191209風師弟全城效應

覺唔覺，最近突然多咗好多人講鄭伊麵？

話說…十一月上下和朋友講開，竟然有堆人有興趣看…囧﹗大夥兒決定去買飛時卻發現唔係有人要OT(即係我…)，就係唔得閒，勉強湊人去看19號…卻沒有連位了﹗沒有連位﹗驚奇不驚奇﹗當晚開FB又發現很多去看的人大讚特讚，唉呀…我無得睇呀﹗

由於無演唱會睇，我走咗去睇佢既新戲…唉…中招﹗

和友人說起，大家都未必喜歡鄭生(他的演技和歌藝，跟他的容貌一樣都keep得相當好…)，但佢既歌影視作品在我等90年代成長的一群心中卻佔著一個位置，戲唔鐘意睇《古惑仔》打打殺殺咩，有浪漫輕鬆野《百份百感覺》丫(最原始的版本係配鄭秀人的﹗)，低低能能得啖笑既咪睇《Bad boy特攻》(其實我有好認真的睇…哈)、《我老婆未夠秤》(但阿sa當時已經夠…)、仲有終極無聊的《男兒當入樽》(死囉…我真係好無聊…呢套野有古天樂和郭藹明的﹗)

歌真係唔好講(我見過幾個男生憑佢既歌傳情達意((《感激我遇見》和《一生愛你一個》))，不過成唔成功就…哈哈…)，雖則鄭生的歌藝真係平平，但當年和邵小姐的直深宣言真係助力(不過後來變了阻力)不少，然後留個三上頭又真係覺得佢型咗…鄭生一度直逼許志安和李克人攻上第五天王(呢個term當年好熱門的…)之位，都夠奇掛﹗不過又咁講，應該係歸功幕後人揀歌揀得好，曲詞質素不俗又夠pop，最緊要就番歌者的歌藝水平，大家聽得舒服，去k場又唱得舒服，咪幾好囉。(有一水…去親旺角都有人煲緊《極速》…頭搖又尾擺…~~~~)

好像舊東家SORRY/BMG最旺佢，去到英記直到而家的乜鬼《新歌》…真係聽極都唔入腦(英記我只記得《一個人戀愛》，《爸爸的汽水》都好似係那水的…)，不過無所謂啦，大家都係聽佢啲舊歌，好似啲懷舊演唱會咁，新歌無人"hau"架﹗
唉呀…今次演唱會居然有唱我最愛的《愛難留》…我不依呀…嗚…

(注意下面好多劇透﹗仲有狂踩的說…)

既然睇唔到演唱會，咁諗住去支持風師弟既新戲啦，嘩…我想話真係…唉。同樣係98年第一轉，09年rerun，乜《烈火雄心》係咁，《風雲》又係咁。呢套第二集，原著我沒看過，人物關係認知咪停留喺上一集囉。真係唔睇都唔知原來風師弟心中所愛唔係孔慈，係第二夢喎(咁上一集又同雲師兄搶嚟搶去？﹗)…umum，即是說呢，個故仔其實簡單得很，就係風雲二人再合力去打大佬，但佢地梗係唔夠人打，就周圍搵人去教路，雲師兄得無名啟發佢霸劍(霸的英文…竟然係ba﹗和有睇的人講起大家都ba笑囉﹗)，風師弟就為增強功力不惜入魔…umum，個故事大綱和上集咁上吓啦，穿插吓啲奸佬點奸，啲男主角又點對啲女角鐵漢柔情咁咪夠撐兩個鐘囉…supposed…

據博友說此片為了逞現原著漫畫的感覺，用了很多定鏡俾主角擺pose，睇公仔書可以俾空間讀書去想像喎，但電影就覺悶場…跟住個奸佬和奸仔二人行行企企食飯兩味，兩個男主角除了打生打死就係打生打死，兩個so-called女主角功用係發聲：「風大哥…~~~~…雲大哥…~~~~」…也是行行企企食飯兩味，打大佬又無乜舖排，一吓子就死咗…啊？死咗？咁點呀？…sorry…完咗啦套片﹗

上一集都有舖一舖兩男角跟孔慈的青梅竹馬之情，同埋楚楚救咗雲師兄點樣暗生情愫，今次楚楚人轉咗，但都叫接住條line解釋到點解會跟住大隊，但第二夢就有啲攪笑，無啦啦走出嚟就join咗…啊﹗原來佢地約咗喺聶家村相會…啊﹗乜有啲咁既事﹗之後點解聶家村係《阿凡達》個熱帶雨林嚟既？﹗點解呀？﹗

我想問本原著公仔書係咪都係咁講啲唔講啲架？﹗

成套片，真正的主角應該係無名。

最後我想問，既然用咗咁多CG去畫場景，點解要山長水遠去泰國拍呢？去西貢拍都無人知架喎…

和《烈火雄心》一樣，原來最好的已經放在眼前，新不如舊真係新不如舊呢。

唉…我好唔滿意呀，我想睇風師弟演唱會又睇唔到…嗚。據說出年六月會加場，我要睇我要睇我要睇﹗

舊文：鄭E面(+我最喜愛的十首)
卒之…我是看了rerun的馬交版…又睇了2011年的演唱會…好癲啊﹗