心在香港四十年~無記08節目巡禮

啦啦啦，有文為證走在最前之無記劇集，先來回顧吓07劇集，再mark低08節目，一年後(若我還在寫的話…)再來個對照﹗﹗﹗(09後按：很不幸我真係有寫下去…卡卡…)

根據上年節目巡禮，今年應該睇過呢啲劇集：

《學警》<--睇咗…個幾星期咁大把…哈哈…估唔到呢套野最大賣點會由容天后變咗陶生和郭小姐既…

《？心風暴》(忘了第一個字) <--唔打番個？係乜都知講緊邊套吧…

《搜神傳》<--唔知係乜…但記得係開咗的…

《天機算》<--拍咗播咗，但無乜興趣睇…

秋官演辛棄疾(完全唔記得個名)<--聽都無聽過會開﹗﹗﹗

以《紅樓夢》的王熙鳳為主角(都係忘了名字…哈哈)<--本人滿心期待，不過都係聽都無聽過會開﹗﹗﹗

回歸十年作<--即係《歲月lone人》，只睇了第一節就頂唔順無追了…

《珠光寶氣》<--拍緊，08年先出。今年照放在巡禮度，好過上年既一堆相飛出來，今年有片睇，知道故事係關於三姊妹既恩怨情仇了…
********************************************************
07過去的已過去，我們要展望將來囉﹗看08年會有乜野睇﹗

奧運：

唔知點解會有同理大一齊攪的《奧運主持專業進修課程》，是怕再有上一屆葉小姐和方先生的互寸事件，哈，其實正正經經搵體育節目主持做骨幹，再配幾個有口才既藝員攪吓氣氛咪算(這個十分客觀…很難講…何謂好口才呢…)，唔好再搵港姐(好記得某位港姐亞軍在某專家評論緊某跳水選手動作時以廢話打斷了該專家評論三次或以上…好堅﹗)或無聊歌星了(許姓歌手的劉翔個樣好兇狠都係十分經典的說)，又即管睇吓上完呢個課程啲主持可以點專業法。

另外還有甚麼商場大電視for客戶sponsor，北京直播中心，呢啲都係正常既。個人覺得有啲攪笑既有「真情一刻」…就係選出當中四個運動員真情一刻俾觀眾投票邊個最「真情」，請問會唔會搵番好姨和善姨出來做主持呢？笑聲笑聲，滿載溫馨…orz﹗﹗﹗﹗另外仲有好多環節名，無記下，最記得係《每日中國金牌競猜》，以前賭波未合法化就玩《慈善估波膽》，而家就還估金牌，真係辛苦啦，馬會會加這個項目嗎？

綜藝及資訊文教節目：

志友偉論~曾志偉請朋友上去高談偉論…

男女同廚~starring yi hing wong & ck yeung，唔知會唔會佢地做主持…繼續食《美女廚房》水尾…

電波聖火令~據說係由雅典到北京的電波少年之旅，詳情不明…但…家陣仲玩電波之旅？呢個term仲要reuse幾多次？

向世界出發-生命之鑰~呢個係個點既節目唔使多講吧？﹗

蔡瀾嘆名菜~今次食本地野咋喎，好似好慳皮喎…

世界新七大奇蹟~由李樂詩博士(唔係唱歌那個…)介紹，唔知會唔會係由佢主持呢…呢個我有興趣喎…

真實謊言~遊戲節目，話係答廿一條是非題就可知參賽者係咪講真話。外購節目，唔知係放明珠播定轉為本地版呢…

你們我們他們~鄧honey和江芷妮，愛情野掛？硬係覺得似《森之愛情》…

日日有食神2008~唔使講啦？

係咪小兒科~由大人去答小學生出既常識題，好似幾得意。都係外購節目，都係唔知播外國版定係轉化為本地版…

移城日記~遊學+美女，硬學得係《向世界出發》一類內在心靈sharing節目…

我從那裡來~不同歌手回到出生地尋根之旅，片段中係張敬hins，有興趣﹗不過我很怕又係內在心靈sharing節目…

眼光獨到~觀察人家外表、體態等來估人家的身份，又係外購野，邊個台播都係不明

2008獎門人~曾志偉和錢嘉樂，林曉峰過咗亞記由王祖藍頂上，仲會由香港玩到台灣，好似幾有趣喎…

劇集

太極~趙文卓、林峰、胡杏兒、吳美珩(咦…佢出番呢拍劇定係之前拍落的？)

疑情別戀~袁詠儀、三哥、蔡子健、伍姑娘(乜野兩對夫妻交織出既雙屍案…呢套我有興趣喎…)

胡雪巖的廚娘~阿蛇、黎耀祥、bobby、滕麗名(廚娘…我不自覺將婆字代了廚字…)

當狗愛上貓~羅家良，胡杏兒、呂方、曾華倩、廖碧兒(呢套開咗，幾輕鬆咁，有時間會望吓…)

與敵同行~鄭視帝、郭阿旺、蒙嘉慧、商天娥(硬覺得勁似西片，難分忠奸你害我我害你那些呢…)

家好月圓~唔使數卡士啦，即係月餅版《溏心風暴》囉…

幕後大老爺~馬國明、唐寧、徐子珊(講師爺的…劇情不明…要觀察…)

烈火雄心3~王喜、關禮傑、馬俊偉、陳錦鴻、王宗澤、陳芷菁(巴士高由《烈2》既茄呢啡同事升格為主角之一，真係幾年人事幾翻新﹗必睇呢套，希望唔好太婆媽啦，我已因為婆媽而放棄了《cib情報組》了…)

盜亦有道~劉松仁、陳玉蓮、馬德鐘(呢套都有啲興趣喎…我諗太爛既劇本都請唔郁小龍女出山吧…)

李克用與13太保~吳唱k、楊思琦、謝天華(劇情不明…﹗﹗﹗)

珠光寶氣~唔使講啦﹗原來有王喜的，即時勁想睇﹗哈哈…
******************************************************
上年已在講的高清廣播，睇個勢出年會實行，仲會開多兩條新頻道：J2和高清台，請問使唔使收錢既呢？J2有好多日/台劇和綜藝節目，都幾吸引喎，雖然，話會播的《求婚大作戰》我晨早睇咗了…哈哈…

btw，阿可愛教主喺節目巡禮度做表演嘉賓，又跳又唱《任意門》得意又好睇，真係幾可愛(其實我幾buy可愛教主，比較頂唔順另一個教主…哈哈)，唱完快歌就唱咗《換換愛》片尾曲《缺氧》，表現有點跌watt喎，副歌高音位嘛嘛地上到…"dun"佢緊張弄到我都缺氧耶…

延伸閱讀：
我無睇台慶頒獎典禮，又無乜睇台慶，詳情都係細閱芒姐的吧
tbb台慶主頁
今年報告：無乜歌星賀台慶 (只睇咗歌星賀台慶咋…)
去年報告：[雜談]萬千蒸瓜賀台慶

***************************************************

好，出年又再回顧吓﹗

07節目巡禮
09節目巡禮
10節目巡禮
11節目巡禮

12節目巡禮