好，也是先回顧吓上年節目巡禮的內容先：
劇集：
回到三國~據說係林lone封帝之作，不過殺出個峰霜事件令林lone走勢大不如前…喎？不過個重點係…我的看點唔唱k變咗馬明…即刻…唔…不過有17皇兄做周瑜，同演豬腳亮的林lone大鬥一番…都係一個看點嚟既花花世界花家姐~「廢人邊有我咁靚仔」確係一個看點…不過套劇本身不怎麼樣…
點解阿sir係阿sir~唔好意思都係要咁講：呢個阿sir比花家姐更智障囉…
拳王~未播…但有二少…不過有鄭視帝…仲睇唔睇好呢？(31/12/13後按：已播了…)
萬凰之王~萬傻之王…爆笑之選。講完。
真相~癡線，超好睇…唔知有無得開續集呢？(我幾偏心…哈哈哈，評心而論，最後馬明個case有點虎頭蛇尾，高潮反而不反高潮了…有點可惜囉)
福祿壽.com~變成《福祿壽探案》，只睇了少少…沒有特別評語…
洪武三十二~本來我興趣不大架…典知無啦啦中咗bobo毒喎(雖然我已移情去17皇兄度了…呀…成日up的17皇兄就嚟自呢套劇…啦啦啦~~~~)
心戰~未播，不過有興趣睇…但會唔會有人因為有秋官所以唔想播呢？
麻雀東南飛~唔覺眼拍過…
only you，只有您~拍咗但無睇，不過17皇兄有個單元…我係咪要睇呢？
大太監~據說12月會開，又據說米雪姐姐唔得閒所以改成張姐，但而家張姐又唔得閒於是又搵番米雪姐姐…um…這不重要的…重點是…本來傳說話有17皇兄但又據說無喎﹗得番二少咋﹗嗚…(31/12/13後按：已播了…)
綜藝節目：
荃新福祿壽~咦…係咪cut淨暑假版本咋？
腦力天王~唔覺眼有個咁既節目喎？
功夫新世代~有但無睇…
東方大食遊~有但無睇…
應用第一~係咪無架？
二萬五千里遊踨~唔覺眼…
故人故事~唔覺眼…
龍騰天下~…唔覺眼喎﹗
勁歌30周年大派對~真係好唔覺眼…
星星同學會至尊版~嘩…直頭唔覺有…
*********************************************************
好了，下年會播的東東：
劇集 (之前見到網路流傳版本所以先寫了一點點，唔使打名打得咁辛苦真好﹗)
《造王者》~黎耀祥、鄭則士、唐詩詠、田蕊妮、黎諮懿、敖嘉年 (期待度：4/5)
《飛虎》~馬神、宣萱、羅仲謙
90分鐘電影式制作咁勁…喎…um…不過馬神都閃人…唔知會攝啲咩檔期la咁呢？
《當旺爸爸》~夏雨、蓮達妹、馬小生、麥包、胡定欣、SIU公子、6筒
(((見到啲名改晒就是說我一路睇節目一路打架啦…哈哈)))…劇名的「當」字係典當個當咁解…oh…我估都係830啲時間求其播，跟住馬小生又出嚟嘈話佢唔受重視…
《酉陽雜俎》~巴士高, 陳UN微、17皇兄、大C(期待度：爆燈丫唔該﹗笑)
咩人間樂土一夜遭逢巨變喎…好似話係改武俠小說架喎？好奇幻…但最緊要係17皇兄KEEP住個SEXY得嚟有啲Johnny Depp《魔盜王》既造型喎﹗(不過我直覺覺得呢套野都係扮吓野唔知會唔會拍囉…)((另…個劇名鬼咁難打…))《名媛望族》~劉松仁、陳玉蓮、馬國明、吳卓羲、朱晨麗、楊怡(期待度：3.5/5)
楊怡又要做奸嘛？仁哥和蓮姐是partner了嗎？繼《原來愛上賊》之後又嚟一套…希望唔係《胭脂水粉》、《銀樓金粉》之流扮上流社會的戲啦…
《雷霆掃毒》~三哥、阿旺、鄭視帝、除紙山、滕麗明
毒品調查科…內鬼…黑鬼…喎…唔知今次三哥係忠定奸呢？(話時話我仲未睇《刑警》…)…另…問號係因為微博那邊有人說《大太監》無咗17皇兄係抽調佢拍呢套喎…囧﹗是真的嗎？*bling bling眼中…*
《4 IN LOVE》~陳豪、佘詩曼、江欣燕、黄德斌、金剛 (
簡慕華個律師LOOK幾有王菲FEEL喎﹗~個description話只要有愛，全世界人就會親密無間…不過其實係戚其義我都睇架啦…
《耀舞長安》~歐陽震華、胡杏兒、鍾嘉欣 、馬賽 (
耀舞揚威，爭名逐利…呃…但我唔想睇胡囧姐…
《ON CALL 36小時》~馬國明、楊怡、羅仲謙、黄智雯
實習醫生…能醫不自醫喎…應該是ok的吧？
《金枝慾孽II》~陳豪、蔡少芬、鄧萃雯、佘詩曼
孫大人無啦啦變咗陳豪有啲京京…如貴人…唔通係如妃前傳？(不過我有點怕會破壞了經典啫…)
《神探哥倫布》~柴九哥、麥包、李司棋、楊怡
嘩…真係呢個卡士呢個風格應該好笑喎？起碼應該好笑過《福祿壽探案》先啦…
《衝上雲霄II》~苗僑偉(？)、吳卓羲、黃宗澤、馬國明、胡定欣、胡杏兒、徐子珊、陳法拉
又係巴士高和除紙山？阿胡囧又無啦啦同林LONE…OH…好騎…真係咪係有0靚坤架？咁說好的三哥該如何是好呢？(其實我覺得這也是一套經典慘被破壞之作…不過第一輯我麻麻地…)(咦…《怒火街頭2》唔係重頭劇咩？)
綜藝及資訊文教節目：
品味咖啡
千奇百趣馬來西亞
盛女愛作戰~單身港女真人SHOW
星舞動全城~港版DANCING WITH THE STARS
曾情流露~曾志偉感性節目
爭分奪秒~一分鐘來完成睇嚟簡單的任務
TVB演藝新秀大賽
登登登對~男女配對遊戲
人間樂土~向世界出發姐妹作…竟然講葬禮？
驚世瑪雅~又嚟思考人生意義？
五覺大戰~咦…無咗哈林？
世界旅行團
街坊廚神~衣錦還台
yeah，打完…歡樂既時光過得特別快，又到時間講bye bye，明年見~~~~
******************************************************
07節目巡禮
08節目巡禮
09節目巡禮
10節目巡禮
11節目巡禮
hi~ 其實睇咗你個blog好耐，只係冇乜留言，很喜歡你講毛記劇集~
回覆刪除不過呢~ 個blog backgroup 好深色，d 字又好深色，有少少難去睇~
若不介意的話，可否改一改，或者high light d 字嗎？
謝謝。
喵子：
回覆刪除多謝你留言先~
我想問吓你話BG深色的意思是底那張相太深色？
我試過用IE/FIREFOX和CHROME睇，中間藍色個底係少少透明既…不過都睇到喎，之後內文的白色底係實色的，應該唔會俾張海灘相影響到…
不過我會試吓再改個CSS…(我好水平的呢方面)…等我執執~