2006/11/07

我看文章留言

看到阿占《留言比文章重要》一文有點感想。

看人家的blog心有所想,口多的本人總愛留個言,交流亦好交個朋友亦好,總覺得寫blog者除了抒發己見外,人家回應留言對他們來說是種鼓舞,無論是同意不同意或是批評是讚美,都會珍而重之。

定居鮮奶之前暫住過不同BSP,一直門庭冷落未嚐過回應留言的滋味。和blog友互動,是來到鮮奶才開始的。每個人有盲點,平凡如我亦然,就算下筆之前做了幾多資料搜集,不免仍有錯漏;發文後得blog友回應指正(尤其是本人常犯的錯別字),大家討論討論,集思廣益總比自言自語好,要自言自語又何須將文發到網上?發文上網就是想讓人看,想有人和自己交流交流吧。網上世界是個汪洋大海,漂流著成千上萬不同種類的網友,大家性格喜好各有不同,本著互相尊重理性討論,獲益一定不淺。

有時發完0翕風之後見久久未有留言,心中不禁納悶是不是我寫得不好(文筆呢家野本人係仲要努力…),是不是題目太偏(寫吓熱門野之餘偶然都想分享吓自己的飛佛…),還是其他原因呢?做做吓野就禁不住click上blog望一望。

迷上blog之前曾迷上forum,看過不少無厘頭的口誅筆伐,大家互不認識,有時留個言談論到(都未至於批評)人家的喜好(尤其是偶像啦),攪不好就引來一大堆惡意回應。為怕被人問候祖宗十八代,好多時有興趣的題目只看不回,就算回都是小心的回,免觸及地雷,卻難暢所欲言。此時更覺blog世界理性平和的可貴(最嚇死自己的一次算是為欣宜事件寫的幾隻字吧…)。

到人家留言和回人家到自己blog的留言,成了習慣,成了嗜好,成了每天必做的事。泡好些blogger的blog多了,好像熟悉的朋友,留言內容「放」了,雖未至無所不言,但敢講的事情是多了。

最近自己一個留言,讓我有種衰咗的感覺…

話說本人留了對一部戲的感覺,讚了一句,評了兩句。之所以話衰咗原來網主認識該片幕後制作人員…衰咗…其實套戲我好鐘意睇,只是想表達作為受眾對劇情的小小意見,希望網主唔好介意。

衰咗的感覺像小學時識到新同學,未知她原來喜歡劉德華(純粹舉例)或是她未知我迷郭富城,大家閒聊時我說劉華而她說郭富城不是,空氣中飄著種怪怪的感覺。總而言之,留言留得太開心,個心玩「創」了,忘了到新blog友處留言應該謹慎一點。

唉…
---------------------------------------------------------
相關文章:

容子--水靜河飛
Chuan--留言與文章同樣重要

26 則留言:

  1. 暴走老太22/5/12 13:58

    留言比文章重要?

    呵呵~來到網上寫公開的blog,想,大多數人都希望自己個blog熱熱鬧鬧門庭若市。也許這就是世間太多表面開心而內心寂寞的人吧!也許是大多數人都有種渴望被重視和被關注的想法吧!或說是人人都希望找到一點認同時。

    至於,留言比文章重要?
    那...... 

    7th Nov 2006 13:23 PM

    回覆刪除
    回覆
    1. 我覺得blog世界可以被都市人一個逃離(或暫時離開)現實,寫吓自己想寫的事,其實都係減壓既一種方法呢既。每個人都有想分享比人知既事,又如你所說希望被關注,咁blog就係個好渠道。
      文章擺得上網就係想有人和自己文流,所以有留言真係好開心~我覺得兩樣都重要架…

      8th Nov 2006 11:48 AM

      刪除
  2. 何需==>何須
    其實套戲我好仲意睇==>鐘意

    CO2


    7th Nov 2006 14:56 PM

    回覆刪除
    回覆
    1. ohhh…改咗…
      哈,容我擇善固執(其實唔係善),我喜歡「仲」多於「鐘」,其實之前睇書都知「鐘」係正字,不過我prefer「仲」字多啲~

      8th Nov 2006 11:50 AM

      刪除
  3. 我都覺得留言有時真係好易衰,我都試過留言畀人人哋唔鍾意(其實我完全係講笑但人哋冇我咁冇正冇經囉:p),不過冇所謂啦,知道咗下次到某blogger處留言時就小心d唔好「寫」得咁「創」囉又或者留少d到非必要時先留言囉,嘻嘻...有時同某d blogger玩熟咗大家互相留戲言其實都真係幾開心...

    希望domotoiceko唔好介意我第一次來留言就在胡說八道,因為你引用了我篇「撒嬌文」,我一時開心過頭所以寫「創」了啫...emoticon


    7th Nov 2006 15:27 PM

    回覆刪除
    回覆
    1. 哈哈,其實我呢篇都係「撒嬌文」,留言玩「創」咗~anywayz,謝謝你留言,你個留言唔算胡說八道~~交流交流je~~呵呵
      有啲人只喜歡和識的朋友留言吹人(正如我的icq唔add外人),有時唔知留咗言好似入侵咗人地領土咁,真係衰咗都唔知咩事﹗
      結論就係到新blog友留言都係小心啲﹗~

      8th Nov 2006 11:53 AM

      刪除
  4. 不用太擔心啊,若留言評一下,就引起他人不快,係果個人有問題,佢應該習慣下就真,唔係你。

    7th Nov 2006 17:18 PM

    回覆刪除
    回覆
    1. 收到收到~
      本來我打咗個回應解釋我立場,不過都係算啦,免得得越描越黑~

      8th Nov 2006 11:55 AM

      刪除
  5. 在下就是於FORUM這等九反之地成長,所以在BLOG這種環境更好的地方,基本上不大可能會讓自己的留言中招。
    在這裡開BLOG之前,在下每天就只會巡邏自己的FORUM,但現在這裡的一句留言,竟然發現在FORUM找不到的滿足及親切呢。
    無論是文章還是留言,都比點擊重要,希望大家多多交流吧。

    7th Nov 2006 17:20 PM

    回覆刪除
    回覆
    1. 現在forum我只係睇唔留言了。看他們光為了容祖兒和楊千嬅邊個好啲都可以鬧一餐,真係唔知為咩
      滿足和親切感真的很重要,亦係繼續寫blog的動力呢﹗﹗

      8th Nov 2006 11:58 AM

      刪除
  6. 我只能說兩者同樣重要吧.
    如果文章不好, 有時真的懶得留言.
    文章太硬, 讀者本身根本亦難以留言.
    可是Blog友跟以此為生的作者不同,
    雖然有的口口聲聲說blog只為抒發心情,
    但畢竟Blog友沒有了留言, 日子一久, 自己也沒有了動力吧.
    所以只覺得兩者是互為牽引.

    7th Nov 2006 17:27 PM

    回覆刪除
    回覆
    1. 文章和留言有啲似雞和雞蛋,好難話邊個重要啲
      所以以前在blogspot自言自語年代,自己都無咩心機寫,反正都係得自己睇

      8th Nov 2006 11:59 AM

      刪除
  7. 我自己都覺得留言幾重要,有一種鼓舞同推動作用!大家唔同意見交流交流,真係學多好多野架!
    7th Nov 2006 18:05 PM

    回覆刪除
    回覆
    1. 係呀﹗
      尤其是自己啲騎呢taste有人附和,真係好開心(想當年本人講親古天樂版神鵰都被人話無taste架﹗嗚嗚)

      8th Nov 2006 12:01 PM

      刪除
  8. 多謝你引用我的爛文.

    特別再來留言,問候一聲: 你好嗎?

    (希望這句唔會“衰咗”XDDD)


    7th Nov 2006 18:32 PM

    回覆刪除
    回覆
    1. 唔會唔會,歡迎光臨就真﹗哈哈

      8th Nov 2006 12:02 PM

      刪除
  9. 你舉那個劉華與郭生的例子,我特別有感受,因為也曾因類似的情況而中招。
    留言,肯定是重要的,互動交流是寫blog很重要的一環。

    7th Nov 2006 19:20 PM

    回覆刪除
    回覆
    1. 因為我就係試過唔知對方原來仲意某偶像,仲係佢面前係咁踩,中招中到應﹗
      看到留言知說自己發的0翕風有人看真的很高興~

      8th Nov 2006 12:04 PM

      刪除
  10. 嗨..唔緊要啦, 我唸人地都好快唔記得架la...

    7th Nov 2006 20:23 PM

    回覆刪除
    回覆
    1. ee…諗係咁諗啦~~哈哈

      8th Nov 2006 12:05 PM

      刪除
  11. 想起黎明首舊歌.....

    待你好.... 原來「愛比我重要」....

    與「留言比文章重要」感覺很似... 哈...


    7th Nov 2006 23:42 PM

    回覆刪除
    回覆
    1. 係咪生滋的廣告歌?﹗
      好熟呀呢個歌名…

      8th Nov 2006 12:06 PM

      刪除
  12. 不過,有留言對繼續運作很有動力,所以更佩服很多留言不多,仍然默默地寫的高水準bloggers

    留意令人不快的話,我覺得如果對方唔小氣,根本唔使計較,say 個sorry夠晒,如果對方咁少氣,換我以後就唔去了

    其實,有句中招野我想講好耐:"留言比文章重要的話,大家都寫三字文,等留言的人去補完好了...",最近,真係得罪人多,唔知幾時會被邊緣化?


    8th Nov 2006 10:08 AM

    回覆刪除
    回覆
    1. 留言確令人越寫越起勁,總覺得擺得上blog就唔係想自言自語,我轉過呢鮮奶就係喜歡呢度的blogger互動多
      我諗留言不多仍然努力寫的blogger真係好熱愛寫作,熱愛到似啲歌手話齋唱到得番一個觀眾都要繼續唱…
      中招後講咗出呢舒服好多呢﹗哈哈~~
      影兄你點會被邊緣化,至多我日日留多幾個言比你﹗哈哈

      8th Nov 2006 12:11 PM

      刪除
  13. 我覺得...相輔相成啦...
    以前用blogspot,都係無人留言ga,感覺好似自言自語,好無心機寫~搬左尼sina真係唔同晒,而且sina友都好友善,都唔會點批評我,幾開心呢~

    之但係有時好有心機留言,個版主反而無反應,都會令人唔想再留ga~但係再留再re再留再re...會唔會沒完沒了呢~?

    8th Nov 2006 10:51 AM

    回覆刪除
    回覆
    1. 同意~咦…我都係在blogspot度搬過呢…
      我係耐不耐走去主頁度search吓blog主有無回我的留言,有興趣的話咪再回,試過幾次回完又回,好似變咗forum咁~無反應的就算架啦,當係自己又自言自語,始終每個人對留言的看法唔一樣

      8th Nov 2006 12:14 PM

      刪除

要講幾句嗎?﹗XD