古裝片之歌

為懷念剛逝世的陳鴻烈，我決定貼一貼本人最熱愛的左冷禪為首(五嶽劍派係佢做第一任盟主架嘛﹗如果我無記錯的話﹗)的《笑傲江湖》主題曲《活得瀟灑》…左盟主呀﹗左盟主…

點解我咁記得左冷禪呢？﹗其實係a-level校內mock CLC 口試抽中了一題《真小人偽君子》，小的講到一塌糊塗，老師就示範啦…丫…佢竟然拿岳不群和左冷禪來做例喎﹗車…原來講小說都得既…(車，知又點…咪又係肥咗…)，well，無睇《笑傲》的朋友，有無睇《豬光補氣》？宋世萬和賀峰都係similar case，戲如人生人生如戲呢。

Last but not least，大閆生，R.I.P。

唔爭在，繼續貼。

講開《笑傲江湖》不得不貼一貼這首《滄海一聲笑》吧﹗

《東邪西毒》的主題曲《一生有意義》，三部曲我最喜歡中間一部(我喜歡曾江uncle嘛…哈哈)，首歌又無《世間始終你好》咁紅呢，初看劇第一次聽《人》曲時覺得很新鮮喎﹗《射鵰》都唔係吓吓要大仁大義hehe哈哈咁既﹗(當然，成套劇最爆都仲係那個唔連戲服的「降龍十八掌」…囧)

另，此片中的「邵氏《射鵰英雄傳續集》」係咩嚟架？﹗(15/12/11後按：之前條片死咗啦，而家貼的是另一條片了…)但又好奇怪，明明無字幕無對白無乜無物，一睇又會知係楊康死的那間破屋(aka：《射鵰》本書我都有狂煲過的…)，仲有那隻擰開機關的碗﹗﹗﹗

95《神鵰》的主題曲《神話情話》，歌詞將「情為何物」這題發揮得很好的，講完愛是甚麼，又會問為何人會為愛又癡又狂，很襯合劇/小說中人為愛而做盡的合/不合情理的事，真係好貼題的說﹗~(看到嘛？我真係好鐘意這個version的﹗~哈哈哈)

出得《射》、《神》就唔爭在貼埋《倚》。實在當年很迷93年的台版，而家睇番…馬生係咪有點演得太over了呢？﹗哈。也許這是他的史大奧啦。除了人腳(主打係周海味啫…我係周芷若幫的)，最熱愛又係首主題曲，喺9字頭出品之中，算係最有古裝片feel吧？﹗很喜歡一開始的中樂intro的說…。

82年《天龍八部》主題曲《萬水千山縱橫》。氣勢係由第一粒音就傾巢而出，好難唔諗起梁家仁師傅出嚟大叫「我係契丹人」呢吓野。講開這首歌又有一個故事，話說某年上上吓history堂，阿sir問了小的一個問題(唔exactly記得，總之係關乎清朝種族關係的…)，小的答了「滿漢不和」啦…佢居然無啦啦被trigger了喺度講《萬》歌的歌詞「卻笑他世人妄要將漢胡路來限」，然後說我眼光狹窄…天呀，好明顯係借題發揮啦佢…

《江湖笑》，又是一首很喜歡的周華健歌~。一路以為係鵬哥的《笑傲江湖》片尾歌，但search一search先知…係王曉明哥的《神鵰》啊﹗咁唔關事既？﹗睇電視時lap過吓好似係有個滾石男人合唱版(仲有我至受不住的成虫大哥添…囧)，呢啲咁豪氣既情懷真係似《笑傲江湖》多啲喎﹗另，張靚穎首《天下無雙》都是很好聽的﹗

劉華大帝和梁影帝的《鹿鼎記》…講咗好耐都未睇﹗反倒是很喜歡此劇的《始終會行運》，做人做到可以「任上天引導我行，隨緣覓夢歡笑真」就好了﹗

郭天王《赤腳小子》片尾曲《留下句號的面容》，這部可說是當年郭天王偶像片中一部異數，居然是相當正經…結尾又相當慘情兼又頗警世的。留下句號者係因為男主角係窮光蛋兼文盲，從鄉下赤住腳咁出嚟，出到大城市地見過世面就被五光十色酒色財氣迷住，以為自己可以升價十倍啦，點知誤入歧途卒之恨錯難番，臨死前想做的就係著番著鞋…嗚。這部都係郭天王搭吳倩蓮，好睇過《天若有情2》好多…

最後請出我細個時很熱愛的警我司兄(關生喺《豬光》演阿發都幾搶架﹗)出場﹗其實《蜀山奇俠》的劇情我係重溫時先記番，成套劇我只記得警我司兄的兩條尤如公仔麵的的水，紫青二人的飄飄薄紗戲服…同埋…首主題曲《年少無情》幾有型幾好聽的﹗

舊文：我們的主題曲
我看金庸小說1~電視劇篇 (這個系列本來想寫埋小說，同埋角色之類，扮晒吳藹儀的《金庸小說的xx》系列咁，不過爛尾，最後只寫了一篇…哈)
*****************************************************

發生過琴日的無save成篇文無咗的意外，我…今次…係…post完一首就save一次…唔好玩我啦﹗嗚…