要等十分鐘的快餐

次次都要我等，雖然我未去到火滾的境界，不過心中充滿不爽的感覺，不吐不快。

話說，本人很熱愛牡丹樓的煙肉蛋漢堡 (原以為已被除名，但原來可以order，只是menu上沒了)和不定期推出的忌廉粟米湯(20/2/12後按：原來之後出既龍蝦湯只係隔三個月咋喎﹗這個是差不多一年後的。)，是屋企無飯開又唔想生火煮食時的良伴。不過，樓下的牡丹樓經常 缺這兩個item，得到「要等x分鐘」回應的次數多不勝數，令本人已由無所謂的「咁轉第二個餐啦」去到疑惑究竟係咪無這個item賣的空城計？﹗最近復生的忌廉粟米湯，這兩個星期我買了三次，三次得到的答案都是要等十至二十分鐘不等，拜託，其實係咪無得賣架？不如貼個牌寫住售罄等我唔好有不必要的期待 吧…

有無人可以話我知快餐的定義係乜？

今日行了一水左單勞，發現原來佢既會員卡已全面電子化，登記後只要憑電話號碼就用得，不用帶住張卡出街，強﹗更good的是，本來用hard copy儲印花的買八條褲送一(唔係講笑…玩到2046年囉﹗)現下都電子化了，咁就不用吓吓帶住張印花卡，你知啦，明明儲緊但比錢時先發現無帶出呢感覺 是十分無癮的，就如一心想去飲牡丹樓個忌廉湯但佢話你知足足要等20分鐘﹗﹗﹗﹗

這是要試煉我對店員的同理心有幾多？還是我對這品牌有多忠誠？還是挑戰我無奈的底線？

話說回頭，左記會員本來已經有九折，而家仲玩埋儲cash dollar…拜服﹗

好野要分享，不滿要申訴，我係咪應該發揮顧客精神反映吓我既不滿呢？