael Jackson 《Man In the Mirror》
"If You Wanna Make The World A Better Place Take A Look At Yourself, And
Then Make A Change"

這首的歌詞可以拎出嚟做speech的quotation囉。天助自助者，與其等天打救，不如由自己嚟吧﹗

陳奕迅 《New Order》

「我這六年　一天一天　聽酒客　自語自言  怨氣震天　即使我　越聽越厭  我卻笑著　前來賺多點錢　來年讓我　去開間花店」

其實真係好激勵人心既第一首諗到一定係《今天等我來》，不過吓吓post這首都好悶吧。攪攪新意思post《New Order》吧﹗上面貼的這一句簡直係我的situation呀﹗哈哈哈﹗well，工作如果吓吓諗成係苦差就真係好苦的了，試著掉轉諗，份工是一個channel俾我賺到我需要的($$$和技能)去實現期後更多的夢想，咦，咪幾好﹗「我信我　這雙手很有用」架﹗

李克勤 《命運符號》

「今天到老　我像那跌不到　我想做   做我命運符號　用我力鋪我路途  只盼我有日會在星夜裡  那天我會　含淚說聲　我做到」

呢首無《紅日》咁hit，但激勵人心效用都好work的，考試時候應該聽一聽…

張敬軒 《My Way》
「小時候受傷有人心疼失落有人安慰 現在遇到困難自己就要學會面對」

雙失年代打氣歌(？)((又說這首在吾博曝光率是相當高的…))，當時會聽到喊的…而家聽番依然百般滋味在心頭，呀，大家都長大了…又要唱了：時日如飛…今天在我心裡…是充滿不退的記憶…(這是陳百強的﹗哈)

容祖兒 《舊日回憶的山丘》
「明白經歷太多樂與悲我永不可操縱 讓記憶中只記最好忘記當中所有痛」

呢首其實有點sad的…只是現下香港一下子拆這個拆那個，甚麼都捉不住似的，聽著聽著會不自禁對號入座的…(題外話，02,3年時期的容天后…其實啲歌都幾好聽的…)

古巨基 《驕陽》
「患難亦同往 冷暖也共闖 若是迷茫人亦覺開朗」

簡單來說，這首是古眼神(未進化)版的《紅日》或《強》…(還是應該貼番《藍天與白雲》？woooyeahyeahyeah~~~)(16/12/11後按：搵唔番《驕陽》的片源，聽住《藍天與白雲》頂住先啦…篤…)

郭富城 《是個真我》
「從沒有計得失　從沒有信天意　做個真的我 遇挫敗又如何」

(這首和《冰山夢美人》是小的在《狂野之城》這張碟裡的飛佛，大推架﹗)…umum…我唔會貼《強》咁行貨既﹗哈哈。well，這首可以點俾芒果小姐聽喎講開又講… (土豆實在太強大，呢啲應該無乜人識的騎呢sidecut歌都有﹗)

甄妮 《奮鬥》
「寧願奮鬥到百千次 創出幸福快樂鄉」

讓我請出重量級的甄妮姐姐壓軸﹗話說某次plurk時plurk友你一句我一句的唱這首…哈哈哈，我笑了﹗話說回頭，這首和《命運》及《夢想號黃包車》都好入腦的說…聽到第一句就會唱埋落去的…啊﹗點解呀？﹗

***********************************************

正能量呀﹗加油呀香港人﹗

(某博友的玉手又出現了﹗哈哈哈)