TBB繼續GOOD SHOW~10年節目巡禮

我真係太期待節目巡禮啦﹗期待著第4年寫呢篇文呀﹗嘩哈哈哈…

一如以往，先來個對照先﹗

劇集

飛女正傳~拍就拍咗…但未播喎﹗今年巡禮又無擺到出嚟…會播的吧？

學警雄心3~學警狙擊~睇了一點，上年我說「謝天華做的大佬…個名叫Laughing哥…好唔型囉…(不如叫番大天二…)」…啦啦啦…都說我係小眾眼光架啦，我唔好的野都會HIT架﹗

鐵馬尋橋~唔覺有這樣一部劇拍過喎…

古靈精探2~無睇過…

巾幗hill雄~都話我無睇就HIT架啦…我要睇番我要睇番我要睇番呀

金錢誘罪~即係而家既《富貴門》，雖然我都無睇，但我有聽(家母在睇…囧)，晚晚都聽到家燕媽媽在驚呼狂叫…好驚呀…

宮心計~上年預告有伍姑娘和陳法拉架喎﹗(又係一套我無睇又大HIT的…)…但…成班女人集集出嚟嘈交好鬼煩囉…

蔡鍔與小鳳仙~原因不明，總之最後無睇到…(但無HIT喎？)

烈火雄心3~每睇一集就眼冤多一分。睇完，我決定以後逢有鄭視帝和胡囧都會轉台或熄機。


天與地~想問…係咪即係陳豪扮band友，和蛇視后拍緊那部？烈爺的遺作？﹗

綜藝及資訊文教節目：

蘇good 2~我娘很喜歡睇…但我沒看過…

咁至識食~莫錦樹醫生聽講很有人氣？﹗但我真的不喜歡看周汶肥

日日有食神~多謝令我有一篇很高收視的文﹗

真實謊言~唔覺有這樣一個節目﹗

味分高下2~因為睇《烈火3》所以望了少少，好核突囉啲遊戲…又食又吐的…

現代塵世美~沒有看…反而記得周麗肥有個去日本的節目…因為佢啲好「文藝」的對白和充滿感情的聲線…聽到毛管棟…

89日記~有這樣一個節目嗎？

尋找人生的幸福~回顧從1967開始41年來的民生大事<--即係《從1967開始》？﹗咁早播鬼返得切屋企睇咩…(雖然係可以上網睇番既…)

你們我們他們~OH…有這樣一個節目嗎？

建國六十周年節目~好似係有的…

省招牌靚菜~真係有呢個節目出現過？

全國大民調~唔覺眼有喎﹗

60月環遊祖國~唔覺眼喎呢個都係…

總結：因為《烈火雄心3》和《BIG血鹽HILL》…我今年無啦啦睇番港劇(奇乎﹗我成大半年無睇過日劇了﹗)，啊，如果要選一部09最佳的劇集…我可以選《珠光寶氣》嗎其實？﹗哈﹗

*********************************************************

好了，下年會播的東東：

劇集

刑警~黃日華, 三哥, 胡定欣, 宣萱, 黃德ben

甚麼連環命案，跟住黃日華坐完監又復番職做警察，好似好奇情曲折咁(其實有點《五虎將之決裂》feel…)，不如叫埋劉uncle和湯sir來客串丫﹗

武偈大師~巴士高, 徐子珊, laughing哥, 陳錦鴻

這部野都很奇情，一時是laughing哥去打生打死，一時又同徐子珊激情一番，之後又有巴士高演和尚去點化世人…即係乜嚟架？﹗(其實真係唔鐘意啲食字劇名囉…)

隔離七日情~歐陽波比, 胡囧囧, 林保怡, 郭羨妮, 陳鍵鋒

甚麼從七日身不由已的經歷中搵到人生方向，又有溫情又有笑聲的，應該係部ok的小品吧。但有兩樣野唔ok，一係…胡囧姐繼續以佢紋身似的smoky eye演援交少女…係咪有點太超齡呢？﹗(都話唔想睇佢大姐囉…)二係…隔離事件係今年前半年發生既事啦喎，到出年先播咪攤凍晒囉﹗

五味人生~郭晉安, 關詠荷, 米雪

又係民初野，又係家族劇，不過啲人腳配搭都幾吸引既…同埋呢套好似真係開拍咗的。

談情說愛~楊怡, 林lone

好話唔好聽，《神探伽里略》有福山喎，咁點解要睇let's get wet既A貨呢…(恕我太坦白…)

蒲松齡~馬浚偉, 鍾嘉欣

又係一套拍咗既喎。如果呢套擺8點半播我9成9睇唔到。雖然呢啲傳記片應該都OK好睇既…

女拳~劉璇, 姜大衛

莫桂蘭…黃飛鴻最後的女人…甚麼撐起半邊天的…um…要觀察…

囧探查過界~喜爺, 鍾嘉欣, 胡二少(即係黃浩然呀…哈哈…)

唔知到出年仲有無人講囧和0靚模呢？﹗我很期待架﹗睇到鍾嘉欣的瞓身演出(佢大叫「唔係阿fa」和飛撲向林lone poster大叫「林lone」呀…好好笑﹗)…我覺得會好好笑囉﹗(怎麼我只說Linda妹呢…其實看點是兩個男角喎…)

摘星之旅~林lone, 巴士高, 葉童, 劉松仁, 梁靖琪

巴士高又係啲貪錢不摘手段既年青人？(aka《珠光寶氣》)林lone又係正直青年？(aka《家好月圓》)，又係中港合作？(aka《歲月lone人》)觀察，觀察。

公主駕到~陳豪, 菊姐, 胡二少, 蛇視后, 馬某明, 陳法拉, 鍾嘉欣

古惑駙馬戲公主, 應該係笑片喎﹗睇promote應該幾好笑，如果真係會拍的話…

法證先鋒3~鄭視帝, 歐陽波比

轉台。

根葛hill雄之義海豪情~柴9, 4奶奶, 二少, 惠英紅, 胡定欣

廣州煙檔生意，又嚟打仗，好亂世兒女feel。同埋好耐無見過喺電視有角色食煙囉…好奸既小姐呀4奶奶…。估唔到呢條片會有二少喎，《根葛》crossover《big血》﹗﹗﹗(即係唔太知個故仔會講乜，求其打啲野喺度先啦﹗)

(博友說怎麼沒有阿姐,杜文澤和hocc拍的那套《女王_ _室》((我忘了名字…))，係喎﹗點解無咗既？)

綜藝及資訊文教節目：

活著(何守信, 徐子珊等)~空前鉅製…睇番以前人既生活搵番人既意義…但…做緊啦喎？

正識第一(張繼聰, 鄧honey)~又係錯字識別小組嗎？

獎門人變身世界遊戲王~去世界各地玩遊戲王喎…SKIP

荃加福綠壽(阿姐, 阮兆祥, 李思捷, 王祖藍)~扮0野野，係出盡力扮的話應該幾好笑架喎﹗

超級巨聲~更勁歌藝較量喎…但我一路都無睇過﹗哈

上海世博展館行~就係展示世博的一行了。

尋味葡萄~真係捧巴士高喎，無啦啦都整個節目俾佢做主持，咖啡就話會諗起陳MOSS，但紅酒我真係linkup唔到巴士高先生喎…

星星同學會至尊版~

好了，又係放長雙眼睇吓有幾goodshow的時候了，出年見~~~~byebye~

好無聊的我，居然寫足4年了：(26/12/11後按：係6年呀﹗囧)

07節目巡禮
08節目巡禮
09節目巡禮
11節目巡禮
12節目巡禮