2006/11/21

走在最前之無記劇集

都說我是喝這個台奶水大,明明手上有爆笑得呢又發人深省的《My Boss My Hero》,還是忍不住看了看台慶…唉…都係將時間用來煲真喜男來得實際…

等到11點看節目巡禮,我知道比台慶好睇好多。

又來重演熱門節目?唔好玩扮到珠光寶氣的阿姐們啦,煮得呢又顧唔到身上名貴晚裝,手上珠寶除又唔係戴住又唔係,事業型的阿姐們更見雞手鴨腳,叫那四位「猛男」幫不如直頭搵個師傳幫仲實際。轉身入廚房煮麵食,一出呢見到一班「美女」唱歌劇…又呢男扮女裝?又係曾志偉?度橋的大佬彷彿已將他扮女人情節昇華如 《東華》一定要有新馬師曾般,為保食慾唯有轉台;看後感,蔣志光,你真的很專業。最好看的,可能係opening大晒冷,人多勢眾,看著看著,我想起《紅樓夢》的大觀園…

算啦,那一小時的惡夢和一集《My Boss My Hero》的opportunity cost俱往矣,展望將來,看看無記出年點樣「走在最前」。

年年我都好不幸被《台慶》悶暈後忘了睇節目巡禮。呢個節目可能係無記全年最好睇的一個,這是無記來年劇集和綜藝節目的presentation,其實係用呢sell俾各大廣告客戶,作為電視精,唔係target都要睇睇既,主打睇吓個樣板和製成品出呢差幾遠。

而 每年我都有被呃的感覺,巡禮用得呢sell客片段中卡士一定精英盡出,但片中擔大旗和最後開拍的卡士可能差十萬九千幾里。當然,這可能和藝員檔期有關,不過出到呢唔會原先的卡士會幾失望囉。尤記得當年重拍《鹿鼎記》,康熙話係由古先生演出,最後…《帝女花》由阿蛇拍張智霖,最後…(馬小生我唔係話你唔好, 不過先入為主丫嘛);《血戰軒轅》的古先生變了林lone…(最後我無睇呢套劇,唔知林小生做得如何,只記得阿姐高八度的片尾曲:問蒼天~~~~~);某年說有古先生和宣萱合作一套驚慄片,最後係無拍到…同埋《婚前婚後》(忘了無記點樣食個昏字)阿姐個角色其中一個仔係陳曉東嚟架﹗

今年我坐定定睇,睇吓無記出年點「呃」我。

有啲我知已拍咗,有啲聽都未聽過,以我所知,《學警》係拍咗(記者成日影容天后開工嘛),有一套《?心風暴》(忘了第一個字)應該都係拍咗的,仲有《搜神傳》和《天機算》(即係攪到馬小生受傷朦眼拎獎的一套)。

有兩套,本人幾有興趣,又即管睇吓無記拍成點(如果真係會出街的話)。

一套係秋官演辛棄疾(完全唔記得個名),辛棄疾(生平) 名句「驀然回首,那人卻在燈火欄柵處」/青玉案(從yahoo search搵,個人兄打錯了「蘭」和「珊」,錯得仲離譜過我啲錯字喎﹗)人人皆知,當年讀文學見識過他文才,對他的生平事跡所知甚少。若呢套野拍得正正常常的話應該幾好睇,秋官做個能文能武的詞人點都似過市井出身的劉邦掛,若無記拍得正常的話。另外辛的兄弟有黃德ben和關禮傑,當年看《蜀山奇俠之紫青雙劍》極欣賞呢位的水有如公仔麵的大師兄(雖然我還是欣賞苗僑偉的楊康多啲,嘻嘻),真係幾期待。

另一套完全係震撼我的心靈—以《紅樓夢》 的王熙鳳為主角(都係忘了名字…哈哈),唔知係咪見蔡少芬做焦當家咁掂今次比佢升級做大觀園當家?蔡少芬應該carry到鳳辣子既,若蔡無期可以諗吓鄧萃雯?﹗蔡做主角唔係最震撼我的地方(呢個選角OK我覺得),最驚係無記挑戰呢套經典,究竟無記去邊度搵景?戲服道具得唔得(曹先生書中之描述極仔細的說),還有其他金釵會係邊個「花旦」做呢?呢個我係最驚,唔係太留意到邊個演林黛玉(應該係我miss咗),寶玉係蓋鳴輝(…又搵佢嚟反串?﹗),寶釵係廖碧兒(唔知點講,總之唔係我想像中的寶釵…)。雖然唔熟《紅》書,但話晒會考日煲夜煲過,仲有八、九成背景資料留在腦中。本著本人鐘意睇古裝+歷史,本 書又叫識少少,而且本人熱衷睇原著改編劇,又睇吓無記拍啲咩出呢先。

還有套是回歸十年作。另外有一套《珠光寶氣》,話係匯聚全台精英,講鑽石。由頭到呢不停影住鑽石和飛藝員的相出呢,睇完都唔知套劇會講咩…

講完出年的節目後,有一part講明年節目會以高清廣播,看得我和小弟一頭霧水,甚麼畫面顏色更靚、輪廓更分明…點解咁似高清電視機廣告啲內容?﹗究竟係sell我睇你的高清廣播節目定係sell我買高清電視架?

雖說我心早已奔向日劇,但無記始終係本人由細睇到大的電視台,實唔忍心見到現在出品質素/量之高。走在最前係要行動唔係一大堆人講就行的,現下亞洲各地出品水準日高,唔止日中台韓,甚至一路買港劇的東南亞都有不俗出品,現下的港劇如何和人家競爭呀?﹗

(08後按:《珠光寶氣》講咗兩年,卒之會喺今年做台慶劇…卒之播了﹗另外講辛棄疾的一套和《紅樓夢》那套係完全無影…嗚…)

***
雪球--我對電視劇的期望
文風--萬千猩猩賀園慶
******************************************************
08節目巡禮
09節目巡禮
10節目巡禮
11節目巡禮
12節目巡禮
13節目巡禮(其實是沒有看的…於是只能從網上找資料)
14節目巡禮(也是沒有看的,也只能從網上找資料)

其他的年份就看下面的tag吧…

16 則留言:

  1. 冇睇錯林黛玉好似係思琪姐, 唔係好掂

    寶玉搵女仔反串唔係問題, 不過蓋嗚暉好似年紀大左少少, 其實求其搵個後生女做都ok架, 楊怡我諗都唔錯

    21st Nov 2006 13:36 PM

    回覆刪除
    回覆
    1. 又真係好似見過思琪姐喎…呢個選擇好驚…
      蓋鳴輝係無記特派反串專員,除了西遊記的觀音和時裝劇之外佢真係套套都係男人樣出場,就算講佢係女兒身都要扮男人先…
      暫時我又諗唔起邊個反串夠俊俏…新嗰啲姐仔我唔熟…

      22nd Nov 2006 09:37 A

      刪除
  2. 冇睇節目巡禮添!
    妳講秋官嗰套劇好似有啲吸引力,至於紅樓夢嘛,就不敢寄望了!(點解反串一定係蓋鳴輝?)

    21st Nov 2006 15:18 PM

    回覆刪除
    回覆
    1. 唔睇基本上唔係損失~
      驀然回首句詞好多人都識,但係個作者我諗唔係個個都識,而且之前又無咩劇拍過佢,感覺幾新鮮…
      紅樓夢我都好驚,而家大陸都攪緊重拍,人家的重拍係年度重點大製作,大眾對選角要求高到呢…
      香港又呢一個港版(雖然係以王熙鳳做重心)…好難免會拎呢比較的嘛…一個唔小心拍得唔好真係失禮死…

      22nd Nov 2006 09:42 AM

      刪除
  3. 以前我都有睇無線節目巡禮, 不過我發現巡禮入面所講的節目, 去到下一年台慶都未播, 實在有點搵笨.

    其中一個例子是04年的巡禮有中日拍攝的新絲綢之路, 到了06年10月才播.


    21st Nov 2006 15:23 PM

    回覆刪除
    回覆
    1. 所以每次睇完我都有被人呃的感覺…
      好在我唔係廣告商…

      22nd Nov 2006 09:43 AM

      刪除
  4. 有時間還是看「My Boss My Hero」吧,超大量日劇等妳去煲。

    不過昨晚吃飯偷看了「賭場風雲」又好像不錯,起碼劇種及演員倒是吸引在下,苗Uncle倒是在下五十多歲時想變成的目標...

    21st Nov 2006 15:35 PM

    回覆刪除
    回覆
    1. 「My Boss My Hero」正呀,真係爆笑得呢又發人深省…
      我成日UP咗「賭場風雲」做「賭城風雲」,暫時睇咗兩集都OK,但係我唔明點解苗UNCLE係菲律賓開的賭場入面員工都係香港演員(香港人乎?)?唔請當地人既?同埋個場淨係做香港人生意?無其他地方遊客既?﹗
      苗UNCLE應該四十幾,佢同劉華、黃華UNCLE一代架嘛。學你話齋似佢咁生意又做過,而家番出呢拍吓戲過吓癮咁真係幾開心。

      22nd Nov 2006 09:48 AM

      刪除
    2. 呢d咪係賺錢買花戴囉

      22nd Nov 2006 15:00 PM

      刪除
    3. 都好丫,佢80'S拍的戲而家無記好少重播,唔係專登搵VCD都幾難有得睇。而家有得一睹佢既風采,哈哈,買多啲花載啦~~

      23rd Nov 2006 14:09 PM

      刪除
  5. 《婚前昏後》巡禮時o係張柏芝做主角ga!!話她昏迷好耐不會老云云....不過當時都猜到佢唔會接ga la...


    21st Nov 2006 16:18 PM

    回覆刪除
    回覆
    1. 係呀…你講起我又記得…柏芝…
      嗰時劇中老公好似唔係劉松仁添

      22nd Nov 2006 09:49 AM

      刪除
  6. 無記劇集喜歡新瓶裝舊酒。

    22nd Nov 2006 13:11 PM

    回覆刪除
    回覆
    1. 個瓶其實都可能係舊,可能係從ABCDE五樣野隨手執三樣出呢…每次出呢有少少唔同但又硬係熟口熟面

      23rd Nov 2006 14:03 PM

      刪除
  7. 好厲害呀你~成日可以寫得咁詳細~
    不過...其實我唔中意睇電視...所以都睇唔明呢~嘻嘻嘻~

    *咁你多唔多睇電影呢~?


    22nd Nov 2006 14:09 PM

    回覆刪除
    回覆
    1. 辛棄疾和紅樓夢係中四五文學讀到天翻地暗既野,化灰我都記得呀﹗無記竟然拎呢拍…印象極深﹗哈哈哈
      其實唔睇可能唔係損失…我係捧苗UNCLE場先睇番無記,而家主打睇日劇了~
      電影…入戲院睇就少…除非真係好想睇啦…通常係睇舊片,一係買VCD一係睇有記電影台…本人最愛係港產片,就算係爛片都啱~~

      23rd Nov 2006 14:06 PM

      刪除

要講幾句嗎?﹗XD