數手指之歌

係呀，今次係玩數字呀﹗哈哈。

這晚…這晚會暖到爆炸﹗~Uncle George的《10分12吋》﹗yeah~~~~
(呢篇無啦啦被食咗的文點解會無啦啦復生番既？﹗囧﹗)

聽完呢個medley，古眼神和容天后個《狂串樂基兒》真係無得揮呀﹗(不知何解我的k友好鐘意點這首的說…囧﹗)

Kinki Kids 《99% Liberty》~其實唔係諗起呢歌名都唔會睇歌名囉…(還是應該貼番啲耳熟能詳的《9999支玫瑰》呢？)

薛凱琪《886》~seriously，我對費公主係偏心的，同一首歌如果在k姐、t姐、史姐或少女大帝主唱的話我一定大叫唔好同埋話俾可信任的人聽，但費公主唱我又覺得幾得意…配埋啲疑似觸電的舞步…喂，真係幾得意喎﹗就話886女生想得到最好…~~~~~

盧廣仲《七天》~七天﹗七天﹗再給我七天﹗老闆，俾多7日我﹗改變需要勇氣改變呀﹗如果真要改變，那麼再給我七天﹗最近超愛的一首﹗哈

鄺美雲《星期六約會》~呢首野會突然唱又突然獨白，不知何解我的姨姨很喜歡擺生日酒的茶樓度點嚟唱(？)((正經的《再坐一會》和《只有情永在》佢地都有唱的…哈)…囧﹗這首《星期六約會》我是從小就會唱…我覺得…和《攝石人》、《熱愛CAN'T LET YOUGO》等有得揮咁攝人心神…(近代的…我會諗起《CONTROL》和《身體語言》囉﹗嘩哈哈…同類來的﹗)

SHE《五月天》~我常把這首和《謝謝你的溫柔》掉亂了…怎麼聽極都仲未有飛落海合唱既？﹗

郭富城《第四晚心情》~ 知否？在今夜心聲﹗知否？第四晚心情﹗登登登登﹗啲「登登登登登」係重點﹗~~~~

楊千嬅《三分鐘戀愛熱度》~係咪個個女歌手都要有首怪怪雞的快歌既呢？不過幾順口幾好un的，聽完實記得個歌名咁囉。講時講，呢個演唱會可說係千fa在A記最出色的作品…但
卻唔出碟…真係諷刺…。賣街的卻是一張比一張騎呢的碟…呀。首歌中間怪攪黎老闆的《我的親愛》很爆笑﹗呀…楊古丁係演唱會那水爆出嚟的，古係流的，丁先係真，umum…

應昌佑+衛蘭《24》~仲有無人記得A記曾經有個男仔叫應昌佑？﹗話說睇完《大城小事》後聽到片尾曲《我是否還愛你》覺得好好聽…但歌者卻名不經傳。之後才知佢簽咗黎老闆的公司，仲放棄本來的正職做歌手…可惜攡咗鬼咁耐先出碟，而碟來的歌又…唉。而家Janice都越攪越唔知想點…睇佢個yoga封面…囧﹗都係聽番舊歌啦…阿昌佑哥隻碟除咗呢cut《24》仲有首《逢星期四》(都係四？)也不錯的﹗

鄭伊健《一個為你甘去蹈火海的人》~呢個演唱會版…勁舞一輪…無啦啦變番超慢版…哈哈哈。呀，本來有人肯和我一齊去睇風師弟的演唱會，點知原來演唱會那兩天我都要外勤﹗係我睇唔到囉﹗我不依呀﹗風師弟，你一定要加場呀﹗師弟求你等我，無人能阻我…~~~~~

yeah，呃完文﹗以上。